Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-لا بديل للصداره الا الصداره- صحيفة الزرقاء الخرقاء كضابه ودلابه..د على عصام فضحها-محمد حمزه الكوارتى  زكرى رحيلك الاولى وانت ماثل بين ظهرانينا-اب جيبين زار نادى المريخ بالشاكوش ولا اخد الاذن من الجاكومى المنكوش..؟

عِـشْقٌ سَرْمَـدِيٌّ– هُـوَيْـدَا الـمـاحى

لا بديل للصداره الا الصداره  

صحيفة الزرقاء الخرقاء كضابه ودلابه..د على عصام فضحها

محمد حمزه الكوارتى  زكرى رحيلك الاولى وانت ماثل بين ظهرانينا 

اب جيبين زار نادى المريخ بالشاكوش ولا اخد الاذن من الجاكومى المنكوش..؟

استراليا-ملبورن_عشق البلد

الله -الوطن الهلال 1898م..النصر بجدارة أو الهزيمة بشرف.!

@ فى زول هناك عاشق الهلال عشقا نصوح ..فوز الهلال ببقالو روح ..وطنه الهلال يفديه بالروح..الليله بالليل الليله ومن على ملعب كوبر يختتم سيد البلد تمارينه لمنازلة توتى باستاد الخرطوم باكر .. غدانبارى توتى والغلب حاصر باذن الله من 24 لى 27 .لما كان الشئ بالشئ يزكر ناس كوبر صدوا وردوا لينا حاجاتنا ولا لسه ما ردوها ..؟

@ أساطين العشاق تقبلوا اعتذارى عن غلطه ما مقصوده وردت سهوا فوق عيمودى الليلل البارح عن فوز سمو الهلال بسبع متواليات وهن ثمانية والتاسعه اتية باذن الله لا محالة سنعبر توتى .

@ محمد حمزه الكوارتى تمر علينا زكرى رحيلك الاولى وانت ماثل بين ظهرانينا باعمالك الخالده وان انسى لا انسى عندما هاتفتنى فى العام 2004 واسديت لى نصحا غاليا وانا بصدد السفر الى القاهرة مستشفية ولن انسى موقف ذلكم النصاب الذى اسررت لى به والذى بَزَقَ سمو الهلال من نوره كلامك ما وقع واطه ..ستبقى خالدا فينا ما حيينا ..ارقد بسلام..نتعشم ان ترفع لافتة تأبين الكوراتى فى مباراة  الغد امام  توتى من قبل فرسان سمو الهلال 

@ عزيزى الادارى فى الوطن الهلال نصيحه لى الله :(قالوا جوِّع كلبك يتبعك )المصيبه انكم اشبعتموهم حتى اصابتهم التخمه ..والشبع بعمل بعبعه !!فبعبعوا ..وهوهووووو..واطلقوا فحيحا “كزفرة مومس”..فسعوا الى اشعال شرارة الفتنة تارة بترصد المحترفين واخرى برمى المدرب فلوران بالوشايه والحقد الدفين ودقَّ الإِسفِين ..دا “كوووله” لى شنو ولى مصلحة منو ..؟

ومنو “البقيم ” المدرب ..غير خبير التدريب او “اللعييييب او مدرب “متلو”..للاسف اى حاقد وخسيس ومخرب.. وفاقد تربوى والدليل “منشوره الاقذر من حركة يد الجاكومى ” ما كلهم عيال “المأزومه “..الخازوق دا -“شالو” قلم على حين غفلة من عمر الزمان و”انبرم ” منصب نفسه “ناقادا ومحللا” “وما هو الا (( عُتُلٍّ زَنِيمٍ .. جعظرى- جواظ -مستكبر -جماع مناع “)) ..عندما يأتى تقييم الروف فلوران من المدرب القدير “شرف الدين احمد موسى ” الذى امتدح الثعلب فلوران واصفا له بالرجل الواقعى الذَكِيَ كما اسدى النصح للزعيم سمو الهلال بعدم التفريط فيه..تقول لى ناس المصالح وناس العمل الطالح ..؟ قبحهم الله

@ اب جيبين يزور نادي المريخ..دا ما الخبر الخبر زاروا بالشاكوش ولا اخد الاذن من الجاكومى المنفوش..؟

