عِـشْقٌ سَرْمَـدِيٌّ -هُـوَيْـدَا الـمـاحى-ليلة القدرِ..يا ليلة النصر 

عِـشْقٌ سَرْمَـدِيٌّ -هُـوَيْـدَا الـمـاحى

-ليلة القدرِ..يا ليلة النصر 

-فظائع المريخ  و وضاعة تحريف  التاريخ

-مملكة البحرين وشعبها الزين فى وهاد العين 

استراليا-ملبورن /عشق البلد

 الله -الوطن الهلال -1898م..النصر بجدارة أو الهزيمة بشرف..!

@ الشرطه الليله فى بيتنا ..ويا قضارف الخير تعالى ..الجمعه الاخيرة من رمضان و ليلة القدر فى الجوهرة ..وهيلا هوب يلا يا الغربال ..و اخوانك  اهدونا الفرحة وراحة البال .. وهيا يا فلوران..اسعد الانصار )..املنا كبير فى الله ..وعشمنا فى علو كعب الهلال اداء ونتيجة ..والنقاط التلاته قريبه ما بعيدة ..حلاوة العيد ..!

@ هلال الروح  ياغرام الروح ولو خيرت في وطن لقلت هواك أوطاني..والله وتاالله انا عارفه لا توجد منطقة وسطى ما بين الجنة والنار ولكن لو خيرت لما توانيت فى المطالبة بعودة “جواو موتا معية فلورانِ”..ما شغلتكم بى وكل زول حر فى “محاسيسه”..بعدين البحر ما بيأبا الزياده .

@(صمود “العليقى” .. وبيان القطاع  الرياضى ..اصدر القطاع الرياضى بيانا ضافيا شافيا كافيا  للحد من تأثير الشائعات  المغرضة .. وحملات زعزعة الاستقرار ..و إثارة البلبلة..نفيا لها..ضحدا..كما امن القطاع الرياضى على استمرارية فلوران حتى نهاية عقده المبرم الذى ربما تم تمديده حينها( اللهم احيينا الى ما بعد نهاية امد  عقده) ..كما اوضح ان الحديث عن الشطب والاعارة والاحلال سابق لاوانه (نحنا وييين والتسجيلات وييين ..؟)

كما وجد البيان صدى طيبا لدى امة الوطن الهلال التى تنفست الصعداء بدورها ..طبعا البارحه خرج علينا الدليقين “زفت الطين”  بتصريحات 🙁 الهلال سوف يستغني عن:1/ اجاجون2/ إبراهيم ايمور 3/جيرالد فيري 4/ كيتا اتسجل من فريق حي العرب)..البنقو ما كعب كعب البنقو الكعب..الفلس بعمل اكتر من كدا..وعلى قول “اخواتنا” المصريين متعوده دايما ..وكرررر عليهو ما لاقى ليهو قروب واتساب ادارى يمسحوا بيهو فوقه الواطه بعد ما فات “حزومى”

@ يا “قشار ” هوووى يا “قشار”( الا الهلال)..البرفع ايدو من قضيتنا..الله قال بى قوله.

@.تحريفَ الغالينَ وانتحالَ المبطلينَ وتأويلَ الجاهلينَ..درج “بنودلقان” على تحريف وتزييف التاريخ “غير المشروع”..عايشنا جميعا “بلطجة”.. ابوجريشه وهيثم كابو على الفضائيات المصرية فى الموسم الماضى ..كما  قنوات بين سبورتس وابوالتحريف ذاتو..و ظللنا نتابع” بصمت”..ياربى نكون مالنا والله ما منى كل الحصل ماما منى ..قصدى ما نحنا بل لجنة التطبيع ومن بعدها مجلس السوباط..والمجالس التى سبقته لا اعلم لماذا كوووولهم بكم صم عمى عن سرقة التاريخ وتزييفه عيانا بيانا وكان اخرها وحتما ليس باخر ..عشية فضيحة تشرين ..جاء على لسان  معلق المباراة :(المريخ  هو بطل الدورى مرتين على التوالى للعامين السابقين)..ولم يصحح المعلومة المغلوطة بتاتا..خطورة الامر تكمن فى التقاط هذا الهطل وتدوينه على محرك البحث قوقل الذى بات يمثل المرجع الاول فى لعالم اجمع ..اقترح على ادارة الزعيم الهلال تكليف رسمى للبرنس هيثم مصطفى لتصحيح بل لتنقية التاريخ مما حاق به من دنس التحريف والتزييف المريخى .

@ الاحباط يستمر مرتين من مصر للبحرين ..دا ما كلامى بل عمود “عزيز الخير” والجواب يكفيك “علوانه”..يستمر دى لزوم شنى ..؟ ومتين كانت الاتنين ..الاتنين الاتنين الليله وين ما كنا متحابين زى العنب والتين الليله وين ..متين كانت الاتنين بتعنى الاستمرارية ..؟ لما حضرتك تقول مستمر الامثل لها تسجيلات الكاردينال للعيبه المحترفين واستجلاب المدربين  والكل  بطلع كيسو فاضى دا يتسق مع “يستمر” لانه استمر لسنوات ..اما عن الاحباط فحدث ولا حرج..بعدين الدكتور اشرف الكاردينال عمر بنيان الاستاد وانشاء الفندق وعديد المرافق كما ذكرت انت فى غضون 3 سنوات اذا المقارنة فى الفجة دى معدومه ببساطة المجلس دا لحدود الآن لم يبلغ من العمر عاما كاملا ..تاريخ ميلاده 24‏/07‏/2022 ..يعنى عمره يعنى عمره 9شهور الا 10 ايام ..يبقى حرام والله حرام كونك تفكر مجرد تفكير فى عقد اى مقارنة بين مجالس كردنة ومجلس السوباط الوليد..دى حاجه الحاجه التانية ..اين هم اللاعبين صغار السن الذين تفرد بهم مجلس كردنة ..؟ وفقا لمقالك هذا كان يفترضى بالذين اتوا بعده الا ترهق كاهلهم معضلة التسجيلات نوهائى..طالما سنوات كردنة جت شهدة تسجيلات نوعية ..اما حديثك عن اذاعة سمو الهلال اما انه عار من الصحه ولا انا المطوفشه واسلاكى العريانه ..ولا الاذاعة كانت  فى الشماعه..؟..نهايتو لن ينكر اعمال الكاردينال فى الجوهرة الا مكابر ولن يقارن بين مجلسى الكاردينال ومجلس السوباط الوليد الا جاهل .

@  رفض اتحاد معتصم طلب ودنوباوى  تحويل مباراته امام الهلال لملعب الحوهرة ..!..اصلو الحكاية معاندة الفريقين من امدر وصاحب الارض ما رفض وقال” تر..تر” ..ياخ  لاعجب فى كونك “دغيل” ما اهلك دلاقين الصدى

@ قيادة المملكة وشعب البحرين يثمنون علاقتهم بالسودانيين..هلا والله بالزينيين قيادة المملكه وشعب البحرين الحلوين ..انتوا ثمنوا ونحنا بنأمنوا..!

@اتحاد الكاف  قطعا لن نرجو منك عدلا وانصفا وانت الخصم  والعدل ..اغرب حاجه امس موقع البلد المصرى قال:فيديوهات شكوى الهلال تفرقت بين القبائل -اى والله-كل فيديو دذوا لى واحد من اللجنة يعنى كل واحد ح يقيم الفيديو طرفه وفقا لمزاجه ..انا ما جبت سيرة الاهلى المصرى..غايتو مخير الله..!