Take a fresh look at your lifestyle.

ضربه حره محمدعبدالرحمن الساير ماسورتكم محلوجه السودان/ عشق البلد

ضربه حره
محمدعبدالرحمن الساير
ماسورتكم محلوجه
السودان/ عشق البلد

° من كثرة (عمليات) شقل السباكين المتنوعين ، وخيارات (اللمصيك) من ربط وفك وتطويل وتقصير وتبديل ( جلبه ) محل اخرى اصلا ماسورتكم بقت ( بتخر) عديييييل ماليه
الشوارع !!
اصل (النقيط) الباين ماسكاهو ( دبارة ) مابتفع فيه البارة ٠٠٠٠ وبقى (عادة)
وعاهة مستديمه ذى ( العوارة )

° فاداء اى ماسورة وشكلها مرهون بمتانة شقل( السباك) وفهمو فى توزيع مويتها والتحكم فى مساراتها والمطلوب منها ،
° فى سباكين ببدعو فى الربط حتى مع وجود ( فتحات ) لانهم ببتكرو حاجات بعرفوها تشوف وماتسمع صوت للمويه ( البتكب)
( اطرش فى لمه) .
ماعرفناه سباك ولاساعاتى !!
° اى ماسورة اداؤها الجيد البسر العين – طول الازمان مرتبط ارتباط وثيق بعملية التركيب والتجميع بوضع كل جزء فى محلو ، لان ( الكوع) عندو مسافه من ( المثلث) اما ( الحنفيه) فدا الجزء الما بقبل اى زحمه او اى تدخل ٠٠ واى خلل فيها ذى المرض( المعدى) بنتقل للاعضاء التانيه . يبقي تاكد من سباكك ما تختار واحد مدعى ( العرفه) وهو ماعارف( الكوع من البوع)
ودا فعلا شكل سباكم ( متعهد مواسيركم ) !
° اختيارك لنوع السباك من البدايه يعنى تحديد نوع ماسورتكم ، فالخبير فى المجال غالبا لم يتلقى اى دراسات جامعيه او اكادميه او علميه فى علوم البيئه او توزيع المياه لكنه طبق الفكرة عمليا ودا بزعل لما الماسورة ( تنقط ) ما يرتاح الا يوقف ( النقيط) !
وفى سباكين حافظين الدرس وجاى يطبق ودا ممكن يخلى بيتك ( بركه ) من اول يوم تقعد تفتش فى البخليها توزع النغمات وبكدا انت بتكون لا لامى فى ناس ماسورتهم ( كاتمة صورة وصوت) ولا اللى بتنقط !
° وفى سباك مدعى ( بتاع كلو) خبير فى كل مهنه ، ممكن تعرفو من ( عدتو) ومن كثرت كلامو دا بخليك تحدد نوع ماسورتكم ومصيرها .
° فماسورتكم انتوا بقت ( محلوجه) للاخر ، مابنفع تانى معاها لان سباكم اللى ركبها زول بجرب بدون خطة واضحة لانحدار وانخفاض خلى( الحنفيه) بلا جلبه دا الخلاها كابة ذي مطر نص الخريف وخلاكم خجلانين تعترفوا بحلجتها الصاح •

شاركها على
أكتب تعليقك هنا

لن يتم نشر عنوان بريدك الإلكتروني.