@ اسمى ايات التهانى الرائع “مكسيم فدجو ” حارس عرين سمو الهلال السابق فوز الكاميرون على البرازيل

@”أنت قرد..فينيسيوس أنت قرد!”. مكتب المدعي العام في مدريد اصدر بيان:(هذه الشتائم، لا تمثل جريمة ضد كرامة” فينيسيوس، وأنه لا يمكن نسبها إلى شخص معين”.)مخير الله

@ ناس المجلس سلام ..طيبين طيبين ..مسعولين من الخير انتوا ويين اراضى السيد الرئيس هشام السوباط فى السودان ولا حايم بين البلدان..؟

وسؤال برئ وين الحى بالسيد الفاضل التوم ..خبارو سكت وما قال بغم بخصوص الاضاءة ..؟ وهل سيضمن الفاضل التوم سلامة اجهزة ومعدات الاضاءة المركونه فوق الجوهرة من التلف والسرقه التى لم تسلم منها معدات وكمبيوترات كانن قاعدات جوووه مكاتب الجوهرة ..؟لا اسكت الله لك حسنا الفاضل التوم ولا تبت يداك عشان تدق لينا الجماعه الركنوا الاضاءة وما ركبوها ولا شنو يا الفاضل التوم يا زول صح النوم ولا التوبه نصوح ..؟

@ صحيفة الزرقاء الخرقاء طالعه بى مانشيت نقدر نقول عليهو “شيييت ساااى”..ايعقل ان تعقد المقارنه بين ثالث ثلاثه على رأس مدربى القارة السمراء مع مدربين السودان..؟  احترامى مدربى بلادى ولكن  المقارنه معدومه بالمره وليس منوط بجماهير سمو الهلال تنصيب البروف فلوران المصنف مع كبار القاره .

وسقطه تانيه كمان خط عريض ” الهلال يحذر موقع رجيستا من المساس بالفريق ويؤكد بان ابوابه مفتوحه لاى معلومة ) وصاحب موقع ريجستا الهلالابى “الدكتور على عصام ” قاليهم: (كضبا كاضب ..ما كلموهم  ولا حدثوهم ولا انذروهم ولا الله قال- كذب وافتراء لم يحذرنا ولم ينبهنا أحد) الكلام دا فوق حيطة قروب “الهلال فى قلوبنا” على الواتس..هسع فى داعى للمزاعم والاباطيل والاراجيف يا صحيفة الريس ..؟

انت كمان يا “دكتور على عصام “ما تخت الرحمن فى قلبك عشان ما تفضح اراجيفهم واللاعيبهم وعيبهم يمكن حذروكم وكمان جلدوكم بالنيه والنيه واصله ولا شنو يا الخرقاء الما شبه الزعيم سمو الهلال ..؟حسبنا الله ونعم الوكيل

@ سالت عن حافز فارس الشهر ومافى زول هببوا لى يعنى كانت الجائزة لى فرد شهر يا السيد محمد العليقى ..؟

@ والله وتاالله مش لو عزمونى ناس بوليس “شرطة القضارف ” لو جاتنى” العيزومه” لىى المونديال وقطعوا لى تزاكر الطيران والفسحه والنزهة والمباريات من الانتربول ..ومعاهن البوليس القطرى..حبى وعشقى وولائى لسمو الهلال حصرى ..لا بتبطرنى دعوة البوليس ولا حفنة البقشيش عشان ادير ظهر المجن ما عشت ولا كنت ..المتصوحف  دا جرم محترف الهلال فى القضارف وقال عنه ما لم يقله مالك فى الخمر لعيون بوليس القضارف ان شاء الله ادوك رتبه .

@ خيرا فعل القطاع الرياضى بقطع الطريق واخماد شرارة اعداء دولة سمو الهلال من الداخل التى فاحت ريحتها النتنه عن مقاصد فلورانيه والنية فى الاستغناء عن المحترف “فيكتور نانكى  فيدينهو” القاطره البشريه وصمام امان دفاع الزعيم سمو الهلال ..شوفوا غيروا .

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

السبت 3/12/2022

شاركها على
أكتب تعليقك هنا

لن يتم نشر عنوان بريدك الإلكتروني.