Take a fresh look at your lifestyle.

عِـشْقٌ سَرْمَـدِيٌّ– هُـوَيْـدَا الـمـاحى-الهلال يجهض شائعات الموافقه للمريخ التبارى بالجوهرة  -علو كعب فخامة الزعيم الهلال على ليفربول الانجليزى -ما بال اهل المريخ يتحرن الكذب اى لعنة اصابة هؤلاء القوم  ..؟

عِـشْقٌ سَرْمَـدِيٌّ– هُـوَيْـدَا الـمـاحى

 -الهلال يجهض  شائعات الموافقه للمريخ التبارى بالجوهرة 

-علو كعب فخامة الزعيم الهلال على ليفربول الانجليزى 

-ما بال اهل المريخ يتحرن الكذب اى لعنة اصابة هؤلاء القوم  ..؟

  استراليا/ملبورن-عشق البلد الالكترونيه

@الله اكبر ولله الحمد ..والله وتاالله “العليقى ” نفى خبر ابوجيبين ردت فوقى الروح عديل  ..(العليقى يا ود حواء وادم ..حارس حمى الهلال ..ينصر دينك وتنال رضا والدينك .. كم انت عظيم سيد شباب الوطن الهلال ..ﺿﺮﻏﺎﻡ الهلال  ﺍﻟﻔﺎﺭﺱ ﺍﻟﺠﺤﺠﺎﺡ..ﺑﻄﻨﺎً ﺟﺎﺑﺘﻚ ﻭﺍﻟﻠﻪ ﻣﺎ ﺑﺘﻨﺪﻡ..ﻭﺩ ﻧﺎﺳﺎً ﻋُﺰﺍﺯ ﺟﻤﻌﻮﺍ ﺍﻟﻤﻜﺎﺭﻡ ﻛﻮﻡ..ﺍﻟﺴﻢ ﺍﻟﻨﻘﻮﻉ الفى “المريخ” ﻧﺘﺎﺡ.

-ما بال اهل المريخ يكذبون ويتحرن الكذب..؟ اى لعنة اصابة هؤلاء القوم بالكوم والردوم ..؟

طبعا كل الاخبار الكذوب صنيعتهم لجس نبض امة الوطن الهلال .!!!

-الصوت صوت غنمى كضاب يا عربى ..متل ماكم عارفين ( العرْبَدُّ “افعى حَمْراءُ خَبيثةٌ” يعنى مرت الدبيب )..والليللى دب فوقى الدبيب وعربد ..ياخ” اتلبشت” عديل ..وانا اطالع على موقع “سبورت تاق””علما بانه موقع “شتال وليس مصدر ثقة ..الخبر:(مجلس الهلال سلم المريخ موافقه رسميه باستضافة  ملعب الجوهرة الزرقاء لمباريات المريخ الافريقيه فى المجموعات .. عبر اوديو “تسجيل صوتى” لى ابوجيبين قال فوقه توصلوا للاتفاق مع مجلس الهلال ..بعد مبادرة كريمة قام بها بعض الاخوة  حيث تواصلنا مع الرئيس هشام السوباط وطوالى رسلنا خطاب لمجلس الهلال  يوم 12 ديسمبر الجارى )..استنوا ديسمبر جارى وين ..الجاريه رويحتى انا عايزه تطلع  عديل ..”احى يا فشفاشى الانهرد ”  والله العظيم بقيت ما بشوف عديل لما قريت الخبر الشوووم دا ..بقي حالى متل حال الشاعر ” امرؤ القيس” :(قبلتها تسعاً وتسعين قبلة وواحدة أخرى وكنت على عجل وعانقتها حتى تقطع عقدها وحتى فصوص الطوق من جيدها انفصل) انا قريت الخبر دا 99 الف مرة..وكاد دماغى ان ينفجرى واشيل واقول يا الله يا رحمن الخبر يكون مجرد اضغاث امانى .. واوهام ظنون..ما فى مخلوق فيكم يقول لى ما كنتى تحكمى عقلك ..لانه بالعقل الكلام دا مستحيل ..عقلى يغور فى ستين عقل شنو البحكمه و  في القلب غصه بل غصتان

..”غمة” الجنجويد فى الفاشر”..واستباحة الجوهرة لاتحاد السجم والآفة سيكافا بذريعة الوطنية.. البعيد شنو يكونوا استخدموا الفزاعه ذاتها .. ؟ يا الله الشر برررره وبعيد ..وحات اسم الله الدنيا مسخت على واثناء الكتابه رسل لى عاشق سمو الهلال “فاروق السنى” على الماسنجر “النفى”..جزاك الله خيرا ود السنى  .

@ الاتهام الموجه للمدرب بانه حارب الفارس ياسر مزمل ..لمصلحة من ..؟ ربما لا تعلمون ان الفتى اقعدته الاصابه ونهج فلوران مبنى على اراحة اللاعب حتى لو كانت الاصابه طفيفه كى لا تتفاقم ..السؤال هل كان الغياب خصما على مستوى اللاعب ..؟ حتما لا وكلكم شاهد عودة الغربال الظافرة عقب عودته من الراحه التى منحه لها فلوران ..مشكلتنا بنقول ادوا العيش لى خبازه ولكن “بنطحن ونعجن  ونكتر الخميره ونخبز برانا “.

