هلالنا الدر المصون هزم الكاف قبل القطن هد عروشهم دك الحصون

عِـشْقٌ سَرْمَـدِيٌّ اهُـوَيْـدَا الـمـاحى

-هلالنا الدر المصون هزم الكاف قبل القطن هد عروشهم دك الحصون

– هدهد سليمان وقمرية الملك الهلال

-كَشَفَتِ الحرب عن ساقها فى المملكة الزرقاء وعرت الكاف

-صدارة مؤقته ولا طياشه مفخخة وشباك ملطخه

استراليا /عشق البلد

–  الله -الوطن الهلال -1898م..النصر بجدارة أو الهزيمة بشرف..!

@هلال امدر يا اعز هلال ..نهواك غير الله ما بنخاف ..نهواك انت الشرف وانت لينا عفاف..عشقك وصفه ما بتقال ..نصرك حير المثال ..عشاق فى الادارة نضال ..عزوك وفرحوا الانصار ..لاعبين قدموا الابداع.. مدرب ليهو صيتا ذاع..وعشاق شالوا اسمك فال ..سموا بى الاطفال ..عشاق افتدوك بالمال ..وعاشقات حاشا ما غافلات..عاشقات كالدرر ماجدات  عاشقات للقيم حارسات  ..وعشاق بذلوا فيك كل غال..وعشاق كسروا عين الكاف..وعشاق سكتوا الاجلاف ..  عشاق كتبوا فيك اشعار.. وعشاق غنوا فيك تربال ..وعشاق نظموا عشقك در ..وعشاق صاموا ليك ندر ..عاشقاك ياوتين القلب ..عاشقاك عشق زانه الرب ..عاشقاك والبعاد مضنى ..عاشقة الغربه نار تصلى ..لكن  الفرقه بينا محال ..عاشقاك وانت ساكن الروح .. عاشقاك يا غرام الروح ..عاشقاك يا هلال الروح  ..عاشقاك انت نبض الروح ..عاشقاك الهلال وطنى انت وطن الكل ..وطنى انت ساكنى خصاك  عقلى ليك وطن ..افتديك  بالروح يا أعـز  هلال ..!

@ هلالاب اساطين العشاق :(أهى نجوى أم دعاء أم أمانى..أم نداء لى أليف ليس داني.. أم حنين ودعابة ..أم صلاة مستجابة..!! (غني القمري علي المدرجات )..(القمرية العاشقه الهلالابية ) هل قيل لها البارحة إدخلى الجوهرة  نكاية فى الكاف .. فأقدمَت والصوافنُ صافناتٌ .. و قدْ ضربَ العجاجُ لها رواقا..؟  بصمت مهيب وشموخ واباء الملك الهلال ..فالتقطتها عدسة المصورة من على المدرجات الخوالى ..وغابت عنها (ريشة ليونارد دافنشى )..هنيئا للزعيم الهلال حتى  مع الطيور الما بتعرف ليها خرطة ولا في ايدها (تزاكر دخول الجوهرة )..وقوقا القمرى على المدرجات..حزينا على خلوها من الاسياد ملوك المدرجات.علميهم يا قمارى وعلمى( الكاف ).. العدل من اسماء الجلالة  ..ولن نهاب ولن نبالى ..و كيف على الحب..هلالنا  ينشا..رغم العواصف .. برضو واقف ..ماليهو رعشه

@ضيع سمو الهلال مهرجان اهداف كان سيقينا ويكفينا شر المحاصصة بالاقوان لاقدر الله حال تساوت النقاط .

@ القومه لى “إنغوما” ..تبارك الله حالتو ..يا دااااابو راجع من الاصابه ..وشارك اقل من 30 دقيقة ..بالتمريرات الدقيقة ..والباصات السديدة دقيقة بى دقيقة .

@ سبحان مغير الاحوال رضوان جيد ..البارحه اتقلب جيد صحى صحى ان يأتى ضميرك متأخرا خيرا من الا يأتى.

@ بلوزداد كشف غطاء المريخ لا شفنا كورة ولا خطورة ولا يحزنون وهناى داك “تيفور” طلع اى كلام ..وكوووولهم صفر على الشمال ..والجانى على المريخ الاكبر ادارة البعثة التى وافقت على مهزلة ملعب عنابة ..لو ما ربك ستر ..كان المريخ غطتوا الثلوج تحت الصفر مات واندثر ..على قول الكسارى :(يكورك اركب المزاد و انسى الحصل من شباب بلوزداد..اركب امدرمان ام الهلال بلد الامان  وشوف العز  والمفخرة والصدارة فى الجوهرة)

@الواضح ما فاضح والبروف فلوران من البداية قالها بعلو صوته:(سانتهج خطة السناجب) لا وعدكم بعروض واداء ساحر خلاب و(لا البرازيل ولا البالمبو )..الزول زول حصاد وجمع نقاط ..اللعب الاستعراضى ما حبابه وشن جابلنا غير وجع القلب

