هلالاب ناكل الدُخن ونقطس حجر القطن

عِـشْقٌ سَرْمَـدِيٌّ –هُـوَيْـدَا الـمـاحى

-هلالاب ناكل الدُخن ونقطس حجر القطن

– نصرا هلال شعبك المقهور يعانى مرارة الحرمان

-هلالاب ارهبوا الكاف وسجلوا حضوركم بقيمة التزاكر 

-تعالوا نخلى قرارات الكاف زى “بصاق” الجرثومى

استراليا /عشق البلد

@  الله -الوطن الهلال -1898م..لقاء القطن (7\3\2023) النصر بجدارة أو الهزيمة بشرف..!..محط آمالى الهلال..يابصمة الدم فى العروق اتجلى خلى” المحروق” يروق ..والكاف يفوق من غفلته ..هل يا هلال هل منتصر ..أَنَفَة وإِبَاء !.. الشعب نصرك عزته..ويبقى يقينا فى الله من غير جمهور هلالنا يولع نور. .الفوز أو الفوز..!

عوضنا مرارة الحِرْمانَ..انتصارك الساحق بخلى عقوبات الاهلى والكاف 

متل تفاف الجاكومى ..!

@ الشحن الزائد لا ..النوم على ماضى الانتصارات والنتائج لا ..خير الامور اوسطها ..النقاط التلاته غايتنا ..احترام الخصم شيمتنا ..على ادارة الوطن الهلال ان تربط الاحزمة..(اربطوا “عوض” واتركوا” تيس الغنم)..غايتو  انا لا جبت سيرة الاهلى المصرى الرجاف ولا سيرة ولى نعمة  انتصاراته الكاف ولا الله قال .

@ اتذكر شعبك المقهور .. يعانى مرارة الحرمان  مثنى وثلاث ورباع ..والجناة لا يألون جهدا على تكرار افعالهم البغيضة بحق الوطن الهلال وشعبه الذى “قاسَى الحِرْمانَ”..اساطين الهشاق ما ذنبهم ..جماهير الهلال بتتألم .. وبتصرخ وتقول للجاني إيه ذنب الورد إيه، إيه، إيه، إيه، إيه إيه ذنب الورد ..وما ذنب العنب اذا صار “خمرا” بايديهم لا بايدينا ؟ ” يا أيها الذين آمنوا إن من أزواجكم وأولادكم عدوا لكم فاحذروهم “..اين الذين تسببوا فى رجم سمو الهلال ..وجرحوا سمعة شعبه ..؟..الذين تكبروا وتجبروا فى مران الاهلى كانوا سببا فى انزال عقوبات الكاف المجحفه القاسيه ..وما اقسى الحرمان على امة الوطن الهلال..الحرمان مؤلم جدا..ولكنه يعلمنا كم هو حبنا كبير و رائع..(واذا به يجد في خديجة عوضاً جميلاً عما قاساه من طويل حرمان..افعلها يا هلال فوزا عظيما ..عوضاً جميلاً عن مرارة الحرمان )..فى سنة الدخن  بناكل الدخن وبنحلج القطن “اعلنت  الأمم المتحدة العام 2023 السنة الدولية للدُخن

@وذكرهم فإن الذكرى تنفع المؤمنين..”عاكف عطا”احد ابطال بطولة ماسا يا مجلس الهلال ..نشأ فى حياض الوطن الهلال منذ ان كان برعما ..احترف مرتين من صفوف الهلال ..بعد مغادرة الكشف الهلالى لم تحدثه نفسه بارتداء شعار بعد شعار العظيم الهلال ..قالوا اللوم بجى بالغفلات البارحه عم القروبات نبأ وفاة والدة لاعب الهلال والمنتخب السابق” عاكف عطا” تغمدها الله برحمته ..ولكن لا مجلس الادارة ولا الموقع الرسمى ما هببوا لى وكأن عاكف هذا من قدامى لاعبى بنواسرائيل اى والله حتى ما يسمى بتجمع قدامى اللاعبين بالمناسبه عندهم مكتب تنفيذى عديل لم يكلفوا انفسهم واجب مشاطرته العزاء حتى كتابة هذه الاسطر عند الساعه ..10:35 مساء بتوقيت مدينتى ملبورن 1:34 ظهرا بتوقيت الخرطوم .

