أُمَّة الهلال تهديدات الخطيب يجب الا تمر مرور الكرام 

عِـشْقٌ سَرْمَـدِيٌّ -اهُـوَيْـدَا الـمـاحى

– أُمَّة الهلال تهديدات الخطيب يجب الا تمر مرور الكرام 

– تهديدات الخطيب سقطة وهزيمة أخلاقية  مزرية 

– الاهلى “فريريخ”  القرن اتفرخ و اتفرمط يا رجاله 

استراليا /عشق البلد

– الله -الوطن الهلال -1898م..النصر بجدارة أو الهزيمة بشرف..!

@ خليك معاى وانا ببقى للأزمات كفيل انا بى وجودك بنتصر لابنهزم لايوم بميل⁦ !

@ باكر الاتنين ابقوا حاضرين يا هلالاب ..عوضوا الفات واملوا المدرجات ..شاكرين ومقدرين ومبجلين حصاد الملك الهلال فى المجموعات مطالبين ومناشدين بحسم التأهل من داخل استاد الهلال ..صدقونى لو اخلصنا النية وتوحدنا خلف كتيبة فلوران سيقتنص النقاط  من “الصن”بالذَّوقُ  والادب والفن ..! وما تنسوا الهتاف ضد الكاف واتحاد معتصم السجم .!

@ البارحه وضعت هزيمة عيال الكاف الاهلى الهجاص الملك الهلال امام خيارا واحدا الا وهو حصد نقطتين فيما تبقى له مباريات فى المجموعات ..وخير الامور الفوز ..الفوز يا هلال الفوز على صنداونز فى الجوهرة ..!

@الخطيب:الهزيمه القاسيه سيدفع ثمنها الهلال عندما يحط رحاله بالقاهره ..بالذمة دا مستوى تصريحات نادى ولا زعيم عصابة ..؟ ..محمود الخطيب في برنامج ساعه كوره في قناه on sbort ادلي بتصريحات ناريه وقال نحن ليس اول فريق يتهزم 5/2 انهزم بها الهلال السوداني داخل معقله ..مازالت كبيره في التاهل لدور القادم اذا لعب صنداونز بعداله المنافسه ولم يتواطا مع الهلال ..ننتظر لنري ماتؤل به الأيام ولكل حادثه حديث ..هذه الهزيمه القاسيه سيدفع ثمنها الهلال عندما يحط رحاله بالقاهره )..اللى تغلبه مراته بيادب حماته..واللى يمرمطه صنداونز بهدد الهلال .!

@ الفنان السودانى حسين الصادق يتسبب فى اقصاء صنداونز من البطولة الافريقية ..عقب الاستعانة به لحراسة مرمى الجنوب افريقى عصرا يا فاجر..ما دفع بالاهلى لتقديم شكوى عاجله ومستعجله (للكاف ود ام زقدا)..الله لى الله لى يا الكاف الحقنى ..صنداونز فريقه برازيلى والبرازيل ما فى القارة السمراء ..الحقنى يا كافى ..صنداونز..سواها وصدقت نبؤة  “اكرامى الشحات” ..الصن تواطأ مع الملك الهلال ..الذى ارفده بالحارس الفنان المغنى “حسين الصادق) يعنى( لعب معانا كفر ووتر) ..دا يرضيك ..دا حلال يابا الكاف  ويمه..؟إِجَالَةُ النَّظَرِ في الشكوى الاهلاوية فدمعت عيناه واجهش بالبكاء والعويل على حال الاهلى الذليل ثم ركل الصن من الابطال وتأهل الاهلى الى ربع النهائى ..والخطيب خبط التلفاز بدراعه و أفَاقَ مِنْ سُبَاتِهِ العَمِيقِ..وانصار الاهلى صاااااحوا :(قَالُوا يَاوَيْلَنَا مَنْ أهَبَّنَا مِنْ فرحتنا اللى اضحت فشنك اى اضغاث احلام)..فرددناهم بان :ناموا يا حمير .

