رضوان لاراش حاكمها ..الهلال القَيْصَر حاسمها

عِـشْقٌ سَرْمَـدِيٌّ –هُـوَيْـدَا الـمـاحى

-رضوان لاراش حاكمها ..الهلال القَيْصَر حاسمها

-قطاف القطن يا هلال .. نغلب كورة   مُرُوءَة رُجُولة

استراليا /عشق البلد

@  الله -الوطن الهلال -1898م..لقاء القطن (7\3\2023) النصر بجدارة أو الهزيمة بشرف..!

@ عروس النيل :ايا سمرا..يا القمرا..تعالى تعالى ..!

@ مالنا ولهم (صنداونز-القطن-والاهلى) ما شغلتنا بى “دواسهم” مع بعضهم البعض إن شاء الله يكملوا بعض (جـت) ويعدموا بعضهم البعض نفاخ النار ذاتو ..نحنا شغلنا الشاغل نتائجنا وتحصيل النقاط جوووه وبررره ..الاهلى المصرى :بسسسس يا بوره “قطه”..الهلال بفضل ومنة من الله وبذل الرجال بعد جني القطن وفرزه فوق ارضه تم الحجل فى محاجل الهلال  و فصلنا التيلة عن البذرة..وماباقى غير (الكبس فوق البالات) باذن الله انا لكابسوه فى الجوهرة ..!!

@”مفيش فهلوة”( مدحت شلبي يتحدث عن فريق صنداونز وأجور أبرز لاعبي الفريق)..والنبى ” كـفــاية قـــر”-..والله العظيم الراجل ده بيقول كلام زى الفل..بعدين اكيد(  الفهلوة بالقلاوة  مصريه اهلاوية ميه الميه)

@ الكاف نفى ونفى نفى ..كضااااب كضاااب ممثل اتحاد الجداد يمين كضااااب ..الكاف قال :(مافى  اى استبعاد من دوري أبطال أفريقيا)..! يعنى ممثل اتحاد “السواسيو” كذاااب ولا عجب .

@إعتراف صادم لحكم الكلاسيكو في واقعة فينيسيوس .الكاميرات التقطت الحكم مونويرا وهو يخاطب “إيدير ميليتاو”مدافع الريال سبب البطاقة، قائلا: “إيدير، استمع إلي، إنه يمسك بك من رقبتك ويلقيك على الأرض”

@  اتغلبت آآآآآه اتبهدلت ..اتشلبت  وحزنت آآآآ حزنت..شفت الهلال وبديت  وبديت تانى اقول ياريت ياريت.. مدرب “كولر”  الاهلى: أكثر مباراة حزنت لخسارتها أمام الهلال و موقفنا صعب..وصعب صعب يا “كولر” الهلال صعب يا كولر ..!

@معقوله تكون الوحده الطبية سبب الاذيه ..؟ برضو جايز ..اللاعب لو وقع (اتشنقل) يشخصوا  (رباط صليبى )..اللاعب لو  سجد فى الصلاة يشخصوا  (رباط صليبى ),,لو رقص فى حفله يخصوا رباط صليبى ..لو قعد فى السفرة يشخصوا صليبى حتى ظننتها الحملة (الصليبية ).. ثمح العيب فى اللعيب ولا “كراع العناقريب”ولا فى التدريب ولا  الطبيب ولا فى (الصليب ذاتو )..؟

@ ريمونتادا قالت الموزمبيقى سيدات ينصح سمو الهلال بالشركات التركيه ..؟ 

اجى يا سيدات..بعد الزلزال ..؟  زمنك دا كووووله كنت وينك خبارك ما نصحت الوطن الهلال ولا دا نظام تقربى زلفى بعد( المصاروة ) الاهلاوية حلو “مصطفى شعبان” المصرى .. محلك لمصلحة الاهلى الرعديد الجبان ..عشان ما تصدح بالحق فى استاد  الهلال زينة استادات السودان ضمن افضل استادات القارة كمان 

@ لون الدم عليك الله اثبت فى مكانك وما تتقدم ..غلطة واحده حصادها الندم ..وانت “غلطاتك بشلن عديل “..حسب..قراءتي للبروف فلوران “بس اوعى تقولوا لى معرفة من متين” كلنا شايفين فلوران قناعاته  رواسخ وشايف “ابوعشرين نمبر ون” ..فلوران عنده الاحتكاك  واللعب التنافسى هو المعيار  والدليل (اللولو)..سمعتوا براكم لما قال للاعب الهلال بلاتينى “الصينى” لسه لسه ولسه بدرى عليك تشارك فى المعارك عشان كنت واقف شهور كتيره عن اللعب ..ذات واااى ما ظنيته يلعب الحارس فوفانا بى اخوى واخوك ..اما بالنسبه لى ابوعشرين لازم توروه العين الحمراء وتورورا ليهو فوووق عويناته ديل اوووعك تزح من محلك ما تمرق من مكانك نوهائى والا الغرامه الغرامه ..ولا اقول ليكم حاجه ربطوا عديل بين التلاته خشبات لزوم الثبات .

@ رضوان جيدها حاكمها والزعيم الهلال مغتنمها..وعند الغابر “احمد لاراش ” تارنا الاول ..ثارنا الاول ..رضوان جيد..ظلمك طول ..وما “بنرشيك” ولا بنغويك.. ولا بنستجدى ولا بنتسول “رضوان ياسئ” رضوان يا ظالم ..رضوان يا قاسى ..مصيبتك غافل ومصيبتك ناسى مصير الراشى و”المرشوش “..بخشوا النار .. وهلالنا عمار ..هلالنا دمار ..لا  تَقاعَس ..لا تراجع ولا استسلام..رامييين قداااام ..بنخوضها تحدى وهدفنا نبيل .. هلالنا الصامد..يفوز ويعدى ..حلمنا الوردى ..هلال القارة هلال  هلال النيل ..عروس القارة عروسه هلالنا عروس “النيل”..بنغلب كورة ..  مُرُوءَة رُجُولة ..!

@(مبادرة هلالاب شركاء لا اجراء)..نادينا ينادينا ..على حساب نادى الهلال للتربيه ..بنك الخرطوم  رقم الحساب (2656276 )حنبنيهو بايدينا هلال شامخ وطن عاتى.!..لازم نتبرع عشان نلعب فى استادنا ..عشان نشجع من جوه استادنا 

@نبض العشق السرمدى ..يا غرام الروح..يابصمة الدم في العروق..ويبقى العشق ما بقى الهلال  

زرقـاء الـعشق –هُـوَيْـدَا اَلْـمَـاحِى

السبت 4/3/2023