Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-نقاط توتى الهلال عزال من الترتان لامدرمان-السناجب فى بطولة “الدبايب والعقارب”-  التسريبات طاعون الهلال.. باد “تيوس”.. هروب السوباط فرية الاوباش

عِـشْقٌ سَرْمَـدِيٌّ– هُـوَيْـدَا الـمـاحى

نقاط توتى الهلال عزال من الترتان لامدرمان 

السناجب  فى بطولة “الدبايب والعقارب”

  التسريبات طاعون الهلال.. باد “تيوس”.. هروب السوباط فرية الاوباش

الله -الوطن الهلال 1898م..النصر بجدارة أو الهزيمة بشرف.!

@ نقاط توتى الهلال عزال من الترتان لامدرمان ..أريجا دُعاش و حِزمة نالْ..من فلوران والشعله الفنان @باج نيوز -باد “تيوس”.السوباط اخرس الاوغاد ومغس الشمات لا هرب.. لا مات ..لا ورد للوطن وقود غير مطابق للمواصفات ولا “عبأ مطابق ” المشاطات بالدولارات ..بالله هو اتاريهو ..جغام اللقيمات عندوا “موقع” ..؟موتوا بغيظكم….والبابور جاز خلى يشتغل والشغل بالجاز خلى يشتغل

@ مستوى اداء سمو الهلال “كعب “..نعم لم يترقى مستوى اداء الحبيب الى درجة الامتاع والابهار والاسباب ..”كتااااار”..اول التبادى استاد الخرطوم لا يصلح البته للتبارى عليه ولو حاولت تلعب كوره مفتوحه وتخلى اللعيبه يقدموا الروائع لن تسلم من الهوايل والفظايع -اى والله- لانه اللاعب لو جرى فى الترتان الهلكان دا يا ام يقع ينكسر ولا ينفزر  .

-نرجع للمداوره عندى سؤال فى الفجه دى موجعنى هى نان المداوره دى حصريه على لاعبين بعينهم ..؟ سمح الباقيين وينهم ..؟ بسووا فى شنى ..؟..المفروض فى ال9 (مؤامرات ) اى والله مؤامرات وليست مباريات كان المفروض انت تكون دورت اللعيبه كوووولهم ..وبينى وبينك والايام يا مستر فلوران بالطريقه دى تخطى المجموعات نهى زندهى ..وما فاقع مرارتى شيتا متل ولوج الاهداف فى عرين الزعيم اصلو ما معقول كل انتصار وفى شباكنا متربع و:مقنقن” قوون للخصوم امس القريبه دى لو توتى درنت بالحكم الظالم الحرم  سيد البلد من ضربة جزاء وااااضحه وفاضحه قال كدى وقام “فرنب” واداهم قون من بنات افكارو..فى الثوانى “اللخيره” كنت ح تقبل وين ..؟

..بعدين انت قايله ما بعملها والله وتاالله بعملها بى دم بااااارد كمان .!

-ارى ان ينتهج “البروف فلوران” نهجا مغايرا حيث لن تسعفه خطة السناجب فى بطولة “الدبايب والعقارب”..عليه ان يضع المقولة :(إن لم تكن ذئباً أكلتك الذئابُ) نصب عينيه .. لن يأمن غدر لجان الاتحاد السجمان ولا التحكيم الرمدان ..ولن يقبع فاقد الوصافه فى الترتيب الرابع وزى ما دفروا من المركز ال11 ولصقوا فى الرابع لن يعجزهم دفره الى الوصافه او حتى تأخير الزعيم عبر دنس التحكيم لمنحه الصداره ودى ما محتاجه للحكم درمه عديم الضمير والذمه ببساطه معظم الحكام “درمه ودردمه”..وانت عينك على المجموعات ودورينا “الهدام” بقيادة كتيبة الاعدام رمات اللقيمات “ما بودينا لى قدام” بتاتا..ياخ ان شاء الله ننضم للدورى الهندى ذاتو ..لو لا الملامه واللجؤ الى دوريات الدول الاخرى مذله وجرح للكرامه ..”متل ماكم خابرين بهدلة وشلهتت ومرمطت الدلاقين فى مصر واثيوبيا ” لكنا قد ارحنا انفسنا من هؤلاء القوم الظالمين فرد مره.

@ تمخض الكاتب د.احمد البشير الصديق عن “صرصار ” فى عموده اليوم والذى كان يفترض حسب مزاعمه ان يفضح فيه “المواقع” المزعومه التى اغوته وجرجرته الى الرزيله “الكتابيه العموديه” بحفنة من الجنيهات التافهات..زولكم لف ودار ..وتانى لف ودار ودار ولف وفى الاخر قال المواقع لا وجود لها على ارض الواقع اذا من الذى اغواك ..ام ان قَمِيصُك قُدَّ مِنْ قُبُلٍ ؟

@ كسر الرقم القياسى المسجل باسم مدرب سمو الهلال الاسبق البرازيلى “يكاردو” فلوران يفوز بالتاسعه تواليا. .والعاشره تلوح فى الافق.

@الرابطة المركزية خيال المآته..”الاولتراس” ملاذنا وزادنا وعتادنا ..سامعنى يا كركساوى ..؟

@ الزعيم الهلال مضر وب من الداخل..هنالك آفة تنخر فى  استقرار الوطن الهلال من داخل العرين 

التسريبات ما تديك الدرب ..وعلى رأسها اليومين ديل الخلاف فى وجهات النظر الفنيه التعاقديه بين فلوران من جهة والعليقى وبشه من الجهة الاخرى ومحل ما تقبل تلقى زول بحلف انه التسجيلات الصوتيه بحزوته ..سمح منو السربها ..؟

عن نفسى كنت اعلم انكم ستتفجأون لبوح يراعى فى العيمود دا ولكن احبتى اساطين العشاق ولائى للوطن الهلال وحده ولا ولاء للافراد ..كنت اعلم من “بيت الكلاوى ” وليس كل ما يعرف يقال ..ان قرار اعفاء البروف محمود السر ..ومعاهو (3) اخرين قد تم التوقيع على اقالتهم من السيد رئيس نادى سمو الهلال “هشام السوباط ” شخصيتا من زمن قبال يسافر .

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

الاثنين 5/12/2022

شاركها على
أكتب تعليقك هنا

لن يتم نشر عنوان بريدك الإلكتروني.