Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-الهلال إن شاء الله الرِّبْحُ والرَّبَحُ -البرازيل مفجوعه وحيدوب فَرِيسَة مضبوحه- عذرا السوباط مجلسكم بجلالة قدره “حاضنلو  غواصه”

عِـشْقٌ سَرْمَـدِيٌّ– هُـوَيْـدَا الـمـاحى

الهلال إن شاء الله الرِّبْحُ والرَّبَحُ

البرازيل مفجوعه وحيدوب فَرِيسَة مضبوحه

عذرا السوباط مجلسكم بجلالة قدره “حاضنلو  غواصه”

استراليا-ملبورن-عشق البلد

الله -الوطن الهلال 1898م..النصر بجدارة أو الهزيمة بشرف.!

@ الليله باللليل الليله الجوهرة المفخره اكليل الليله ..الساعه سبعه بالليل سيد البلد وحيدوب مجرس المريخ المكروب فى ..سيكون السجال بين  عزيمة واصرار سيد البلد فى مواجهة تطلعات حيدوب المنتشى لقاء لا يقبل القسمه على اثنين فى شرع البروف فلوران وامة سمو الهلال جمعاء لنا النصر والصدر باذن الله..المطالبه بالمزيد من الاقوان لا تعنى ان يخوضها فلوران هجوميه ميه الميه فى المقام الاول يجب ان تكون الشباك محميه من وسط الملعب وصولا للدفاع ومن ثم الحارس نعم ننادى بالحسم المبكر لاراحة الاعصاب خاصة وان مشجعى منتخب البرازيل “الدلوع” منتخب الحكام والاعلام ناموا على وسائدهم المبلله بدموع “نيمار” البارح قبيل انطلاق لقاء كرواتيا والبرازيل كتبتفوق الفيس :(كر …يا) وفوق حيطان قروبات الهلال عشق البلد “ججت” على الواتس :هل ستفعلها كرواتيا والله لنتكيف..وكم تكيفت بخروج دلوعة الحكام ولكن ما عارفه قلبى مقبوض الليلى  ايظن ميسى ان الارجنتين لا محالة صاعده ..؟ عذرا رفاق “الدون ” هل سيفعلها المغاربه هذا ما تنشده جوانحنا .وباذن الله الهلال من 27الى 30 نقطه مربوحه غير منقوصه.

@مجلس السوباط انتوا ايمن كبوش دا ماسك عليكم  زلة شنو غير الفيديوهات والصور اللت السنه الفاتت ايام لجنة التطبيع ..؟

اى معلومه عن المجلس تردنا من ايمن كبوش على الفيس ..ما الغرض من الموقع الرسمى وصحيفة السوباط الزرقاء و”كبوش الناقل الرسمى الحصرى” ..؟؟؟؟ وين المؤسسيه وانتوا ما قادرين تفصلوا بين علاقاتكم الشخصية واسرار دولة سمو الهلال ..؟ ايعقل هذا ومجلسكم بجلالة قدره (حاضنلو  غواصه ) ..!!!؟سرُّك أسيرك، فإن تكلمت به، صرت أسيره..عن الحسن رحمه الله، قال: (سمعته يقول: إنَّ من الخيانة أن تحدِّث بسرِّ أخيك..الظفر بالحزم، والحزم بإجالة الرأي، والرأي بتحصين الأسرار..ومن أنبأ الناس بأسراره هان عليهم وأذاعوها، ومن لم يكتم السِّر استحقَّ الندم)

ياخ انتوا لو ما عايزين تحترمونا احترموا الوطن الهلال ومجلسكم الهمام ما تفكوا وتفرطوا فى الذمام !!!! النصيحه لى الله :الاستاذ”ايمن كبوش” لا تَثْرِيب عليه ..والعيب فيكم ..لو قدر لكم العتب عليه فيما كتب وسرب من معلومات فى السابق لما تجرأ مرة اخرى ..لماذا تضربون وتنسفون 

الموقع الرسمى بايديكم ..؟ ياخ حرام عليكم .!!!

-البارح القريبه دى ناس”كوتااااار “رسلوا لى منشوره عن الخبير الاسبانى فى كرة القدم الما سمعنابوا من الموقع الرسمى ودا طبيعى الصلاة فيها السر والجهر والعلاقات العاطفيه ذاتها فوقها السر والجهر عدا اى باستثناء “عشقان” عسقنا لمالك الكون الرحمن جل وعلا  خالق سمو الهلال والجنان وعشقنا السرمدى لسمو الملك الهلال ..فالحب والعشق جهرا لا هو مدسوس ولا هو مغشوش ..!! كتب خلونا مع منشور “الاستاذ كبوش”:( خبير اكاديميات كرة قدم، اسباني الجنسية، حضر للبلاد بطلب من مجلس الهلال، قضى ثلاث ايام في السودان ثم غادر الى المملكة العربية السعودية.. الخبير قدم تقرير صادم للمسئولين بالنادي حيث قال بجمل صريحة وواضحة: (فريق الشباب به ثلاث لاعبين فقط يرجى منهم).الاستاذ كبوش جاب الكلام الخطير دا من وين لو ما انتوا ديل حدثتوه بيهو ..؟ المنشور اخطر من خطير اول التبادى تقييم فريق الشباب منوط بالمرب فلوران وحده ..تانى حاجى ..خبير الاكاديميات دا المفروض يقعد شهور لاجل الفحص والتقيم ..المؤسف حقا معنويات شباب الزعيم الهلال واثر تقييم كهذا على مشوارهم الكروى الذى ربما كان سببا فى تحطيم كثر وخسارة دورى الشباب ..عارفين يعنى شنو لما اى لاعب على وجه البسيطه يسمع كلام زى دا  حتى لو كان من الاساطير ..؟

@ برهان ينتقد فلوران..!

قال فلوران مهمش اللعيبه المحليين..يعنى قاصد فلوران ما جهزلوا اللعيبه عشان يفوز بيهم مع المنتخب ..سمح عندك اللعيبه المشاركين مع المريخ شيلهم “ججت” بتاتا ما بقول ليك خبارك ما ناضمت فلوران من الاضان للاضان ..؟ 

@ استدعت لجنة التحكيم باتحاد شلة معتصم  “حكام الدوري الممتاز ” ججت..صدقونى بدوروا..”يجضموهم” ويسكتوهم  و يعلموهم الادب عشان تانى الله يقدر واحد فوقهم يكتب تقرير اى مباراة فوقه شق او طق من بلجة الدلاقين ..وكيف الله يقدر الحكم صبرى يطرد “نمر” ويرفع عمايل الدلاقين الاجراميه اثناء وبعد المباراة فوق تقريره ..!

@ عندما قرر مجلس حكومة الهلال اعادة قيد البرنس ليختم مسيرته الكرويه بالوطن الهلال لصون 17 سنه من عمر سيد البلد ..باركنا وثمنا الخطوه ..لماذا لم تتم الاستعانه بالبرنس ضمن المنظومة الفنية للاستفاده من خبراته القيادية ..؟

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

السبت 10/12/2022

شاركها على
أكتب تعليقك هنا

لن يتم نشر عنوان بريدك الإلكتروني.