مجلس الهلال أفتونا قلوبنا مفتونة وعقولنا ممحونة
عِـشْقٌ سَرْمَـدِيٌّ –هُـوَيْـدَا الـمـاحى
مجلس الهلال أفتونا قلوبنا مفتونة وعقولنا ممحونة
بحبك يا سودان..سحقا إتحاد الضان ومجالس الإِذْعان
استراليا /عشق البلد
@ الله -الوطن الهلال -1898م..لقاء القطن (7\3\2023) النصر بجدارة أو الهزيمة بشرف..!
@ توأم روحى الهلال (توأم الشعلة)..علاقة أسطورية سَرْمَديَّة..الزى منو يا ناس الزى منو ..!
@ مجلس الوطن الهلال :حق الله بق الله ..قلوبنا مفتونة وعقولنا ممكونة ..عليكم الله افتونا ..ماهى نواقص الجوهرة وتركيب الاضاءة ما المعضلة …؟
@ كل الحصل (بـدر وأمل ) ..الصلاة على النبى عينى عليك بارده (يا فقرا )ردوا لى رويحتى النهاك شارده ..حياض الحبيب وارده ..خمسه وخميسه وسيده وخميسه ..احتياطى الملك الهلال مولع نار ..ناااار يا حبيبى ناااار ..الناس بقولوا الامل العنيد ما كان خصما عنيد ..ثمح الاهلى المصرى اكلو الدودو فى الجوهرة وشوط اللعب التانى ..والله العظيم مدرب الامل عاقل ..عارف فلوران ثعلوب ..عشان كدا..قال اخير نمرق من معقل الملك المفدى الهلال باقل الخسائر الخمسات ولا السبعات والفات الفات وفى ديلو خمسه لفات ..!
– هدف بلاتينى الهلال “الصينى” فى شباك العطبراوى ..على اليمين اتقول قنبلة عنقودية وانفجرت والحارس وقع والمدافع وقع والامل كووووله وقع
@ الاتحاد قليل ألادب عديم الاخلاق والضمير والذمة باختصار (اتحاد السجم العواليق الرمه),,حصل امس فى مباراة سيد البلد مراقب المباراة العجب العجاب دا شيتا اصلو ما شفنا ..المراقب قاعد فى رحاب القلعة الزرقاء فى امانة الله يمتع ناظريه بجمال الجوهرة الخضرة والهلال الحسن الساعه الرن تلفونه وكان المتحدث نائب معتصم جعفر فى” اتحاد الغفر” ورور للمراقب فى عينه ..! فى التلفون اى فى التلفون نان العالم ما” اطور ” وقالو هوى ها اوووعك تخلى قناة النيلين تنقل المباراة ..المراقب :السمع والطاعه ما تنقل ما تنقل ..شوية كدى المراقب رن تلفونه الو معتصم جعفر معاك..شنو العفانات دى يا زول ..المراقب نطط عويناته ..اكمل معتصم :قول للنيلين تعاود البث من تانى ..المراقب :لكن يا ريس ..معتصم قاطعه ليك “هسسسس” “شطب يور قدومك دا) على الطلاق قناة النيلين تنقل المباراة والما عاجبو يحلق حواجبه ..انت مجرد مراقب عيناك عشان تنفذ التعلمات سامع ولا ما سامع تسمع الطرش ..المراقب ..السمع والطاعة يا مولاى خادم الفكى مجبورة على الصلاة ..بعد ثوانى يا مولاى آآآآه من قلبى اتصل اسامه عطا المنان وقال للمراقب اسمع هنا احسن ليك تبطل حقارات انا ما قلت ليك قناة النيلين دى ما ثبثها ..المراقب :لكن يا ريس..اسامه (سد بوزك دا ) بلا ريس بلا” صاعود -تمباك “الليله وووب ..اصبر لى إن ما وريتك النجوم عز الضهر وقف القناة دى تقيف لهاتك ..وتانى اكان تموت ما بتراقب ليك مباراة لو ما وقفت النيلين ..المراقب لقى نفسه بين فكى الرحى ..قام طوالى اتصل بالريس معتصم ومعتصم الجبان حلف اكان يعبره بالرد ..اها المسكين يشيل ويدق ومعتصم حالف ما يرد ..باختصار يا للعار شغلوا المراقب عن مراقبة المباراة ..اذا اختلف اللصان بان المسروق واذا اختلف “الجرذان” تلفزة الشوط التانى فى خبر كان ..يا رامى كمال انت كتلة الممتاز دى دورها شنو بالتحديد ..؟ ولا وجاهات سااااااى ..؟
@ احى يا مصارينى ..وحدووووه ازمة ترمادولية تضرب النادى الاهلى المصرى..ايا ناس ياهووووو..الاهلى خلوووووه وحللو..وفحصوا وشخصوا ..فى دم لعيبة الاهلى الترامادول (قبضوا -مسكوا)..طبعا معلوم اووووى جدا أن( المخدرات والمنشطات اخوات “توأم سيامى”..عليه لابد من المطالبة بفحص “المخدرات” فى مباراة الرد ..منشطات يا بيبو ..؟ عيب يا راجل..!
@ رهان احمد شوبير ..للبروف فلوران :(لن تكسب صنداونز فى الجوهرة )..! الاسطمبات «= التعبيرات»
المزيد من المشاركات
