عِـشْقٌ سَرْمَـدِيٌّ– هُـوَيْـدَا الـمـاحى-تخوضوها رجال ولا “تسيبولنا” الليتوال..؟
عِـشْقٌ سَرْمَـدِيٌّ– هُـوَيْـدَا الـمـاحى
تخوضوها رجال ولا “تسيبولنا” الليتوال ..!!؟
عشق البلد/ القاهرة
@حماة الوطن الهلال سم أب درق البصقع ..الثلاثاء متروك ليكم الخيار يا تخوضوها رجال ولا تفسحوا لينا المجال ..!!؟
@النصر لقوات شعبنا المسلحة الباسلة ..الحريه للوطن..شآبيب الرحمة على ارواح الشهداء ..العتق والخلاص للاسرى ..الحريه للواء معاش “الصادق يوسف” عضو مجلس ادارة الزعيم الهلال اسير مليشيا الدعم .
@”ليتوال” انحنا اتلاقينا مره..يوم طلعت القمره و صب المطر ..فانتشينا بروعة الاداء حتى اتانا اليقين :”النصر لهلال الملايين”.ولكن (ولكن هذه لما لا تدعنى)..والمباراة تلفظ انفاسها الاخيرة ((ويا لجنون المستديرة)) غدرت بينا الغدارة وعبست الاقدار وحصل ما حصل..لكن المره دى تشموها قدحة.
-وطنى الهلال..سلطان هواى يا عشق أحبابى..رحم الله فنان افريقيا العملاق الهلالابى وردى : :(دا الغرام ضمانا والاله يرعانا..وإن نأيت برجاك..و إن نسيت بطراك..وإن قسيت بهواك..القلوب عاشقاكا..!.. يا امل الامة وافراحها بشوف فى شخصك احلامى..وبشوف الكون جميل وبديع وفوزك انت احلى ربيع..ابدع وابدع واجلد وركع .!
@حالفه ومتندره ومتيمنة الليله دى يا مستر فلوران اصلى ما بسألك..علم علم يا معلم..خالد بخيت الخبط والردم كووووله نازل على فلوران ات دحين ماك “ميساعده”..؟ ولا ما كدى ..؟ الرسول اكان تساعده وتعصر اخوان الغربال عصر لامن يجيبوا الزيت الرسول انصحهم ووجههم وجيهم .
@ شعارنا ننتصر أو نموت..الكوره دى كورة الرجال (ويا لمحاسن الصدف واللؤلؤ موطنه الصدف) ..اليوم العالمي للرجال..الاخوة الاعداء “نصنا التانى”- الما حلو”..يعنى هم ونحنا (القوارير -الحرائر و القطايف) مع بعض يعنى سوا سوا ..بنساوى (الحلو مر).. قالوا الكلب بدور خناقه.. انتوا عضدنا وسندنا وتاج راسنا..!!)..كان يوم 19 الفات دا يعنى قبال شهر بالتمام والكمال ..اخوان الغربال يا تبقوا رجال ولا تفسحوا لينا المجال ..!!..الما قدرها يقول لى فلوران انا صغير عشان فلوران يغير ..!
@ سلاطين العشاق ..قوتنا فى وحدتنا ..لمؤازرة حماة هلال العز والمجد والفخار فى موقعة “اليتوال معركة الانتصار باذن الله وقودها الانصار حتى ان كان هلالنا بعيد ووحيد هناك فى الاحراش والادغال يمين واثق وراه رجال وراه ابطال من العشاق نساء ورجال ..وحالفين نجيب التار..عشان تتحقق الامال وبكره الفرحه تبقى هلال ..!
@ فرسان الوطن الهلال صناديد الرجال ..بتاكلوا الجمر وتعرضوا فوق لهيب النار لاسعاد امة الوطن الهلال وشعب السودان.. والفرحة تبقى فرحتين وفرحة “امتين ” ما امة واحده..”يعنى دبل كك” ودى ما بقدر عليها غير رب العالمين جل فى علاه ومن بعده هلال الملايين كرمه وعظمه الله.
المزيد من المشاركات
