Take a fresh look at your lifestyle.

عِـشْقٌ سَرْمَـدِيٌّ –هُـوَيْـدَا الـمـاحى_الكاف لعاب يا هلالاب ..جحيم وعذاب المريخاب..مزمل خاب..!

 /عشق البلد

عِـشْقٌ سَرْمَـدِيٌّ –هُـوَيْـدَا الـمـاحى

الكاف لعاب يا هلالاب ..جحيم وعذاب المريخاب ..مزمل خاب..!

سحقا لا يفرقون بين واجباتهم الاداريه  المقدسه والونسه مع “المشاطات”

استراليا-ملبورن /عشق البلد

 الله -الوطن الهلال -1898م..النصر بجدارة أو الهزيمة بشرف..!

@ سدد ها الكاف افجعت المريخ ومزمل للدرك السحيق

 الكاف لعاب يا هلالاب ..سبب عذاب المريخاب ومزمل الكضاب..بلاتينى سمو الهلال الكان زمان “الصينى” بين التمديد والتجديد والتجميد والتحنيط والسكلبه والجقلبه والتصعيد  والشكيه للكاف الذى اذاقهم الويل وجرعهم علقما ..حنظل مر جنس مرارة ..رسوم الشكوى دى كان غطت ليكم حوجه .. العيب فى موظف السيستم ولا فى البستم ..؟مزمل ابوالقاسم انت ماك قدر التحدى ..بتودى وشك وين ؟ 

@ علينا جاى :اعجبتنى فلطشتها من الواتس والسرقه من الواتس واخوانها حلال بلال ( معليش  ، صابون ، كرشوم ، طبنجة ، نمر ، تكت ، تش ، كسرى ، زردية ، مفك ، خرد خرد 😆😅#دلاقين طول العمر)

@فخامة سمو الهلال الحبيب قلبو طيب .. قفز من المركز 17 الى المركز 14..مقتربا من مناطحة العشرة الكبار فى القارة السمراء ..عظيم يا هلال ..شوفوا سماحة سمو الهلال قال للاتحاد الافريقى عليك الله يا الكاف بديك من نقاطى  (دفرة ) للكاشف حالنا كلنا..عشان يطلع من الحفره ..لانه متعود على الدفره..!!

-رد الكاف :عليك الله يا سمو الهلال فكنا من الكج دا ..المنحوس منحوس.. لو علقوا براسو فانوس..لكن يا سيد البلد وقريب كمان سيد القارة “ججت”..طلباتك اوامر خلينا نغامر فى رايك “نرزعه” وين..؟

– سماحة سمو الهلال فوق المركز ال19.

اما عالميا ياخ الضحك شرطنا ايش جاب لجاب الملكى الهلال فى المركز 186 ..والكاشف هناااااااااك فى المراكز السفلى 236 .

@ قضية اتحاد الخرطوم واتحاد عصبة الاشرار ..يحلها الشربكها..!!

@ لم ازل من بلاد الواق الواق اشتم وارخى السمع عبر الوسائط البنى ادميه البشريه ..عن الكثير المثير الخطر..وكووووله بالادلة الملموسه ما بالجغموسه .. ولربما انصلح الحال لانه واقع الفساد بطال .. حتى لا ينشر اخوانا فى بلاد “مهند ونور” المستور بالادلة الدامغه ..وحتى لا يخونكم التصوير ما ها فيديوهات زى البهدد بيها الكاتب وشبيهه الملعون المأفون الصحفى المزوراتى الجابها اكبر من دكتوراء مزمل ابوالقاسم ..المهم الفساد حاصل ولابد من فضحه عاجلا أم آجلا .!!!!

