منو السلم هلالنا الغول فى الجوهرة و القاهرة ..؟ 

عِـشْقٌ سَرْمَـدِيٌّ -هُـوَيْـدَا الـمـاحى

-منو السلم  هلالنا الغول فى الجوهرة و القاهرة ..؟ 

-غايتنا بناء قصور المجد شامخة و السمراء راكعة

استراليا /عشق البلد

– الله -الوطن الهلال ..النصر بجدارة أو الهزيمة بشرف 

@ اللهم لا يعجزك  اتحاد السجم .. اللهم احجب عنهم رحمتم واحرمهم من الجنة واحرمهم من متعة الدنيا وعجل بهلاكهم يارب العالمين..كما حجبوا عنا وحرمونا مشاهدة عشقنا السرمدى الهلال عبر التلفزة ..بقت علينا نارين نار الغربة عن الهلال و الحرمان

@شكوى الزعيم الهلال تضمنت 43 فيديو مترجمة للغتين ة الانجليزية والفرنسية.. اكيد مراقب مباراة (الهتافات العنصرية )..دا ما بكلموا ولا بدرسوا ولا بفهموا ولا بترجموا ..لانه عربى اللسان ..ربما استوقفتنا جزئية رفعها للاتحاد القارى والفيفا معا فى ذات التوقيت ..والمعلومة الراسخة فى اذهاننا ان التصعيد للفيفا يتم عقب جور الكاف ولكن ربما العنصرية لا تغلق دونها الابواب مجتمعة دونما اشتراطات..خطوة عديلة يا مجلس وما ضاع حق وراءه مطالب…. البارحه تحدث العليقى من القلب للقلب .فاسمع .. ولكن الرجل بحاجة الى مدير اعمال ومحاضرات كثر فى لغة التخاطب وتعابير الجسد وقوة المخارج حتى تنضج الكاريزما القيادية لديه على المنصات ..!!. وزف البشريات بدنو اجل اكتمال الاصلاحات بالاستاد(ها الطرح فى هذا التوقيت يا هناى مجرد تغبيش لصرف الانظار عن فريق الكورة وجلطات فلوران الما مغفورة بتاتا قسما عظما كشف الهلال الحالى لو دربه عنقالى عتالى  لصعد به الى ربع النهائى دون ان يعانى) ..وقبلها فضح  العليقى وعرى نفرة الطحنية الدلقونية المفترى بها على “الوطنية” اعداء القمرةما قالوا  شاحده الله “يقلقلهم فوق جهنم الحمرا  ” النفرة النكرة لتكملة وصيانة الملاعب والاستادات “جت” عن بكرة ابيها ..سمعنا جعجعة ولم نرى لا طحينة ولا قرقوش ولا سخينة ..كما ناشد العليقى  الدعم من  الروابط الخارجية وعشاق الوطن الهلال كافة ..عزيزى العليقى النصيحة لى الله عشان ما تصرفوا القروش ساكت الاستاد عايز مخارج ومداخل وحمامات تليق بالجوهرة ..حل مشكلة المداخل والمخارج فى ازالة المخازن و”الكناتين” الدكاكين ديل “جت”من محيط الاستاد وسفلتة الشوارع المؤدية للاستاد وتزيينها يعنى انتوا محتاجين لى خدمات مكاتب الوالى والمحافظ معا ..لكن يا العليقى نحنا هسع فى الاستاد ولا فى فريق الكورة البدوره  ليهو  جبارة ووقفة جبارة ..بعدين يعنى شنو انكم سمن على عسل ..مع اللعيبة الما قدموا ما يشفع لهم  خاصة المحترفين ..لبدوا وادسوا  وين ..؟ يوم النزال فى القاهرة ولا المحترفين مرفوع عنهم القلم .. ؟ وحات اسم الله يا العليقى لو ما طبقتوا سياسة الثواب والعقاب والعين الحمراء “الادارى المحترم مهاب الجناب “انتم  تحرثون البحر  

@(غايتنا ابد الدهر بناء قصورالمجد شامخة والظفر بالسمراء راكعة )..ولكن فلوران بغض النظر عن ماهية امكانياته التدريبية وانه حصد 10 نقاط فى المجموعات ..تظل الحقيقة الموجعه انه اهدر فوزا عظيما واضاع السيف من يدنا ..واجاد اسلوب الحنجل والمنجل  نهجه الذى دأب عليه عقب كل هزيمة او اخفاق يخرج علينا :(الحظ لم يحالفنا ولم نقدم ما يشفع لنا)..سمح انت شغلك شنو..؟ والذين الهبوا  “اطهر الطاهر” بسياطهم وسهامهم  لاضاعته ضربة الجزاء بينما لاذوا بالصمت على إهدار فوزا ثمينا بعدد وافر من الاهداف فى مباراة الاهلى بالجوهرة كما اهدروا اضعافا مضاعفة من الفرص امام القطن ..الفتح لالاهلى المصرى كبرى   زى كبرى فريق شمبات اول البارحة .. وامام الصن رايح جاى  ..ولم يكلف مجلس الهلال نفسه رهق مسألة فلوران لماذا لم يجرى تعديلات فى مباراة القاهرة ..ولماذا ترك ابوعاقلة وحيدا دونما دعم او سند ..؟ غايتو بدل تخسروا قروشكم فى شراء محترفين اخير تشتروا وتسجلوا (الـحـظ ) بعقد مدته تماثل عقد فلوران ..ومنو الباع التذاكر بالسوق الاسود فى القاهرة ..؟ 