@ قالوا بيت الشوره ما بخرب ..من شان كدى بدور اشاوركم ..رايكم شنو المره دى (برانا بنعشق مستوانا الملك الهلال يا الكاف )هسع يا اخوانا “فوكها” شنو اكان عملا لى الله صنقرنا كوووولنا فوق واطة الله دى وكتبنا داااااك يا “العرضحال” للكاف عن حمامة القمرى الكسرت رقبة قرارته ..لانه بصراحه القمرية دخلت رغم انف الكاف ..وشوف عينى البياكلها الدود دى ..القمريه البلطجية “فلعت” القطن بقت ليهم طير ابابيل عديل فرمتهم بدراب من سجيل الحكم ذاتو ما سلم من شرورها وصمتها ..دا كوووله كوووم والحصل بيناتنا يوم كان سحابة صيف وعدا ..والحصل بيناتنا اصبح قصة منسية وبعيدة ما اظنك يوم تفكر يا “خراب الكاف” تعيدها).”الحصل فى غرف لاعبى القطن ادهى وامر من “مية” الصرف الصحى تصدقوا وتأمنوا القمرية طاااارت وركت ..وسوت البدع  ..المرا  دى “البداغة”..(تغوط لا إرادي)..ياربى الكاف شن حكموا ما بعيد  يدينا تأبيده ..ولا يمكن رجم عديل ..!

@ عليك الله يا الاهلى المصرى اتأهل معانا ما عشانا إحنا اخوات ولا عشان وادى النيل لكن عشان ..العليقى قالكم صاعدين معانا (صعدت روحكم )..بتمنى من الله باكر ما بعيد يجينا الخبر (الزمالك ضمن التأهل والاهلى ضاااااااع وتااااه وغادر المجموعات وآآآه ..آآآه )

@ إذا عُرف السبب بطل العجب..والصراخ على قدر الألم!!

حارس عرين الهلال الاول (ابوعشرين) ادوه راحه ..مشى لعب( ارتكاز) فى الحله ..عرفتوا ليه كاد ان يصيب سمو الهلال فى مقتل مرات كتيرات .. بسبب خروجه غير المبرر..كمان لاعب فى ملعب ارضيته تراب لا نجيلة ولا يحزنون من امن العقاب لعب مع فرق الاحياء بلا حياء ولا مراعاة للوطن الهلال ؟ ..اكان “مكضبنى”:(لو مغالطنا ما مصدقنا ..أسأل العنبة الرامية فوق بيتنا)..اسألوا الرقشه الواقفه فى الميدان اسألوا الحفله واسألوا التوسان ..لابس الاخضر اسألوا الاخضر ..الرقم 18 اسألوه كمان..اسألوا الحيطه اللونها “موف فاتح” اسألوا الصورة واسألوا الكورة واسألوا الميدان)..اها بعد دا كوووووله قالوا دا ما ابوعشرين .. اجى ثمح والصورة كضابه ولا يخلق من الشبه ابوعشرين ومن لون الدم اتنين ؟ ..قالوا دا شقيقه ..شاحده الله الشقيقة القبل العقيقة رفعتوا ضغطنا ياخ ..وما زالت ..اخطاء  ابوعشرين كارثية ستوردنا المهالك ..وين مدرب الحراس ووين فلوران وابوعشرين ظل يقع فى المحظور وبالكربون قسمت بى الله يوم بتكتل ليك زول يا ابوعشرين ..حرام والله حرام .

@ صدارة مؤقته ولا طياشه مفخخة

@ الغربال طوبى لك البارحه كنت ملكا يمشى الهوينا اعطيت ما استبقيت شيئا على المستطيل الازرق

@ مبادرة هلالاب شركاء لا اجراء ..مكملين خطواتنا غير المسبوقه هلموا عشاق الهلال لدفع قيمة تزاكر ملحمة صنداونز ..تحديا لقرارات الكاف المجحفة ..سجل حضورك

على حساب_نادي_الهلال_للتربية-بنك الخرطوم ..رقم الحساب (2656276)..مقصورة : 10 الف ج.جانبية : 5 الف ج.شعب علوي : 2 الف ج.شعب أرضي : 1 ألف ج..على حساب نادي الهلال ،إرساء للشفافية والمحاسبية نهاية كل عام من فترة المجلس .أرسل إشعار التحويل و اسمك إلى أحد الأرقام التالية:- (+96653602064+=61470298982=0123182317=0905777095=0123704756=0915064185=0122058151)..-اطلقت المبادرة نداء:( سجل حضورك وادفع قيمة تزكرة دخولك لمباراة القطن ..الجمهور محروم من دخول المبارة بقرار من اللاتحاد الافريقي (الكاف) .كانت حديث العالم اجمع  وصفتها المواقع العالمية:(سابقة هى الأولى من نوعها في العالم  اجمع.. جمهور رياضي يشتري تذاكر وهي غير موجودة..تناولتها قنوات بين سبورتس واشاد بها البرنس هيثم مصطفى ..فقط لسنا بمعرض الحديث عن التغول الاثم على المبادرة احتراما لمجلس ادارة الهلال الذى استقبل المبادرة بصدر رحب فحاربها البعض لامر فى نفس يعقوب ..فسولت لهم انفسهم سرقتها ..فى وضح النهار .

@نبض العشق السرمدى ..يا غرام الروح..ويبقى العشق ما بقى الهلال  

زرقـاء الـعشق –هُـوَيْـدَا اَلْـمَـاحِى

الاربعاء  8/3/2023