Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-رشقتنا فنونه بالهاتريك قووونه مويس مين دونه لِهِلَالِنَا النُّصْرَة-فلوران وخطة السناجب لاى حكم وسخان ودلقون سجمان

عِـشْقٌ سَرْمَـدِيٌّ– هُـوَيْـدَا الـمـاحى

-رشقتنا فنونه  بالهاتريك قووونه مويس مين دونه لِهِلَالِنَا النُّصْرَة

-فلوران وخطة السناجب لاى حكم وسخان ودلقون سجمان

استراليا/ملبورن-عشق البلد الالكترونيه
@سيد البلد..عشق البلد حُبك للأبد والشوق لك وحدك لا احد ..عقلى لا سوى التفكير بِك.. وقلبى لا يتقن سوى اشتياقك..انت بوحى ..انت روحى
@ هلالاب اساطين العشاق فلوران لاى حكم وسخان ..ودلقون سجمان ..خطة السناجب لم ينطقها عن فراغ..بل التصريح كان عن ثقة ..ظل يترجمها اللقاء تلو اللقاء ..ولكن فى انفسكم وفلذات اكبادكم عدوا لكم فاحذروهم.
@ لقاء الزعيمان سمو الهلال والسد فى الدوحه ابان فعاليات المونديال فخامة سمو الهلال زعيم الكره السودانيه ..نفض الغبار عن التوأمة التاريخية مع زعيم الكرة القطرية نادى السد .. عبر زيارة عضو مجلس حكومة الهلال” السفير “عبدالعزيز ” برفقة سفير السودان الرياضى بالدوحة رئيس رابط سيد البلد المركزية “على بترى” ..هذا ما ظللت انشده منك سعادة السفير نصرالدين معية حكومة الوطن الهلال ..واول الغيث قطره فى قطر .
@سؤال برئ اوى جدا ..انتوا العلاقة شنو بين تبول “سلفا” على هدومه قدام امة لا اله الا الله وتصريحات هيثم كابو “المو مهضومى “..؟
@ البارحه لم يكن سمو الهلال غريبا حتى الدقيقه 65 اى ربع الشوط التانى اسمحوا لى اقول ليكم :كضبا كااااضب ..لم ولن يكون فخامة سمو الهلال غريبا كما تزعمون ولكن عقليتنا هى المريضه إِن كُنتُمْ تَعْقِلُونَ..خير مثال الاجنة اى الاطفال فنهم يبكون ويضحكون ويلعبون قبل المشى والكلام ..وانتوا عايزين الفريق الهلالى الحالى يجرى وينطط ويرقص فى الملعب قبل ان يقوى عوده ..لن يضار البروف فلوران شيئا حال كنتم راغبون فى اللعب الاستعراضى دون الحصول على النقاط ..وقد عادت المبارة على سمو الهلال بمكاسب جمه على رأسها حصد النقاط التلاته والمضى فى بلاط التفرد لصناعة التاريخ دون هزيمة او تعادل ..عودة ياسر مويس والهاتريك الدسيس ..ومكابى الهداف بسبعة اهداف وشباكنا  نظييييفه ..نظييييفه ..نظيفه يا اهلة ..عشان ما تبقى علينا حكاية المثل :(( تفتش في الغريق تلقى المطفح فات))..بعدين قولوا لى “جواو موتا” شن استفاد من اللعب “الحلو” ما ثورتوا فى وشه وطالبتوا بى اقالته وكرشه خارج السودان ..؟
@ الاهلى الخرطوم..فالتهزموا ” التحكيم اللئيم “وانسوا الماضى القديم الداعم للمريخ .. عدوا النجوم  عدوها ..ارجموا الدلقون رجم ..النجيمه اقصفوها..لو صفيتوا النيه والله المريخ ما بقلبكم ولا حتى بتعبكم .
@ تمرد لاعب المريخ بكرى المدينة “العقرب ” مطالبا بمبلغ 40الف دولار عباره عن مستحقاته والمريخ نكرها عديل وقال العقرب ما عنده عندنا ولا مليم والعقد المكتوب موجود ..سمح ورونا يا تو عقد فى العقودات الكتيرات ..يكون العقد الما دخل السيستم متل عقد “المظلوم الصينى ” ولا دا عوووم بالبكينى..؟ بالمناسبه العقوبه الظالمه على اللاعب الصينى الاتردت ليكم فى نمر فضل منها كم شهر ..؟
@ سفر رجالات حكومة فخامة سمو الهلال للدوحه فى قطر لم يكن سفها واعتباطا ولم يكن للفرجه على المونديال وحده بل كانت لهم مأرب اخرى للتذود بخبرات منظمى المونديال في تنفيذ مشروع الآمال والنهضة المعماريه فى سوح الوطن الهلال..كمان ما بعيده  يخطفوا “كيليان مبابى” والحارس”ياسين بونو” عندالله ما بعيده ..صلم يسطر المنتخب المغربى امجاده فى المونديال بغير المحترفين فى صفوفه 
@ صرح ايمن أبو جيبين المنتهية رئاسته  بان المريخ سيلعب مبارياته الأفريقية في الخرطوم وسط جماهيره..الحمد لله الما قلت امدر امان ام الزعيم سمو الهلال حاضرة الفن والثقافك وكرة القدم ذاتها ..!!
قلت لى الخرطوووم محل الطياره بتقوم يعنى المدينه الرياضيه غايتو الا كان تضبحوا فوقها حمير عشان تفكوا عارضها .
@المهندس السودانى “عبد الغني”..مخترع تبريد ملاعب كأس العالم حاورته ” نيويورك تايمز “فهل يستعين به الزعيم الهلال فى مشروعه المعمارى ..؟
@ اضحكوا مع الدكتور على بلدو :(اعلن إسلامه و اسمي مولوده ( على بلدو) : شيطان من الجن يتعافى من إدمان الايس كريستال!!)
@ ياسر مزمل رجع والعود احمد .. والعوده ذاتها خشم بيوت..ياسر العريس  ود مويس ..دخل الميسى وهاك يا اقوان “هاتريك ” رحج كفت الميزان وخلى اساطين العشاق يرقصوا ويهتفوا “مزمل لا”  ويهللوا وينتشوا ..بينما عاد هناى داك والعودة اسود اول ما رجع وهاك يا بلطجه وضرب من لعيبة الخصم لحدود الحكم  وخلى صبرى يكورك :ضاع صبرى ويا نمر للشرطه بشتكيك وللمحكمه  بوديك ..لكن وا اسفاى لجنة اتحاد السجم طبعت قبلة الرحمه على خد البلطجى ووقفته فرد 6 شهور اتقول لا ضرب ولا سب ولا شتم ولا اتهم الحكم بالمرتشى 

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

الخميس 15/12/2022

شاركها على
أكتب تعليقك هنا

لن يتم نشر عنوان بريدك الإلكتروني.