عِـشْقٌ سَرْمَـدِيٌّ – هُـوَيْـدَا الـمـاحى-ظلم التحكيم لن يثنينا ..مجاراة الخصوم للمريخ الشرير لن ترعبنا
/عشق البلد
عِـشْقٌ سَرْمَـدِيٌّ – هُـوَيْـدَا الـمـاحى
-ظلم التحكيم لن يثنينا ..مجاراة الخصوم للمريخ الشرير لن ترعبنا
استراليا-ملبورن /عشق البلد
الله -الوطن الهلال -1898م..النصر بجدارة أو الهزيمة بشرف..!
@ اما آن للبروف فلوران ان يدرك اسلوب جميع اندية الممتاز التى تجارى المريخ 10لاعبين واقفين ورا ..بصراحه انا بكره العقليه المتحجره نظام زى الكتاب ما قال لن تجدى فتيله عامل زى دكاترة استراليا مطبقين التعليمات بالملى لو سحبت منهم الكمبيوترات سيتحولون الى “دمى” بلا حول ولا قوة.. ما بجتهدوا بتاتا.
ياخ غير وبدل طريقتك واسلوبك وخت فى بالك انك لن تجد خصم يخاف من الله ويلعب الكوره ويخالف التكتل الدفاعى وما يستخدم سلاح الشلاليت والضرب واللبع “اسلوب المريخ العقيم”..وكل الفرق قدام سيد البلد “نازلين خبت وضرب “..شوت من بعيد ..فكك صواميل التكتل الدفاعى ..اغزوهم بضراوة خليهم يعرفوا ان الله حق ..لسنا جماهير نهضة بركان مع كامل احترامنا لهم ..لن نرضى بالتنزال عن الصدارة.
@ جماهير المريخ ” (شملة بت كنيش) ” الممحوقه ..ثلاثية وقدها رباعي)..-اى والله وتاالله- فى البلطجه تلقاهم “الووف”بزعامة الجاكومى الحلوف .. وكت الحاره “الانتخابات ” يا دى الكسوف ..!! هل تصدق الهيلمانه دى كووولها والقومه والقعده فرد “تلاته نفر” ..٤٠٧ صوت فاز بهم مجلس ابوجيبين حالتو ابو جيبين اتنين وحات اسم الله لو كان اسمه ابوجيب واحد كان ال400ذاتهم اتلحسوا وفاز بسبعه اصوات متل اصوات” الخندقاوى ” وكمان حالتها الانتخابات صاحبها التزوير قبضوا واحد والعبروا بالتزوير كتار بالحيل .
@ظلم التحكيم لن يثنينا …البارحه الحكم حرم سمو الهلال من3 ركلات جزاء..ولن نتعشم فى توقف مسلسل الحرمان من ركلات الجزاء فى قادم المواعيد ..ولن تهن عزائمنا ولن تفتر .
@ غارزيتو ما براهو “ولده” معاهو والكاس الكاس يا ناس ٥٠٠ الف دولار ولا كلمه وابوجيبين يجيبها ليكم من وين ولا آآآآآآآآآآ اموال الشعب “الجنجويد”
@ جارجو بمهارة مراوغة البرازيلى “جارينشا”ابدع وامتع واتفسح ولسان حاله :(الجوهرة حقتنا بنحوم بى راحتنا) ..!
@ هاكرز يستولى على صفحة نادى المريخ..فندق أبشر يرفض دخول لاعبي المريخ .. غارزيتو يطالب المريخ بمبلغ 500 الف دولار.. كراعك نار يا ابوجيبين..والتقيل قدام ياما وياما ياما فى جرابهم من تركة مثقله شيل شيلتك .
@ صلاح عادل الدهب المجمر صنديد الهلال سير وعين الله ترعاك.
@ تلبية لنداء الفيفا الذى يصادف الذكرى 48 لمباراة سمو الهلال وسانتوس البراويلى بقيادة الاسطوره بيليه..سانتوس قهر الاهلى المصرى بخماسيه وخرج بهدف فى شباك الهلال بعد ولادة متعسره ..قال ليك “شواطين ” وما ادراك ما لاعب سمو الهلال “شواطين” خت الاسطوره بيليه فى فتيل ..بينما تألق وابدع ” جكسا “انه الهلال وكفى ..صونا للعلائق الوشيجه التى ربطت الوطن الهلال بالاسطوره بيليه والكسره والملح والملاح ..والذكرى 48 ملعب الرديف فى سوح سمو الهلال سيحمل اسم الاسطوره “بيليه ” والما عندو ملعب رئيس ولا رديف ولا لعب بمواجهة الاسطوره بيليه فى السودان اسوة بالزعيم الهلال يموت ويندفن .
@ (كابتن الهلال محمد الغربال) فات الاساطير والقدرو ..للمره التانيه فى تاريخ السودان ..متربعا على المركز (27) بقائمة هدافى العالم للعام2022 فى تصنيف الفيفا (كابتن الهلال محمد الغربال) يتفوق على هداف العالم العام الماضي البرازيلي “جابرييل سابروسا”و الاسطوره كرستيانو ..والمصرى محمد صلاح .
@ اوف سايد..(مقابل 15 ألف دولار.. رجل يحقق حلمه ويتحول إلى كلب)..ربما تعلم الوفاء.
@ قاليك مرتضى منصور “ملبوش” ومهبوش ..يا كافى البلاء ويا حايد المحن وراسه والف سيف يقطعوا لسانه سبب الاذيه ..الراجل قدم الدعوه الرخيصه لاستضافة المريخ من هنا والكفاوى جاتو من فريق اسوان يهزم الزمالك 2/1..مهاجم اسوان الكنغولي رهيب والله رهيب
المزيد من المشاركات