@امبارح  كالعاده انتصر التحكيم “اللئيم  الغشيم “على قاهر المريخ الاهلى الخرطوم.. لكن التحكيم ما براهو..كان معاهو “الحارس ..و النعسان”.. ما نيران صديقه .. جحيم عديل….ولا عزاء لضربات الجزاء.. لانه شرع “التحكيم الدنس النجس” احتساب ضربات الجزاء ضد المريخ حرام حراااااام..!!!!

دلاقين يدفروكم الحكام ..ويدفعوكم ..”لا قدام “لعيبة  الاندية الخصوم طبعا ” بالمعلوم” ..والكاش مالو .. النقاش جابوا اجلوا ..برضو ..حرمت عليكم كاس الممتاز لهذا العام وندعوا الرحمن ان تحرم عليكم ابد الدهر .

@ أب وتانى أب يا هزار ..واااى يا هزار ..طردتينا من المدينة الرياضيه جد ولا هظار..؟

واااى يا هزار وووب يا هزار ..ولا  دى الكاميرا الخفيه لى للكومبارس ابوجيبين..يا هزار ؟ ووواى يا هزار ..يعنى كنا نجيب معانا معتاد الاجرام بى مسدسه وشاكوشه عشان يفلس ابواب المدينه الرياضيه ؟ يا هزار وووب يا هزار …الروووب يا هزار..الطرد حار 🌶️ وزى النار ..النار يا هزار ..العار يا هزار ..اهى ..اهى ..اهى اصبرى بنحرش فوقك اسيادنا ناس الدعم السريع.

فى هذا الصدد اوضح الاستاذ “محمد عبدالحليم فضل سعيد” موظف فى احدى الوزارات ..بان وفد المريخ اتى وقابل المديرة التنفيذية للمدينة الرياضية السبب تفقد المدينة الرياضية..فتم الترحيب بهم وطافت معهم الدكتورة فاطمه ارجاء المدينة ونورت الوفد تنويرا .. تانى يوم فوجئ الجميع ..بأن المريخ بصدد الاستعانة بثلاث شركات لإكمال العمل في المدينة الرياضية لذلك تم ايقاف الخطوة مبكرا من قبل وزارة الشباب وبتوصية من اللجنة الاولمبية التي تتبع لها المدينة الرياضية..وفقا لافادته ..ملعب المريخ تنقصة الأرضية والإضاءة فقط والمدينة الرياضية تنقصها الأرضية والإضاءة واشياء أخري كثيرة “يعنى المدينه خلاء كراسى ما فوقها”..وهل كان المريخ جادي في إكمال العمل في المدينة الرياضية ام أنها مناورة من إدارة المريخ لنقض عهدها مع جمهور بإكمال العمل في ملعب المريخ قبل دور المجموعات وللعلم تكلفة صيانه استاد المريخ أقل بكثير من تكلفة تجهيز ملعب المدينة الرياضية..؟

@ طبعا المريخاب روحهم مشحتفه دايرين اى سبب عشان لعيبتهم يختوا كراعهم ختتان ساى فوق ملعب سيد البلد ..قامت لجنتهم اللت المسابقات حولت مباراتهم مع الزعيم الهلال يوم 29 الى مضارب الجوهرة المفخرة عشان يبردوا ليهم قلبهم .

@موقع كورة سودانيه انصف فخامة الزعيم الهلال :(ذكرت صفحة مونديال 11 المصرية الخاصة بالاحصائيات الكروية أن الهلال السوداني هو الفريق الأكثر فوزاً عام 2022 على مستوى العالم بالاشتراك مع ليفربول بـ (38) فوز وتفوق الهلال على ليفربول بمعدل الانتصارات و لكن  الصفحة اغفلت مباريات كأس السودان المنافسه الرسمية حقق الهلال فيها (3) إنتصارات مباشرة و إنتصار واحد عبر ركلات الترجيح ..اذا الهلال حقق “42  فوز فى العام 2022.

@ هلالاب أساطين العشاق الشفقه تطير هداك الوادى ودرب البير ..”خلكم” من البروف فلوران دونكم “زيزو -زيدان”..  عندما سئل عن النقد الذى يوجه له  فى اسلوب  اجابهم 🙁 سأستمر كما انا ولن اغير طريقتي)  فدانت له ابطال اوربا مثنى وثلاث تواليا  الملكى الريال شال الكاس ..وتربع على عروش المستديرة ..الم يكن نهج زيدان التدوير ..؟ 

@نبض العشق السرمدى ..يا غرام الروح..نقرات عشق نمة ريد.. ..ويبقى العشق ما بقى سمو الهلال .!)

زرقـاء الـعشق

هُـوَيْـدَا اَلْـمَـاحِى

الجمعه 16/12/2022

شاركها على
أكتب تعليقك هنا

لن يتم نشر عنوان بريدك الإلكتروني.