@ الفهد الكنغولى ..”إستيفن إيبولا” ..القصه ما قصة عمر ..ولا تسويق استعراضى ..عندما ابتدع موقع الهلال الرسمى (الفهد قادم)..يسبقه.. العواء والهدر والأنين و الهسهسة،  مقترنة بضربات  بأقدامه بقوة على الأرض لم يكن ليخطر على بال احد ان يكون المحترف القادم ايبولا المغمور ..بربكم بلاش الاسلوب دا اما كفانا  الترويج لقنابل الكاردينال وفى النهاية يطلعوا فشنك ..؟

الذى صادف تسريبات كاتب السوباط ورهطه من الاداريين الذين لا يفصلون بين واجباتهم الاداريه والونسه مع “المشاطات” ..عن نفسى اعلم الرباعى المقرب للكاتب من مجلس السوباط ياخ يا فلان وفلتكان المفروض تكون اخبار سمو الهلال الحصريه خط احمر فى ونساتكم ..وما اى كاتب او صحفى صحبك او حتى انت دخلت مجلس الاداره لانه رشحك ولمعك والا كنت نسيا منسيا تقعد تسرب ليهو اسرار الوطن الهلال نعيب الكاتب والعيب فيكم مجلس السوباط ..لن نتسرع فى الحكم على “ايبولا ” سلبا او ايجابا الملعب وحده الحكم وسنرى ما فى جعبته ..وفى البال ( موسيماني سجل  لويس ميكيسوني لاعب منتخب منتخب موزمبيق للاهلى الذى اعاره بدوره لفريق ابها السعودى يعنى طلع “ما ياهو ياهو”..ونفس الكذلك موسيماني جاب  لاعب، منتخب جنوب أفريقيا “بيرسي تاو “الذى خاب مع  الاهلى ..عليه نحيا ونشوف..وندعوا الله ان تتفجر ابداعات ايبولا فى سوح الهلال الزعيم . 

@ نبلاء السوكرتا تنازل عن لاعبكم السجله المريخ غدرا .. لا .. اللاعب مضى على عقد مبدئي مع حى العرب  قبل سته اشهر وو استلم حافز التسجيل فى انتظار السيستم  فوجئت ادارة السوكرتا به فى مران المريخ البارحه..؟

@ ما علاقة وزارة الخارجيه  بمبادرة الاتحاد الداخليه ..؟ وماهى اسهامات الخارجيه فى مشاركات الاندية والمنتخبات الخارجيه ..؟ واين كانت وزارة الخارجيه والمنتخب يرتحل برا الى الجزائر ..؟

@ لون الدم كيفن ما تستقبله شباكه الاهداف وخط دفاعه من ثلاثى الجماعه ..؟

@عرفنا الجوهرة “محبوسه ” حبس العروس ..الملعب الرديف مالو..؟ عشان يتمرن سيد البلد فى كوبر ..؟ هب ان اختبارات ما تجرى على الرديف يمكن تأجيلها او تحويلها الى ملعب اخر ..؟

@ هلال الملايين ابا من ابا وشاء من شاء..وجقلب من جقلبه ..نعم عضوية الوطن الهلال هوية شهادة ميلاد وجنسيه وجواز ماسى ودبوماسى ورقم وطنى ..ولكن النادى الاسرى مربط الفرس يحدثونك عن عضوية الاهلى المتواطئ والزمالك ويتجاهلون عمدا ان المفارنه ليست عادلة.. اى والله هلا هل يممتم صوب كلاهما ..؟ نادى الزمالك فى الجيزه..سمح هل زار احدكم احد فروع النادى الاهلى الثلاثة ؟ وهل نما الى علمك ان عضوية الاهلى  سبعة اقسام وليست بطاقة عضويه واحده ..!

ولابد من تفعيل العضويه الالكترونيه .

@ابقوا عشره على اللاءات الثلاث:_-لا للمخدرات -لا للارهاب -لا للمريخ ..!!!.

@نبض العشق السرمدى ..يا غرام الروح..يابصمة الدم في العروق..هلالنا هيلو الشكرة هيلو العزة

هيلو الإمرة..ويبقى العشق ما بقى الهلال سموقا و سمو .!) 

زرقـاء الـعشق –هُـوَيْـدَا اَلْـمَـاحِى

السبت 21/1/2023

شاركها على
أكتب تعليقك هنا

لن يتم نشر عنوان بريدك الإلكتروني.