Take a fresh look at your lifestyle.

الجيش جيش وطنى..الدعامى الوثنى لُكَعُ بنُ لُكَع

عَبَقُ اَلْوَطَنِ – هُوَيْدَا اَلْمَاحِى

-الجيش جيش وطنى..الدعامى الوثنى لُكَعُ بنُ لُكَع

-الدعامة حطب القيامة ..تبت يدا عيال دقلو  وقحطهم

استراليا-عشق البلد

@ نجيعك يا وطنى وجيعك يا وطنى ..النصر لقوات الشعب المسلحة الباسلة..شهداء السودان من الجيش والشرطة والمواطنيين طوبى لهم وحسن مآب ..والجيش صامد فى وجه المحن والاحن يقاتل  وحده وحوشا مسلحة  تكالبت عليه عَلَى حِينِ غِرَّةٍ: .. تَطاوَلَ رُعاةُ الإبلِ..الحُفاةَ العُراةَ العالةَ رِعاءَ الشَّاءِ..الجَهَلةٌ الرَعاعٌالبُهم يَتَطاوَلونَ على جيش السودان  صدق رسول الله القائل :(لا تَقومُ السَّاعةُ حَتَّى يَكونَ أسعَدَ النَّاسِ بالدُّنيا لُكَعُ بنُ لُكَع )..المتمرد زعيم الجنجويد ..بئس من يزين لك السوء..ثق تأكد..ورب البيت لن يلن لك الحديد..و لا تحسبن الولاء لجيش السودان و الأوطان ضربا من ضروب الهذيان..الجيش جيش وطنى يا الدعامى الوثنى.. (حميدتى) عدو  الله والسودان وجيشه وشعبه..ودعمه الصريع لا محالة فاعل..ولو جاء بجيوش الكون مددا ..سينتصر جيش السودان الذى يقاتل الآن (وحيدا) العصابات والمليشيات المسلحة من 7 دول..رعاة البهائم فيها مسلحون يقاتلون جنبا الى جنب مع “الجغم الصريع” بحثا عن ( وطن بديل) جراء معاناتهم من الزحف الصحراوى..تلكم الدول هى (ليبيا  -تشاد -مالى أفريقيا الوسطى -النيجر-(ليبيا – تشاد -ومالى -أفريقيا الوسطى والنيجر +دولتان معروفتان للجميع) ومعاهم فولكر وسفير الامارات ..والعشرات  من الخبراء العسكريين الاجانب..شى من روسيا وشى من الامارات وشى من ليبيا )..وسفهاء بلادى مجتمعين ..تكالبوا على جيش السودان قاتلهم الله جميعا ..اما فيما يختص بالقعاد والصنقير فى السعودية فهو مدعاة لعدم الرضا ..هل جلستكم الى العدو  الغاشم عشان “الترجمان” للغة  “تيفيناغ “الكتابة الليبية القديمة أو البربرية .. لغة الطوارق والأمازيغ و(العواليق الخوازيق) في النيجر وغرب إفريقيا....ولا عشان تردوا الروح فوووق الارواح التى ازهقت من الجيش والمواطنيين العزل ولا عشان تعوضوا الخرطوم عن دمار وخراب ونهب وسلب واغتصاب للممتلكات والمستشفيات والبنية التحتية بعد ما احالوا عمار البلاد الى خراب والخرطوم بقت كوم رماد ..بترجعوا الماتوا ..؟ ولا آآآآآآآآآآآآآآه عرفت السبب ..جلس الجيش مع القائل عن البرهان 🙁 الكلب البرهان الما بصلى ولا ركعة ) هل كان مجلسكم  بغرض استتابة البرهان عشان يمسك درب الصلاة ويوحد الله ..؟..هل يستقيم عقلا الجلوس للتفاوض مع الخائن وهو يولول فى الفضائيات : الحقونا ضربونا بالطيران ..فجخونا وكملونا ..؟ 

-من أغرب وأصعب الابيات للمتنبي :(أَلَمٌ أَلَمَّ أَلَمْ أُلِمَّ بِدَائِهِ .. إِنْ آنَ آنٌ آنَ آنُ أَوَانِهِ) ..سواق القطر م بجرب البنطون وعميان البصر م اظن يعرف اللون هباش العروض م ببقى يوم مأمون وسخان القلب م بنضفو الصابون.

