عِـشْقٌ سَرْمَـدِيٌّ -هُـوَيْـدَا الـمـاحى-لن نهديه الانتصار ..أطهر لاقَعيد ولا شَهِيد

عِـشْقٌ سَرْمَـدِيٌّ -هُـوَيْـدَا الـمـاحى

-لن نهديه الانتصار ..أطهر  لا قعيد ولا شهيد 

-إعلام الاهلى إتعدل براهو  ولا عدلـوه  رجالـة..؟

-لاعب الاهلى كهربا وصف لاعبى المريخ بالجثث المتعفنة ماعقبوهوش

استراليا /عشق البلد

– الله -الوطن الهلال -1898م..النصر بجدارة أو الهزيمة بشرف.

@اهو التاريخ بعيد زمان او تذكرون او ربما لا ..تذكرون بل لم ولن تنسون..قال تعالى ( فَأُلْقِيَ السَّحَرَةُ سُجَّدًا قَالُوا آمَنَّا بِرَبِّ هَارُونَ وَمُوسَىٰ)”كان يوم عيدهم”

عشية “يوم الزينه “وعومى يا وزينه ” فرعون حشد السحرة من كل فج عميق وسحيق..كما يفعل الاهلى الان بالضبط وما اشبه الليلة بالبارحة ..بينما وعصاة سمو الملك المفدى الهلال .. قالت ليهم هازئة مستهزئة :هوووى يا عواليق يا(صغار) الشياطين ..انتوا ما عارفين الشواطين والمردة بربطوهم فى رمضان اى تصفد مردة الشياطين والما مصفدين شوية محششيين وشحاتين..هنديكم قون ..قونين ومعاهم “ساندوتش و رغيفتين” يا شحادين .. وعين الريس السيسى الساهرة ليست غافلة عما تضمرون للانقلاب عليه ..وباذن الله العيد السنه دى عيدين فى التلت الاول والتلتين  الاخريين ..وحلايب وشلاتين..سيهل هلال رمضان والسودان مرتين الهلال للمره الثانية فى لعاشر من رمضان والعالم كله بيشهد ..عصاة الاسياد هتصرعى افاعى الاهلاوية .

@ إزالة اسم السودان من قمصان المنتخب..الإتحاد احل شعاره محل اسم السودان ..طبعا لا تعليق ولا دهشة البته.

@ رغما عن الاستحقار بتخصيص مائة تذكرة فقط لعشاق سمو الهلال ..اعلام الاهلى قلب 360 درجه عمالين يطبطبوا علينا ..دونكم مشجعى الاهلى لو كانت لديهم ذرة من الاخلاق فاليحترموا ارضهم ورئيسهم “عبدالفتاح السيسى” المباراة دولية وهتسمع العالم اجمع بلاش بقى تهتفوا ضد الريس وتحاولوا تشويه صورته فى المحافل الدولية وبطلوا شحده بقى (عايزين سندوتش وعايزين رغيفتين) هو كان  السيسى مجوعكم يا ظلمه..اللى بتعملوا فيه دا حرااااام ..؟ 

@ ابوجيبين رئيس المريخ فات الكبار والقدره فى البرنامج التلفازى الذى لم تفوت على فطنة المشاهد انه من صنع يديه لا معد البرنامج ..سيبكم من الرتابه والملل خلونا مع  الفشخرة والبوبار و”القلل  الكبار”..بكرتونة ابوجيبين الذى روج لنفسه عبر صورته المكبرة اوى.. عكس صورة المريخ فى المصغرة اوى فى الكراتين..وكمل الناقصة بحركة عبيطة اشبه بالزغاريد على فوز المريخ البارحه فى “المنتاز “وليس فوزا قاريا فى  المجوعات ولا تتويجا ببطولة “المنتاز” والله اخير دموع حزومى يا راجل البون شاسع ما بين دور الكومبارس فى الكاميرة المخفية وادارة نادى المريخ .

@ كتبت البارحه بين خوفى ووجلى ورعبى على تاريخ بلادى “الوطن الهلال” 🙁 مجلس الهلال الإقـالـة او التنحى..أنقذوا تاريخ الهلال تَدارَكَوا  السلة من عار الهبوط)..فتنزل قرار المجلس بردا وسلاما بالاقالة وتعيين الشاب “حمزة خضر الكوارتى” رئيسًا لقطاع المناشط بنادى الهلال ..راى عن تنصيب غادة عبدالهادى كان معارضا منذ لحظة تعيينها وتوجهت بالسؤال الاستنكارى ما علاقتها بالهلال والقطاع الثقافى كان الانسب لها ..

