إصطياد ابواق الفلول احمد هاربون طمم البطون

عَبَقُ اَلْوَطَنِ – هُوَيْدَا اَلْمَاحِى

-إصطياد ابواق الفلول احمد هاربون طمم البطون

– لا المليشيات ولا البرهان ..الديش ديش  السودان..!

– البرهان استقيل ابقى راجل  وما ترجى باطل 

استراليا-عشق البلد

@ اللخو (جبرين) وديت قريشات البلد دى وين .. خباركم “خاوتننا” 80%من الميزانية للدفاع والامن .. الاتنين وينهم ..والبلاد فى السهلة لا دفاع ولا امن الخالق سبحانه وتعالى ربط عبادته( فَلْيَعْبُدُوا رَبَّ هَذَا الْبَيْتِ · الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ)

@ اللهم العن الجبت والطاغوت ..(الحرب لاتفرق بين الكوز والقحاطى ولاالجنجويدى)..مرة اضحك ومرة ابكى مرَّة اتحمّل اسايا ..بداية دعونا” نصنقر”نجلس القرفصاء على  تصريح الناطق باسم “الدياشه” الذى نصب نفسه قاضيا .. وعبارة :(احتجاز سياسى)..لنتمعن جيدا فيما وراء الحجب والسطور ..عِلاّتها ومآلاتها ..!!..لما كتالين الكتلى  مرتكبى المجازر والجرائم ضد الإنسانية..وجرائم الحرب و الابادة الجماعية ..يبقوا تحت مسمى احتجاز سياسى يبقى على السودان السلام ..!!..ويبقى الجيش مرعوب من  يوم الحساب على جريمه مجزرة  القيادة العامة “فض الاعتصام”..طال الزمان ولا قصر يوم الحساب آت..وَالْجُرُوحَ قِصَاصٌ..!

– ابواق الفلول والاصطياد فى الماء العكر ..ياهو ولا ماياهو ..بيان احمد“هاربون”

المطلوب  للمحكمة الجنائية الدوليةالطمم البطون..؟..قال :(غادرت سجن كوبر مع آخرين وسنوفر الحماية لأنفسنا .. معاهو جوز اللوز “علي عثمان محمد طه وعوض الجاز..كما دعا منسوبي الدعم السريع المنحل للانخراط فى القوات المسلحة)..البابور جاز خلى يشتغل والشغل بالجاز خلى يشتغل ثعلب الانقاذ خلوا يشتغل..الله يجازى الكان السبب

.نعم تبرأ  الجيش من بيان أحمد هارون والفلول الهاربين من كوبر(وهنالك تفسيران احدهما ان الجيش قد تبرأ ..كما تبرأ الترابى من انقلاب الانقاذ ابان مسرحية اعتقاله بسجن كوبر ليفصح بعدها عن  اتفاقية السُحْت 🙁أذهب الى القصر رئيسا…و سأذهب الى السجن حبيسا)..سؤال برئ :هل السُحْت هذى على وزن قحت..؟ عشان كدا انا شغلت اسطوانة :(ما بصدقكم)اول التبادى بعد مجزرة القيادى قلتوا 🙁 عبدالله البشير فى قبضتنا بمكان آمن وتانى يوم كان فى تركيا).. تانى رجعتوا البارح القريبه دى واعلنتوا :(نحتجز قاده النظام المباد في مكان آمن) وتترب مرق لينا احمد هاربون عبر قناة طيبه الماها طيبه و”النصيبه” انه وجه خطابه للديش والامة السودانية جمعاء بصفة القائد ..!!..سمح ما تمسكوا الهاربين وترجعوهم السجن علما بان كبيرهم البشير منذ صبيحة انقلاب البرهان فارق السجن والسجان ومقيم فى مشفى علياء فندق 7 نجوم..تنطع احمد (هارووون”..تغوَّط) عبر قناة الاثمون وهذا ديدنهم يرقصون على الجماجم والاشلاء والاوجاع ..فَرِحِينَ بِمَا آتَاهُمُ القتلى سافكى دماء الابرياء  التى ازهقت انهم مصاصوا دماء الشعب السودانى الابى.. والاحتمال الاخر  .. تعمد الملعون (احمد هاربون) اثارة البلبلة واضعاف موقف البرهان قائد” الديش” بهذا البيان وهو يعلم علم اليقين انهم مكروهين من الشعب قاطبة ..؟ بعدين العجيب انه يتحدث تحت انهم مسمى” قيادات” ..ويفرض وصايته على القوات المسلحة الزول دا  اكيد عنده “ككوية” ..!!.. ام ان حديثه جاء من باب سياسة (فَـرِّق تَـسُـد”) التى برعت فيها الانقاذ وخير مثالا على نجاحهم  تَشَظَّى الاحزاب والاسر