@ عزيزى فلوران..الراحه مفتاح النصر .. شوف خيبة الاهلى المصرى الما ريح اللعيبة ..عشان كدا ..ادفع بالصف التانى لمباراة المنامة البحرينى وطعمه بمن تسعى لتصحيح اخطاءهم ..وصنداونز خطير والله خطير لكن النصيحه لى الله دفاعه “فطيييير” زى دفاع الاهلى المصرى ..شوارع زى الشوارع ..اللعب الضاغط مع  صافرة البداية سيتهاوى دفاعه المتهالك دون ادنى شك

@الاهلى المصرى(عيوطه) ..(تُهْلُوكاً هُلوكاً مهلوكا..هَلَكَةُ هَلْكاءُ)..النفحه الكدابه.. وتهالكَ دفاع الاهلى 🙁 خماسية برتوريا 2019 كلك تانى مره البارحه 2023..لا يلدغ المؤمن من جحر مرتين.._(ورجل بايع رجلاً سلعة بعد العصر.. فحلف بالله لأخذها بكذا وكذا)..كَالَّتِي نَقَضَتْ غَزْلَهَا مِنْ بَعْدِ قُوَّةٍ..عن النبي ﷺ بين النفختين أربعون).. نفختى الصور ..(نفخة الصعق و نفخة البعث) بينهما اربعون (ساعة..يوما ..شهرا ..سنة ..قرنا ) العلم عند الله ..ولكن مبلغ علمنا كلنا (جت) والشفنا بى عيونها هو ان بين نفختى الاهلى فى بريتوريا اربعه سنين ..هاك النفخ دا)..الحصيلة سبعه اهداف رايح جاى يا دى الكسوف يا دى الفضيحه ام جلاجل..الشناوى بقى حصالة ..سبعه من ذات الفريق يا راجل ولا الشمس واصلت بطشها ولطشك بالعمى اللحظى مع كل هدف ..غايتو السواها فيك (ليليبو مكابى )..ما سوها عمر بن العاص فاتح مصر ..خلونا نقول  الفَتْحُ الهلالابى لاهلى مِصْر..ما اشبه الليلة بالبارحه (سقوط الإسكندريَّة  21هـ المُوافقة لِسنة 642م)..صنداونز شات وهدف من كل الاتجاهات ..صواريخ ارض جو ..عرضيات ..عكسيات..تكسيات..فاكسات وافتكاسات..ومن الاعماق يا حبيبى يا غالى ..الشناوى جيب من جوه ..من وين نجيب ليكم المريخ للتواطؤ ومنحكم 6 نقاط للتأهل كما والموسم الماضى وما كل مره بتسلم الجرة يا بيبو..عيب يا راجل وانت رئيس نادى القرن تصريحاتك عقب الخماسية 

@ مبادرة جماهير الهلال ” هلالاب شركاء لا اجراء “..بحمد الله وفضل تبرعاتكم بلغت سقف ال”المليارين” ونيف ..مكملين خطواتنا غير المسبوقه هلموا عشاق الهلال لدفع قيمة تزاكر ملحمة صنداونز ..سجل حضورك فى دفاتر معركة العبور ..على حساب_نادي_الهلال_للتربية-بنك الخرطوم ..رقم الحساب (2656276)..مقصورة : 10 الف ج.جانبية : 5 الف ج.شعب علوي : 2 الف ج.شعب أرضي : 1 ألف ج..على حساب نادي الهلال ،إرساء للشفافية والمحاسبية نهاية كل عام من فترة المجلس .أرسل إشعار التحويل و اسمك إلى أحد الأرقام التالية:- (00966536020640=61470298982=0123182317=0905777095=0123704756=0915064185=0122058151).

@نبض العشق السرمدى ..يا غرام الروح..ويبقى العشق ما بقى الهلال  

زرقـاء الـعشق –هُـوَيْـدَا اَلْـمَـاحِى

الاحد 12/3/2023