@رضا عبد العال: الهلال السوداني يقدر يكسب الأهلي هنا في مصر ..مهيب عبد الهادي: صعب الهلال يكسب الأهلي مرتين محصلتش قبل كده ..رضا عبد العال: لا حصلت والهلال كسب الأهلي هنا في مصر والفريق الوحيد اللي عمل عقده للاهلى)

@ من اقوالهم:مبارك البلال(من مصادر مؤكدة مع الاعلامى المخضرم الدكتور يوسف السمانى من القاهرة الاهلي يوعد نجوم القطن الكميرونى بحافز دولارى كبير لعرقلة الهلال )..دولارى مين يا بنى ادميين بلغوا عنا القطن الكاميرونى الاهلى هجاص ما من الليله من زماااان ترررا تررا من زماااان 1987 اشتروا الحكم احمد لاراش ..وشالوا الكاس من الزعيم الهلال عمك لاراش قبض الدولارات وفى مطار القاهرة قلعوهن منه..عينك يا تاجر بدون ذرة من الخجل  (متل ما قلع الكاس من سمو الهلال )..والسنة الفاتت دى سقوا المريخ من نفس الكاس.. اناس القطن  هووى :الاهلى كضاب  ووعدوه سراب ساااى ..اسالوا منه المريخاب..العبوا كورتكم واكلوا ناركم ومتل ما هم ودعوكم بالقبل والاحضان والاحلام السراب نحنا كرم الضيافه عندنا وحسن الوداع هيلنا بنستقبلكم بكل حب واحترام  ونفرش طريقكم بالورد ..ويوم الوداع نودعكم ودموعنا بتغطى المقل  ..وبالاحضان والاقوان نشيعكم 

– م القوس بابكر:(الصحفي الساقط… ياسر قاسم المريخاب نسوا فريقهم ..الإتحاد المتأمر اين أموال الفيفا… علي الهلال يرد بالإنتصارات)

@ قالوا قالوا قالوا قالوا..وسمح الغنا فى خشم فلوران :(تركى آل الشيخ عايز يقنص البروف فلوران يعنى لابد ليهو عديل بى 150 الف دولار ..واحد الاندية المغربيه عرض عليه 100الف دولار اى بفارق 40 الف عن الهلال..هو البقولوا الناس شويه ..خليهم يقولوا وزى ما الناس يقولوا ..هب ان ذلك كذلك اخوى عاشق سمو الهلال “فاروق السنى “..احسب ان حسابات “البروف فلوران ” مختلفة جدا وفخامة الهلال يغنيه فى الوقت الراهن والبلوغ به الى منصات التتويج غاية امانيه ليضيف زخمها الى ملف انجازاته  الشخصى وهو على يقين ساعتها ..ستنهال عليه العروض وستتحول الالاف الدولارات الى ملايين وبدلا عن تدريب الاندية حال فارق الوطن الهلال لا سمح الله ستكون غايته ووجهته المنتخبات .

@(مبادرة هلالاب شركاء لا اجراء)..نادينا ينادينا ..حنبنيهو بايدينا هلال شامخ وطن عاتى.!..عزيزى عزيتى اساطين العشاق سجل حضورك و ساهم بقيمة تذكرتك لمباراة القطن..بالامس كانت ضربة البداية واستلمنا عددا من الاشعارات شى مقصورة وشى شعبيه وشى جانبيه ..نحنا الهلال بنريدو جد . .نهواه عشقو للأبد !! بفئة مقعدك ..سجل اسمك في دفتر حضور معركة العبور_على حساب_نادي_الهلال_للتربية-رقم الحساب (2656276)..مقصورة : 10 الف ج.جانبية : 5 الف ج.شعب علوي : 2 الف ج.شعب أرضي : 1 ألف ج..على  حساب نادي الهلال ،إرساء للشفافية والمحاسبية نهاية كل عام من فترة المجلس .أرسل إشعار التحويل و اسمك إلى أحد الأرقام التالية:- (+96653602064+=61470298982=0123182317=0905777095=0123704756=0915064185=0122058151)..

@نبض العشق السرمدى ..يا غرام الروح..ويبقى العشق ما بقى الهلال  

زرقـاء الـعشق –هُـوَيْـدَا اَلْـمَـاحِى

الاثنين 6/3/2023