عَبَقُ اَلْوَطَنِ – هُوَيْدَا اَلْمَاحِى- العشم فى وثبة الضباط الاحرار ..!!
عَبَقُ اَلْوَطَنِ – هُوَيْدَا اَلْمَاحِى
-العشم فى وثبة الضباط الاحرار ..!!
-الهُدْنة زى ظل الضحى ..وزى غيمة رحالة
استراليا-عشق البلد
@اما وقد رميتمونى “بالكوزنة” وهى من بمثابة الشرك الله ياخد لى حقوقى منكم قسما عظما مانى مسامحه ولا عافيه ليكم لى يوم القيامة..شوفوا جنس دا :(“فيسبوك 2:08 ص .. الصادق آدم عمر:كنت بتابع مشوراتك لكن طلعتي كوزة)..خصيمك الله يوم الحق عز وجلا ..شاحده الله “يكزنوك” بى دانة فى نص صنقورك..شئتم ام ابيتم البرهان قائد الجيش وحميدتى همباتى قائد الجنجويد..ولن اقبل ان تحكم بلادى عبر مليشيات القبائل..ليس حبا فى البرهان ..ولاء من نافذة الولاء للكيزان بل عشقا لتراب السودان زمان ما كنت ما بتنسى وما بتخلف مواعيدك وكان لما النهار يقسى تداعبنا باغاريدك”..انا قبال فض الاعتصام”مجزرة القيادة” نبحت فوق الفيس :(الثورة سرقوها)..وكتبت اول البارح القريبه دى 🙁أَمَا بالجيش من رجل يدين بالولاء للوطن و العسكرية..!!؟)
@ اما من جسر جوى للمساعدات الانسانية اللوجستية واجلاء المصابين.. ايها العالم اجمع..؟..عن المجتمع الدولى فحدث ولا حرج (طيارة راكه وطيارة ماشه وطيارة جايه لاجلاء الرعايه ..ولم تحدثهم انفسهم “جت” تحميل (طيارات الاجلاء ) الجايه بى حباية رزاية .. بصلاية .. طماطمية ولا حبة بندولاية ولا شاش ولا كردنة)..أكاديمية مصرية: أطراف إقليمية منعت قيام مصر بدور الوسيط في السودان.. المجتمع الدولي يلوح بالعقوبات..(شن نفعها وماذا جنت دارفور من عقوباتكم طوال عقدين ونيف ..؟
@ السودانى قالت :الفريق أول ياسر العطا قال 🙁 المعلومات حول حميدتي متضاربه مابين مقتله فى معركة.. أو اصابة بليغة..ويعملون الآن لاخراجه لخارج السودان من جهة الشرق، ونسعى للقبض عليه وشقيقه)..وكت عندكم الاحداثيات دى كووووله راجيين شنو ..؟ كفاية جدا التقاط مكان تواجده عبر اشعارات هاتفه يعنى انتوا قريتوا المخطط وما قادرين تمسكوا المصاب والبخططوا..؟عشمنا كبير فى وثبة الضباط ( الاحرار) سيخمدون الحرب ..!! انتوا ناس سلاح المظلات خبرهم شنو ..؟
@ الشيطان ياسر عرمان سريع الذوبان زُيِّنَ الحرب لقائد الدعم السريع ..عقب اشتعالها
فص ملح وداااااب ..!..ذكرنى الحليو” الاصم الاصابه الصمم ..وايقونة الثورة بالسلفقة وتغبيش الحقائق”الاء صلاح”..كيف تكون ايقونة لثورة مهرها الارواح من الاطفال الخدج والحرائر والصبيان ..؟ “الوية” دى لا شق ولا جرحتها البسكويته ساكت متل الاصم دخل المعتقل يلمع ومرق منه يتلاصف من اللمعان كان فى المعتقل ولا فى الساونا ..؟
واخرين كثر بعضهم “هج” من السودان ..كلهم لاذوا بالصمت المدقع ..والحركات المسلحه “جت” عملت رايحه..!..
المزيد من المشاركات