@ الامارات تفلق وتداوى..( إعفاء السودانيين من مخالفات الاقامة بدبي)

@ اى صوت  صدع بالامس دماغى انه صوت  (نخابة) اطباء بلادى..(النخابة) كتلتها دانا  ولا شغل تغابى وعفانة..؟ ..الجنجويد غزو المستشفيات “جت لا حدهن”..وحولوهن الى ثكنات عسكرية.. حتى مستشفى الدايات لم تسلم من الغزو والاقتحام والاحتلال ..وطرد النساء الحوامل واللائى يادوبك وضعن حملهن واللاتى يصارعن الالام المخاض طردوهن كووولهن ..(السوووها  الجنجويد الصهاينة عشرات السنين ما سوها فى فلسطين)..وزارة الخارجية قالت : (الدعم الصريع )منع المواطنين من الوصول إلى صيدلية الإمدادات الطبية المركزية..مقتل (15) شخص بينهم اسرة كاملة في مجذرة الخور الابيض شمال كردفان ..!..اربعة أطفال ومرضعة من بين الموتى ..و”نقابطة” الاطباء  المركزيةصُمٌّ بُكمٌ عُميٌ..يعنى سدت دى بى طينة  قحت ودى بى عجينة الجنجويد 

– البيوت فى حى المطار والرياض وكل احياء الخرطوم  نهبوها نهب ومن ثم حولوها الى  ثكنات للمليشيات..اللهم انا نعوذبك من  الحَوْر بعد الكَوْر

-شتان ما بين  امْرَأَتَانِ من السودان..حالهن حال (المتمرد حميتى والبرهان) انتشر فيديو لسودانية ما بعرفها مفجوعة ومغدورة ولا عميلة مدفورة..غايتو..ما خلت للجيش صفحة يرقد عليها ..و ردحت لامن الله غفر ليها ..وكيف الله يقدر الجيش يصنقر للحوار مع.. الكَوْرُ ” الجماعةُ الكثَيرة من الإبل أو البقر” ورمت الجيش تارة بالجبن وتارة بالضعف والهوان وتارة بصراحه انا ما قطعت شوط بعيد فى مشاهدت اللايف الهايف حقها لانها زوله ما بتعرف كوعها من بوعها..وفيديو اخر لامرأة سودانية اخرى ما اعظمها فى بيت الله ممسكة باستار الكعبه الشريفة داعية الله مستغيثة  بعلو صوتها لنصرة جيش السودان على “الجغم الصريع”..

@ المتمرد ورد فى حلة (الخمج)..وقرض الناس قرض..المتمرد حميدتى عبر اتصال هاتفى ..”ورور” ليهم فوق العزيزه وعلم مريومة بت الصادق المهدى ومعاها الواثق الادب..وهو اتوه فى روحه مرتعد ومرعوب وخايف ويثكل متل “الحريم” وآآآآآى الجيش حاصرنا وكملنا ..ويامريومة والواثق اصبروا لى ان ما وريتكم ..اهلنا قالوا الما هدى كريم تعبان وانا بقول البهرشوا المتمرد حميدتى ندل وخاين وجبان

-حكومة ولاية الخرتوم والله العظيم خجلت ليكى ..الوالى والوزراء “جت” والمحافظين التلاته.

-هلالك ياوطنى عمارك يا وطنى ..فجع الهلال برحيله مات الاسد مات الاسد.. وانطوت صفحة ناصعة ومسيرة طويلة جد فى سوح الوطن الهلال ..مات فوزى المرضى اخى من رحم الهلال ..بقذيفة الجبناء التى حصدت روح فلذة كبده وحيدته الدكتورة الاء اخر العنقود بعد ولدين مدثر واحمد الله يصبرهم ويربط على قلوبهم فى فقدهم الجلل ويعوضهم بتعافى وشفاء والدتهم التى لن يبرأ جرحها ولا احسب ان السيدة “زينات” ستقوى على سماع نبأ رحيلهما .

-الحروب لم تحول دون انتصارات كرة القدم العراقية والتتويج فى المحافل الدولية ولم تقعد بركب الكرة الفلسطينية وتشرين السورى  الجندل الدلاقين قريباتى..عليه نثمن  عدم انسحاب سمو الهلال  من البطولة العربية 

– رَحيقُك يا وطنى:لن ننسى ولن نغفر:(مجزرة القيادة ..كتلونا واغتصبونا ونحرونا وسحلونا مندسين لوحات عرباتهم ” ق د س”)

شاركها على
أكتب تعليقك هنا

لن يتم نشر عنوان بريدك الإلكتروني.