Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-يَا اللهُ يَا رَحمَنُ  ابعد  الاهلى والدلقان الانجاس المتواطئان -ثنائى الفشل فلوران يا اقزام ..شن بتقولوا فى هاتريك شيخ موكورو ..؟-مجلس السوباط منو السرب تقرير فلوران للسواط النقال ..؟

عِـشْقٌ سَرْمَـدِيٌّ– هُـوَيْـدَا الـمـاحى

يَا اللهُ يَا رَحمَنُ  ابعد  الاهلى والدلقان الانجاس المتواطئان 

ثنائى الفشل فلوران يا اقزام ..شن بتقولوا فى هاتريك شيخ موكورو ..؟

مجلس السوباط منو السرب تقرير فلوران للسواط النقال ..؟

استراليا-ملبورن-عشق البلد

الله -الوطن الهلال -1898م..النصر بجدارة أو الهزيمة بشرف..!

@ يَا اللهُ يَا رَحمَنُ ابعدنا عننا “الانجاس المتواطئان الاهلى والمريخ”الدلقان”..يا القرعه يا “المقروعه ” يا “ام ذمة”-” مبلوعه” ما تزورى المجموعه..! ستجرى قرعة المجموعات المؤجلة عند الواحده من ظهر  اليوم بالقاهرة.. اللهم سهل علينا القرعه وابعد عننا الاندية “الوسخه النجسه الخرعه كما باعدت بين كرستيانو ونيمار عن التتويج بكاس المونديال.اللهم اميييين فاستجب.

@ماذا وراء الاكمه استرعت انتباهى الاخبار المتواتره من دولةقطر ارض المونديال ..التى حل بها السيدان السوباط والعليقى..ولكن ظهر العليقى وحده فى لقاء مع لفيف من عشاق سمو الهلال كما ظهر السوباط وحده وقام وحده بزيارة رابطة سيد البلد فى دولة قطر ولقاء الرابطه كان يستدعى الرجلان معا  ..؟

@ لجنة الرصد والمتابعه بدولة سمو الهلال ادونا عرض اكتافكم وخلوا  فلوران يشرف بنفسه على الاحلال والابدال ..وكفايه “مجايبكم”..للذين يروجون لسمسرة زوران فى احد المحترفين هل تعلمون ان سمعة زوران فى مجال التدريب هى غايته ومبتغاه تسطير انجاز جديد يعنى فلوران احرص الناس على نجاح مسيرته مع سيد البلد لتسطير انجاز جديد فى مسيرته ..ومن ثم المجموعات اولى من الممتاز رايكم شنو يلعب ليكم الكورة البرازيليه “الطيرتهم من المونديال “ابداع وترقيص جوووه الميس ..فى مواجهة بلطجيه وعتاولة بعض الاندية والحفر الحفر الحفر ..ما كل الملاعب والميادين فى  مصاف الجوهرة المفخره ..وبعد كورتين تلاته الاصابات بالكوم والردوم ونلعب المجموعات متل “عيال ابراهيم “..وما تنسوا ما كل التسجيلات كانت مرضيه وفى قامة الزعيم الهلال دعكم عن الابطال ..والمدرب شال الشيله بى شرها وخيرها ..اعينوه يرحمكم الله.

ياخ فلوران قال ليكم بالفم المليان خطة السناجب افهموها بقى الراجل شعاره جمع النقاط ودارى على اقمار فريقك للانديه الابطال وقع ليكم 

@ الدلاقين ..” الرعادِيد”..شكوا وبكوا وشغالين يا اتحادنا تأجيل القمه زادنا ..وحجة التأجيل انها بتصادف يوم انتخاباتنا ..هههههههه اللهم لا شماته انتوا كدى امرقوا من الوصيف النضيف اهلى الخرطوم- الجرعكم مرارة الهزيمه والاقصاء عن كاس السودان ..اما التأجيل تلكم امانيكم تشموا قدحه انتخاباتكم فى حفرتكم بالنهار والقمه بالليل .

@ المدير المالى لاتحاد الكره قدم الميزانيه “الما خمج” اى والله 300الف دولار نثريات سنه واحده للاتحاد ..سمح وين نصيب الانديه وكم سيكون نصيب النادى ..؟ المهم مجلس الاتحاد رفض الميزانية “الما ياها ياها ” وكمان اورد ميزانية العام المنصرم بعجزها الايرادات كانت 2مليون و600 الف دولار ..والمنصرفات 3 ملايين من الدولارات يعنى العجز 480الف دولار ..قاموا سألوا سمح انت غطيت العجز دا من وين ..؟ ومن ثم  رفض مجلس الاداره تقارير الميزانية مجتمعه وقرر انهاء انتداب المدير المالى “حلمى”.

@ برهان ومحسن ثنائى السجم ..”البروف فلوران” قمه لن تطالها الاقزام ..و شن بتقولوا فى هاتريك ” شيخ موكورو”..؟ يا “المكروشين” من المريخ قريباتى 2016 بعد تجرع الهزيمة  الخماسيه المزلة فى عقر داركم ..من هلال الابيض قرطعوكم التبلدى ودشروكم الدم ..بعدين هو شن عماركم مع المنتخب غير تركة ميراث “مازدا “الهزائم الثلاثية والتقوقع فى المركز الطيش بجداره الطيش بدقوا بالبراطيش.

@شكرا قطر والشيخ تميم والشيخه موزه  على هذه الهبة وبث جميع مباريات ماتبقى من  المونديال علي القناة المفتوحة

@ اااااى دا الشغل النضيف.. اتخذت لجنة اندية الممتاز خطوتها الاولى بتكوين لجنة مصغرة تضم مستشارين قانونين لتقدمي فتوى قانونية حول عقد الشركه الراعيه “حقوق  الانديه والبث والتلفزة والرعاية والتسويق الخطوه موفقه وقد تبدل الحال عقب ترأس الزعيم الهلال اللجنه يجب ان تعلم الانديه البيها والعليها مع الشركه “الغلوتيه دى “.

@البروف فلوران سلم الادارة تقريره الفنى ..جميل جدا ..ولكن منو السرب التقرير للسواط النقال ..؟؟؟؟؟؟؟؟؟؟؟؟؟؟؟

@ريال مدريد يخطط للتعاقد مع الحارس “ياسين بونو”..دحين ” السيدان ” السوباط والعليقى” ما فى اى طريقه لى شلب الحارس وانتوا فى قطر ..؟

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

الاثنين 12/12/2022

شاركها على
أكتب تعليقك هنا

لن يتم نشر عنوان بريدك الإلكتروني.