عِـشْقٌ سَرْمَـدِيٌّ– هُـوَيْـدَا الـمـاحى -عصابات المريخ اهْبِطُوا حرمت عليكم الجوهرة
-عشق البلد
عِـشْقٌ سَرْمَـدِيٌّ– هُـوَيْـدَا الـمـاحى
عصابات المريخ اهْبِطُوا حرمت عليكم الجوهرة.!
-الفاضل التوم ارجع تعال عود لينا الشرده عيب وشينه
استراليا/ملبورن-عشق البلد
الله -الوطن الهلال -1898م..النصر بجدارة أو الهزيمة بشرف..!
@الراحل المقيم زعيم امة سمو الهلال “الطيب عبدالله ” فى الليله الظلماء يفتقد البدر..اى والله وتاالله -يا حليلهم دوام بطراهم وفي قلبي ذكراهم..يا حليل مجلسنا الرائد ..يا حليل مجلسنا اماجد..يا حليل ريسنا القائد ..!! احى يا فشفاشى ….. يا حليل ريسنا الوقف فى وش طغيان السلطان الحاكم الغاشم فى عز سطوته وجبروته :ابعد قادى انت رئيس دولة السودان وانا رئيس دولة سمو الهلال ..! انتهى الكلام وانتصرت ارادة زعيم امة سمو الهلال ماضية ولعبنا الساعه 2 عز الضهر وحققنا تعادل تأريخى ثلاثية فى شباك شكرى الواعر بطعم الفوز والنصر ..حليل الراحو خلو المريخ يسود ثم يعوس فساد فوق ارض الهلال عزالضهر .!!يا قلبى لا تحزن..شئنا ام ابينا الهلال ينقصه القائد المصادم والمجلس عايز غربله مستعجله .
@ حيكومة السوباط ايدناكم وساندناكم وبايعناكم ليس جهلا بالعورات الكتيرات ولكن للحفاظ على استقرار الوطن الهلال..بيعتنا ماها مبيوعه ولاها مدفوعه اتحدى التخين فيكم حال استلمت مثقال ذره ثمنا لمواقفى المسانده بل على مر السنين ولائى للوطن ولا يشترى شهد برَمْدَاء..!
قرار حرمان الاوباش من اللعب فى الجوهرة بعد ترويعهم لجماهير سمو الهلال المسالمه الوديعه فوق ارضها وفى صمة خشمها ..ما دايرلوا اجتماعات بل كان يجب ان يصدر عقب التخريب الذى قامت به عصابات المريخ فورا اى قرار جمهورى شجاع لا عايز تمرير ولا صياغه ولا تحرير ولا اجتماعات ولا تنظير..كما يجب ان تمنح الامين العام كافة الصلاحيات المنوطه به ..اقولها بعلو صوتى هذا فراق بيننا حال لم يصدر قراركم بحرمان عصابات المريخ ومريخها من اللعب فى الجوهرة .
@ محكمة كاس تكسر مجاديف المريخ طااااااخ طااااخ برفضها طلب المريخ بإيقاف دوري الشباب بسبب طردهم وكرشهم من البطولة ..عفيت منها كاس عمقت جراحهم ..والبارحه انتخاباتهم طلعت “فشوش” القنصل حازم عن المشهد غاب ..وحتى وعود الكومبارس “الحراميه” قصدى الهلاميه لم تشفع له باكتساح النصاب ولسان حالهم كضاب كضاب يا ابوجيبين يمين كضاب.
@ عزيزى “الفاضل التوم” ..ارجع تعال عود لينا (الشرده عيب وشينه).. يؤسفنى انك لم تتخير التوقيت المناسب للاعلان عن الاستقالة غير المرحب بها فى هذا التوقيت بالتحديد ..مهما بلغ السيل الزبى فلا مهرب عن الامانة ..كنا قد عرضنا الأمانة على رجال سمو الهلال لكنهم ناووا عنها فحملتموها عنهم وانتم تعلمون ان الطريق معبد بالاشواك والمطبات ..لا يخفى على ذى بصيرة انك كنت بمثابة حاتم الطائى للجنة التطبيع التى فرطت فى الرئيس الفخرى تركى آل الشيخ بصورة جبانه ..نرجو العدول عن الاستقالة والمواصله لاداء الرساله الساميه النبيله ويمكنكم عبر اجتماعات المجلس تصفية الاراذل المنتفعين حتى وان ابا الرئيس هشام السوباط
@ “عزيزى محمد العليقى”..الحقيقى المرى انك مستبد -اى والله- ما ليك شغله نوهائى بالمنظومه ربما العيب فى طبيعة عملك الخاص ولكن العمل عبر مجالس الادارات جماعى ..كتبت ابان عهد لجنة التطبيع منددة بانفراد السيد محمد العليقى بالقرار فيما يخص القطاع الرياضى من احلال وابدال واستجلاب الاطقم الفنيه وحتى لجنة الرصد الهباب.
المزيد من المشاركات