@عنصرية جماهير الاهلى هردت كبد اللاعب العملاق “شيكابلا”ولسان حاله بكيت دما حتى بللت به الثرى.. نائب رئيس الاهلى يتوعد الهلال 🙁 الأهلي سيقوم برد فعل قوي ضد بيان الهلال وتهمة العنصرية) اها يا اللخو الهلال لم يكتفى بالبيان الما عاجبنا وحده بل اردفه بالشكاوى ممكن تقول لينا يا اهلاوى انت على شنو ناوى ..؟

@ سؤالات بين النساويين  ” العويين” يا دكتورة نوال قطاع المرأة شغال شنو ..؟ ولا بدخلن مباريات الهلال مجانى ساكت ..؟ بعدين انتى وكتين قاعدة جوووه المجلس متل قعادك فى استاد القاهرة الساعة الحارة جات  لا بتهشى ولا بتنشى ..بتسوى فى شنو ونساء السودان مرمطوا بى سمعتن الواطة ولا انتى ماكى من جنس الحريم والشتيمة ما بتفرق معاكى ليتنى كنت مكانك يا دكتورة ..بعدين الست الجديد  قصدى الهدوم التشيرتات اللت  الهلال  خبارك ما طلبتى منهم تصميمات  لعاشقات الهلال يا” رئيستن” ..ولا الهلال فريق عزابه.. ؟

@الخرونق ..” اهطل ضلال ميتو”..قوم يا عاطل بلاش تزيين للباطل.. دحنا طلعنا ما بنفهمووش (الفصحى) المصرية واهو..الحاج “ميتو” قنابل اشتغلكو  ترجمان .. الجماهير المصرية كما شملتها الداخلية المصرية ..(كانت عماله  بتهتف (العبيط “اهم”) تصدقوا وتأمنوا بالله (العبيط اهو)..طلعت غلط  انت لما تجيب العبيط المفرد لازم تكون الصفه جماعية يعنى بدال ما” تؤؤل” العبيط اهو لازم” تؤؤل” العبيط أهم ..ملائكة الاهلى. كانوا عمالين يقولوا..(حلويات  العبد اهو).. لكن العتب على النظر..عشان نحنا عبيد فهمنا بليد  ما بنفهموش لغوتهم

@ نادى الزومه يوم شكرك ما يجى طوبى لكم اهل الزومة..عند الشدائد تعرف معادن الرجال….بالامس كنتم ابطالا وانتم ترفعون لافتة :(لا مكان للعنصرية في ملاعبنا ..سنواصل معركتنا ضد هذه الأفعال والتصرفات لكي لا نراها أبدًا في أي مكان)

@(غايتنا ابد الدهر بناء قصورالمجد شامخة والظفر بالسمراء راكعة )..ولكن فلوران بغض النظر عن ماهية امكانياته التدريبية وانه حصد 10 نقاط فى المجموعات ..تظل الحقيقة الموجعه انه اهدر فوزا عظيما واضاع السيف من يدنا ..واجاد اسلوب الحنجل والمنجل  نهجه الذى دأب عليه عقب كل هزيمة او اخفاق يخرج علينا :(الحظ لم يحالفنا ولم نقدم ما يشفع لنا)..سمح انت شغلك شنو..؟ والذين الهبوا  ظهر “اطهر الطاهر” بسياطهم وسهامهم  لاضاعته ضربة الجزاء بينما لاذوا بالصمت على إهدار فوزا ثمينا بعدد وافر من الاهداف فى مباراة الاهلى بالجوهرة كما اهدروا اضعافا مضاعفة من الفرص امام القطن الفتح الكبرى للاهلى المصرى زى كبرى فريق شمبات اول البارحة .. وامام الصن رايح جاى  ..ولم يكلف مجلس الهلال نفسه رهق مسألة فلوران لماذا لم يجرى تعديلات فى مباراة القاهرة ..ولماذا ترك ابوعاقلة وحيدا دونما دعم او سند ..؟ غايتو بدل تخسروا قروشكم فى شراء محترفين اخير تشتروا وتسجلوا (الـحـظ المابعاند فلوران ) بعقد مدته مدة عقد فلوران ..منو الباع التذاكر بالسوق الاسود فى القاهرة ..منو المأجور منو  السلم تذاكر مباريات الهلال الغول فى الجوهرة و القاهرة معا..؟