Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-الهلالاب ٱلْأَعْلَوْنَ الْفَائِزُونَ باذن الله -6 شهور قليله لعقوبة “نمر”.. صبرى ح يشتكى ومصيرو السجن

عِـشْقٌ سَرْمَـدِيٌّ– هُـوَيْـدَا الـمـاحى

-الهلالاب ٱلْأَعْلَوْنَ الْفَائِزُونَ باذن الله

-6 شهور قليله  لعقوبة “نمر”.. صبرى ح يشتكى ومصيرو السجن

استراليا ملبورن-عشق البلد

الله -الوطن الهلال 1898م..النصر بجدارة أو الهزيمة بشرف..!

@ الليلله بالليل الليله الساعه 6 الاربع ..هلالنا فوق دارنا ثقة  بعلى مقدارنا فى الله وفلوران والفرسان النتيجه جميله يا اهله النقاط بنشيلها والصَّدارة جدارة ..باسله عاشقه هلالها ..لنا الصَّدارة ولهم “الصدى” ..؟..باذن الله على الصداره محافظين من النقطه 30 الى النقطه 33 كامين غير منقوصين وفرسان هلالنا برحمة الله محروسين 

@ هلال الفاشر حبابكم عشره بلا كشره فوق ربوع الجوهرة المفخره بنشيل النقاط بالمسطره وحلال عليكم الفرجه فى الجوهرة المفخره الما مسخره.

@ كيف تكون عين سيد البلد على الصداره وهو منفرد بيها بلا منافس يا صحيفة فجر سبورت..؟ صحى الملافظ سعد.

@ ريكاردو..من هلالنا خايف . قالوا قلبو واجف ..قالوا حلقو ناشف ..متبرى من القمه لو لعبوها في ديسمبر ..ريكاردو ناقصه شنبر..ريكاردو  ..عمره “صفر” القمه ليهو  مقتل.

@(6) شهور قليله  لعقوبة “نمر” ولو “الورده جفت ” صبرى ح يشتكى ومصيرو السجن ..يا” نمر السجن “ويا يا ضابط السجن.. يا ضابط السجن ..بحذرك من هسى القفل لازم يكون الكترونى متييييين تحسبا لهجوم “شاكوشى جاكومى ” على بوابة  السجن لتخليص نمر..”خففوا العقوبه قدر ما يقدروا ” والسته بسيطه جد قالوا اللعب الداخلى يعنى مسموح له  اللعب فى المجموعات ..-” حاتم محمد احمد” برضو عقوبه مخففه بالحرمان عن دخول الاستادات وممارسة اى نشاط رياضى متعلق بكرة القدم  سنه للحول ..!وفاتهم ان حاتم “ملاكم “..سمح الريحه والحاجات المعاها اللت “خالد ليمونه” عقوبتن شنو ..؟

@ مقتل رئيس نادي و 20 لاعبا بكردفان انا لله وانا اليه راجعون.

@  اوقعت لجنة الانضبط ( عقوبه هايفه -اى كلام)  على المريخ جراء شغب مشجعيه غرامة ماليه فرد 500جنيه يعنى 100دولار ولا ما كدى ..؟ ومهلة 15يوم للسداد ..و الشيئ بالشيئ يزكر ولا ما كدى ؟سمح وين الغرامه الماليه اللت محكمة كاس الموجب دفعها للزعيم الهلال من اتحاد السجم ومريخ العدم والندم ..؟

@ استاد البيت نتعشم ان يكون زيتنا فى بيتنا ويتأهل المغرب على حساب المنتخب الفرنسى المدافع عن اللقب.

@ بصراحه بعد رد واخذ مع ضميرى قام  صحا “تترب” وقال لى لازم تكونى داعمه للمريخ لزوم عدالة المنافسه وكدا ..  نديهم “ملعبنا الجوهرة المفخره ) ..زيارة واحده تشفى غليلهم ..يتمسحوا ويتبركوا ويتفرجوا على الجمال ويمرقوا طوااااالى ..خلونا نقول انه مزمز افلح فى اقناع السيد هشام السوباط اللعب فى الجوهرة بمقابل مادى يعن قول اجروها عديل والسوباط دفع ليهم قروش الايجار ..من اين لهم بالضامن الذى يمكن اجباره على اصلاح ما سيفسدونه غلا وحقدا وتشفى بالجوهرة المفخرة..؟  ولا نبقى فى :يا ابوجيبين :انا ما الرئيس..حازم وين برى انا ما الرئيس ..سوداكال اى انا الرئيس الشرعى لكن ما وقعت مع سيد البلد اى عقد وما التزمت بصيانة الخراب نقبل وين لاتحاد السجم ..ح يقول لينا (ديل لا والى ولا قنصل ولا اى حاجه فوق عجلة القيادة) احتسبوها يا هلالاب وادفعوا للجوهرة وصينوها ارحم ليكم من الجرى والسك والعذاب حاصل فارغ ..المثل قال الما عندو ضهر بنضرب على بطنه سمح الما عندو مجلس ولا رئيس بنضرب على شنو ..؟

بعدين يا المريخاب انتوا ما بتخجلوا ولا بتختشوا ..؟ رسلتوا مزمز يشحد ليكم استاد الزعيم الهلال من السوباط ..ويمكن كمان ناضمه الوالى ..والله وتاالله لن نبالى..هلالنا غالى و استادنا غالى .. التواطؤ مع الاهلى المصرى ماهو هين ..لا اعتذرتوا وتبتوا واستغفرتوا ولا عبرتونا من اساسه استادنا ونحنا حراسه ..دى نسميها شنو فهلوة وشطاره ..؟؟؟؟(حقارة ولاّ ضفارة)..؟

@ جوليان ألفاريز..(الفايزر ) يتأهل على حساب منتخب “كرواتيا ” الى مباراة الكاس وحتما سيحمل “الفايزر” الكاس بلا نقاش ..زمان كان المثل :الكاش بقلل النقاش بينما اصبح “الفايزر يتوجك بالكاس اقول قولى هذا وكل من حولى يعلمون تشجيعى لمنتخب الارجنتين منذ نعومة اظافرى .

@ ابراهيموفيتش : انتظر تصريحات اخت كرستيانو رونالدو على السوشيال ميديا ..يا راجل استغفر لو قدر لهم الطيران او لو لم يساعدهم الفايزر الغدار كنت ح تنتظر كرستيانو ذاتو ولا شنو ..؟

@”لوكا مودريتش”صحى الكوره ما بتدى حريف والفايز مبرمج “ميساوى ارجنتينى” ..وميسى اسطوره بلا ادنى شك

@القرعه  متوازنه كيف .. ؟ ولا متوازنه ولا الله قال..بل مطبوخه وكلنا عارفين تقرع القرعه على حسب التصنيف ولكن ايعقل  ان يقع سمو الهلال تلاته مرات على التوالى مع الاهلى وصن داونز ..؟ اى قرعة واى صدفة هذى ..؟اوليست هنالك انديه غيرهما فى التصنيف الاول والثانى..؟ 

@ خبر تركيب الاضاءة شنو ..؟ حفروا ولا ما حفروا ..؟ صبوا الاعمده ولا ما صبوها ..؟

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

الاربعاء 14/12/2022

شاركها على
أكتب تعليقك هنا

لن يتم نشر عنوان بريدك الإلكتروني.