عِـشْقٌ سَرْمَـدِيٌّ– هُـوَيْـدَا الـمـاحى-الهلال عَظيم الشَّأن لا يغرنك هوان الدلقان-تَهَوَّعَ الكاتب خالد عزالدين

عِـشْقٌ سَرْمَـدِيٌّ– هُـوَيْـدَا الـمـاحى

الهلال عَظيم الشَّأن لا يغرنك هوان الدلقان 

تَهَوَّعَ الكاتب خالد عزالدين

الله -الوطن الهلال 1898م..النصر بجدارة أو الهزيمة بشرف.!

@ من هنا اسمح لى ابشرك بهزيمه  نكراء..صرح السيد “احمد يس جحا “رئيس نادي حيدوب النهود: (نواي رجل يحب العمل ومباراتنا مع المتصدر عادية جدا مثل باقي المباريات)..والله ما عاديه والميدان ح يثبت ليك ..ابقى فاكر ..(سمو الهلال عَظيم الشَّأن لا يغرنك هوان الدلقان). 

@ رحلة فلوران مع زعيم اندية السودان من قولت تيت لحدود الآن..اول التبادى حصوة فى عين الما بسوى.. وعين الحسود فيها عود ..مستر فلوران مقبل على المباراة رقم 22 بدولة سمو الهلال امام حيدوب النهود البهدل المريخ ..العذب المريخ ..البشتن المريخ ..وخلى ريحتو فسيخ فسيخ ..وخلى الكابتن العايد من الايقاف مطرود وملاحق بالايقاف والسجن  لو الحكم صبرى بقى قدر كلمته وفتح فوقه بلاغ رميه بالرشوة ..!!خلونا مع مسيرة فلوران..وفى جعبته21مباراة..و خسارتان فقط امام سانت جورج بارضه واخرى فى حبية بالكنغو..والفوز او التعادل فى 19مباراة ما  بين ودية ورسميه- محليه-وقاريه- كاس السودان والممتاز.

@ المصديه قالت :هناك مؤامرة لايقاف صلاح نمر..لاول مره اصفق ليكى اعجابا يا الصدى.. فعلا هنالك مؤامرة وسخه احيكت لايقاف صلاح نمر ..خلتو يسب ويشتم ويرمى الحكم بالرشوه ويلكمه وينطحه ..المؤامرة يا الصدى ..خلت الملاك نمر ما غيروا يضرب لاعبى حيدوب اثناء اللعب ..ولا كمان المؤامره دفعت بالملاكم حاتم الى  الاعتداء على الحكم سبا وشتما..والماده 159اشانةال سمعه والتشهير عقوبتها سنه كامله ومعاها غرامه كمان اتحزموا واتلزموا.

@ شو يا شو الجكومى من كتلة الممتاز كرشوا ..المره دى الموضوع خطير..المسدس والشاكوش ما بنفعوك عقبال من المريخ ينسفوك وينتفوا ريشك ويطردوك.

@ تَهَوَّعَ الكاتب خالد عزالدين

اعلن فى السابق عن طلاقه الكتابه واتجاهه للعمل فى سبيل لقمة العيش ..ومن ثم عاد متزامنا مع المعركه الانتخابيه معلنا عن عزمه كتابة ثلاثة اعمده فقط لا غير قلنا خير ..الا انه بلع لسانه وما زال يكتب ما مشكله ..حاول الكاتب الترويج لنفسه عبر عموده عن معاناته الصحيه التى لم تمنعه الذهاب الى حيث حشود امة سمو الهلال لو انه كان يعانى الداء العضال وتحامل عليه حال جميع عشاق الزعيم الهلال كنا صفقنا ليهو ..لكن كان منزول اكيد ما صديق واى رشح او التهاب فى زمن الوباء يستوجب الحجر حتى لا تنتقل العدو الى غيرك ..المهم من خلال كتاباته فهو يعانى من “فوبيا”سيد شباب “محمد العليقى”الهلال قائد النهضة الحضاريه الفنيه والمعماريه سبب الاذيه للمصلجيه من السماسرة وزاكرة التاريخ لا تصدأ وهنالك من سولت له نفسه تحويل مسار محترف من دولة سمو الهلال الى فريق اخر فى سبيل التكسب والتربح على حساب الوطن الهلال رحم الله الزميل الصحفى “دسوقى” ..فوبيا الكاتب” السرية فى العملية ” وسد الباب امام الارزقيه ..المنطق بقول اى زول اى هلالابى يشوفلوا لاعبا فوقه عمار بجرى جرى زى ما كنت بعمل وما زلت يوصل المعلومه للمجلس لرصد المبدع ..هل كلف الكاتب نفسه عناء ترشيح شبل صغنون دعكم عن لاعب للفريق الاول..؟كما استرعت انتباهى هذه الفقرة من عموده الذى نال سخط الهلالاب “ججت” وهى (والدعم المادى من الجماهير ومن اموال الهلال الاخري باستثماراته المختلفة) سمح قلت لى من الجماهير لو كنت بتتكلم عن دخل المباريات فهو نفس دخل السنوات الماضيات والاختلاف فى مسمى العمله الالف بقت بتساوى “القرش” ودخل المباراة الواحده مهما ارتفع سقفه لن يزيد عن منصرفات المباراة نفسها دعك عن مران واحد قبلها او بعدها..فى ذمتك افصح لينا عن اموال سمو الهلال من استثماراته المختلفة..هل تدرى يا ود “عزالدين” ان السوباط استلم ديون تنوء عن حملها الجبال قبل ان يبصم على قيادة لجنة التطبيع ..وكم كان حجم الصرف ابان التطبيع من السوباط والفاضل التوم والبقية .. ؟ هل تدرى كم كانت القيمه الماليه الدولاريه لاسترداد شعار الوطن سمو الهلال التى انبرى لها الشاب “محمد العليقى ” لماذا لم تصرخ مستنكرا تكفلهم بسداد مبالغ طائلة فى صمت ..؟هل تدرى كم بلغ حجم الصرف لاعادة تأهيل الاستاد فى سبيل اجازته..؟ هل تدرى كم يبلغ حجم الصرف المالى على العاملين فى حياض الوطن الهلال..؟ لاحظ ما سألتك عن الصرف على التسجيلات والاجهزة الفنية والمعسكرات والاصابات ومرتبات اللعيبه والاجهزة الفنيه..ماهى هى استثمارات سمو الهلال يرحمك الله اهى الدكاكين التى تم استلام ايجارها فى عهد الدكتور اشرف الكاردينال لمدة 5 سنيين ولا فى حاجه غيرها..؟ بس اوعى تقول لى الاستثمارات طرف خالد هداية الله التى لم تبارح مصانع بير السلم .

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

الخميس 8/12/2022