عِـشْقٌ سَرْمَـدِيٌّ– هُـوَيْـدَا الـمـاحى-سطع الْبَدْرُ نَبِيلٌ من ثَّنَيَات أُمدرمان-هلالنا مقدام لا بنشترى الذِّمَامُ ولا بنرشى الحكام-حوبة امة الوطن الهلال هذا اوانك أقدلى 

عِـشْقٌ سَرْمَـدِيٌّ– هُـوَيْـدَا الـمـاحى

سطع الْبَدْرُ نَبِيلٌ من ثَّنَيَات أُمدرمان

هلالنا مقدام لا بنشترى الذِّمَامُ ولا بنرشى الحكام

حوبة امة الوطن الهلال هذا اوانك أقدلى 

@ البارحه “المونديال” كتلتوا الغيره من سيد البلد .. “السَّيْرَةُ” مخمليه وعديله ..و السَيْرَةُ من امدرمان لا عند القضارف الزاخره بى خيرها ..وحفاوة الاستقبال الما خمج “أساطين العشاق ” من حله لى حله ومن فريق”حى” لى فريق كانوا كان زاد الطريق والتروية.. متعطشين للحفاوه بمعشوقهم هلالهم ..لا سألوا فى المونديال ولا اشتكوا من موجة الحر ولا زمهرير الشتاء ..وكم كان الاهلى مدنى عظيما وهو يحسن استقبال بعثة سمو هلالنا العظيما..وعلى رأسهم قائد ركبهم رئيس النادى السيد/ “أحمد بركات”ما قلنا ليكم الانديه مقامات ..! والساده”أحمد عبد الصمد الأمين العام، و/ عادل فقاد أمين المال” ..الفرحه والهيصة فى المناقل والكاملين والحصاحيصا ..والقضارف ازدان ميسها والهلال شبال عريسها

@ نادى الشرطه ازيكم .. طيبين طيبين جيناكم زايرين مانا غايرين ولانا خاينين ..الكوره محبه وسلام ..وشعارنا الاقدام لا بنشترى الذِّمَامُ ولا بنرشى الحكام..بندق الكوره بى فن وادب واحترام وبنقلع النقاط .. ..بالعزيمة وال (Grinta) ما همبته وسلبطه ..ونرمى لى قدام

@استعير ابيات الشاعر :”حماده عبيد”..للرد على بعض سفهاء احد قروبات الواتس 

@ المديده حرقتنى

صرح الصحفى المدريدى ” أجيري” المقرب من” رونالدو” بان الإتحاد البرتغالي سوف يقدم أدلة إلى الفيفا تثبت بأن الهدف الأول ضد الأوروجواي سجله “كريستيانو”..غايتو لو حصل الحصل اللاعب “برونو فيرنانديز” الا يقع البحر .

@ فريق توتى..السيره مرقت عصر ..لازم تحافظوا على المركز الرابع او تمشوا لى قدام وتخلوا المدعوم فى المركز السادس وربما تراجع عنه ..وما تهتموا للتحكيم اترسوا شباك فريق الاتحاد والتحكيم ترس..وادرشوهم درش .!

@ بالله شوف يا دى الكسوف اختفاء ايصال شايقى ( 111) ياهن ذاتن مطارق شلوخ الشايقيى بى ذاتن 111الف دور ..فص ملح وداب..الكلام دا وين ..؟ فوق اضابير (الهناى فى البتاع داك ) اكيد عرفتوا اها “البوظ الشغلانه” ما ضياع الايصال بل تسريب الخبر للاعلام خلى الرئيس”يدوش”.

@ افردت الصحافة الإماراتية حيذا مقدرا للزعيم الهلال واسلوب مجلس ادارته الملكى فى التعامل مع “نوائب” الفيفا وسرعة اتخاذ القرار بالتصدى لتسديد الغرامه الدولاريه لابعاد عقوبات الحرمان من التسجيلات عن الفريق وسجل سجل يا تاريخ ديل الرجال .

@ يا “ماتيو” ما تبكى ..ود ميسى ما تبكى

@يحدثون اساطين العشاق ويحذرون  بان اعملوا حسابكم من الحجارة التى حصبت فريق الاتحاد جنا الحكام ..لا نحسب ان عاقلا سيحصب بالحجارة فى قضارف الخير .

@ حوبة امة الوطن الهلال هذا اوانك أقدلى 

الصرف البذخى على احتياجات واولويات الوطن الهلال من حكومة السوباط بحاجه الى المسانده من اساطين العشاق فى العالم اجمع ولكن حكاية النفرات المفتوحه دى بقت مفضوحه وسرقه عينك يا تاجر ناس اشتروا ديك يا العربات الما خمج وناس عرسوا وناس عشعشوا فى قطر وناس وناس ..اتمنى ان تتفتق عقولنا عن مبادرة عبر فتح حسابى بنكى تحت مظلة مجلس الادارة وليس الافراد 

@ وما ادراك ما “الساطع”

يسألونك عن بص دولة سمو الهلال ايان مرساه ..؟ والبخلى سيد البلد يسافر القضارف بالساطع شنو ..وما ادراك ما الساطع هى “سفريات” زيها وزى غيرها تعاقد معها الاتحاد لترحيل اندية المنتاز” ججت “..فالتطمأن قلوبكم على دابة سمو الهلال فهى بغير “تعتلف”-” بنزينها ” واخر ترطيبه .