الحبيبه شادية عطا المنان الاجدر والامثل لقيادة قطاعى  المرأة او الاعلام ..عموما شكرا مجلس السوباط وخليكم عارفين:( الموجعات كتيرات).. “عـل” دا ما وكت ذكرهن .

@ على راى الزمالكاوية  اصدرت( وزارة الأهلى للشباب والرياضة بيان  تحت عنوان (بشأن منع التجاوزات على الساحة الرياضة وفقاً للأطر القانونية)..عن تغليظ العقوبات على التجاوزات ..وانا بقول للوزارة : بصى  بقى يا وزارة الاهللاوية  وبعيدا عن خروج  رئيس الزمالك المستشار “مرتضى منصور ” من محبسه اليوم ..واكيد طبعا “هيوريكو الويل وهيشتم شمال ويمين ومش هتعرفوا تعملوا حاجه معاه ” ..”والكون كله بيدور” و عارفين دلوقتي مين اللي بيولع في الدنيا ولا مش عارفين ..؟ بعدين هل غادر الشعراء من متردم ام هل عرفتى الدار بعد توهم..ام لم تسمعى عن لقطة اللاعب ( كهربا) العنصرية المهينة  للاعب المريخ السوداني بإشارة عنصرية وجدت إستهجانا من  زملائه وأثارت غضب السودانيين فى العام 2021..وين كنتى يا وزارة الشبابعندما تمادى اللاعب كهربا  فى انحطاطه وتطاول فى رد ه على “مدحت شلبي” عن وقاحته فى مباراةالمريخ بالقاهرة وأتهامه بالعنصرية  بانه ليس عنصرى ولكنه لا يستطيع اللعب بجوار (جثث متعفنة) يعنى  لاعبي المريخ السودانى.. لما  غلت اياديكم عن انزال اقصى العقوبات على كهربا ..فى حينها ..؟ من الاخر جاء البيان لذر الرماد على العيون ..الاهلاوية هددونا  ..ورعوا امن السودانيين فى كل فجاج الارض وعلى وجه الخصوص المقيمين بارض مصر والقادمين اليها ..لما صانع محتوى يطلع بفيديو اى واحد سودانى تقابله اخبطه على طول وقد شهدت مصر البارحه ذبح مؤذن  مسجد متطوع من ابن المؤذن الرسمى ..من اين للسودانيين واطفالهم من الامن والامان واى بلطجى صايع قد يهدر دم كل من يصادفه من ابناء بلادى حتى لو كانوا اطفالا ..؟ ووزارة الداخلية لم تحرك ساكنا حيال صانع المحتوى والاعلام المصرى اجج بل اشعل نار الفتنة ما لذنب جناه سمو الهلال سوى العمى اللحظى للشناوى وهزيمة الاهلى المدلل.ويا خوفى لا بكره بعد ماتش الزعيم الهلال تطلعوا علينا باللى حصل من جماهير الاهلى كان ( حماس جمهور)

@ اى عقلية هذى ..؟ ..لن نهدى الانتصار ل”أطهر الطاهر” لا هو شهيد ولا هو قعيد.. بل كيف نهدى الانتصار الى مقاتل واحد دونا عن بقية المقاتلين ..؟ نعم اضاع علينا ركلة الانتصار  والصعود “خيرها فى غيرها ” فاثار غضب الانصار ..ولكل جواد كبوة  سندعمه ليزيل عثرته بل علينا دعمه.. ومؤازرته ومناصرته لمسح اثار وابلا  من السب والقذف اصابه  ..علينا ان نهدية العزيمة والاصرار والثبات والثقة بالنفس هذا ما هو احوج اليه ..كون نجما للقاء بهدؤ وزانة واتزان لا بالطيش والتهور ..بنهديك المشاعر يا اطهر وانت اهدينا وجازينا بالتألق والابداع على ارض المستطيل مع مراعاة لا للانانية اللعبة جماعية والفرحة هلالية سودانية تأريخيه ..ليهدينا واقرانه بالفريق حلاوة العيد وفرحة الانتصار العريض .