@جونيور”جنا ” ترامب”ود النجس” قال السودان قذر..قذر انت وعفن ابوك..!

@ يا البرهان الحل فى “الحل “..الديش ديش السودان من اجل الوطن لا المليشيات ولا الحركات المسلحه ولا الكيزان ..لن ننفى ان الجيش وسخان وملوث بالكيزان ..ولكنه يظل مهما جارت عليه الايادى الاثمة حامى حمى السودان مساندتنا للكاكى ما للكوز البكاكى جوه (الديش)..نصرتنا للسودان ما للبرهان ..(وبلال بلال يا بلالى انا ترا العبولوا شال يا بلالى انا)..انت الآن فى موقف لا تحسد عليه والمواقف تصنع الابطال سيخلدك التاريخ حال ترجلت الآن عن قيادة الجيش..لحقن الدماء..هذا لا يعنى البته تسليم زمام الامور الى المليشيات او الحركات المسلحة بل تسليم قيادة الجيش الى ابناء الجيش الخلص لتكوين مجلس عسكرى انتقالى لمدة 6 اشهر فقط ..يتم عبرها بسط الامن والسلم وغربلة القوات المسلحه  غربلة الجن .. وجهاز الاستخبارات الحالى ابيدوا ابادة كاملة فهو

اكبر خازوق فى تاريخ الجيش السودانى ..ومن ثم تسليم زمام السلطة الى المدنيين ..!

@ ويا حميدتى البتحامى بالرهائن من  الاسر  ..(النساء والاطفال) لتحقيق مكاسب سلطوية  دنيوية ماهو راجل .. ولا فى عاقل ببراهو ..؟ 

@يا البرهان حرام عليك تكتل شعب السودان مقابل حياة رهائن حميدتى ..انت استقيل عشان حميدتى يحرر الرهائن ولو ما حررهم يبقى اتفضح للعالم اجمع وساعتها حق لجيش السودان الاستعانة بجيوش الدول للقضاء على المتمردين ..اعلن قرار شجاع  باعادة كل المفصولين من الخدمة العسكرية الذين انضموا الى المليشيات مع ترفيع الرتب..البارح الجيش الليبي يغلق الحدود مع السودان ووياما باكر ح تتقفل حدود 

– حميدتى “مرق” من جحوره وانت مازلت عاجزا عن “المرقه”من مخبأك “معتقلك”..انت ما جمعتك العسكرية بالراحل “سوار الدهب”..؟ الرجال مواقف والقيادة مواقف والتاريخ يسطر المواقف الشجاعة الابية باحرف من نور  ..وحرب الجنجويد لم تقتصر على مدينة الخرطوم وحدها بل هم فى كل وادى يهيمون ويشعلون المعارك فى شتى بقاع السودان بيان بالعمل ما (فوجاج ساكت)..المجازر السواها حميدتى فى دارفور بالطريقة دى ح يطبقها فى الخرطوم بالملى 

 @يا جماعه قلبنى الصبر وانا  أتوق توق الريم ..الى تجليات “ابوغزالتين”الكان اسمه ابوغزالة الدقر ليهو امين الوحى جبريل فوق الزقاق زمان المره دى الموضوع خطير واكبر من (جبرين) سيكلمه الرحمن وح يبقى  متل كليم الله موسى عليه السلام 

@رحيقك يا وطنى 

بحبك يا وطنى حريقك يفجعنى ..ولعوها اولاد الحرام ..سيطفئ الله نارهم برحمته .

@