عِـشْقٌ سَرْمَـدِيٌّ– هُـوَيْـدَا الـمـاحى- إنـا لـمنـتصـرون

عِـشْقٌ سَرْمَـدِيٌّ– هُـوَيْـدَا الـمـاحى
إنـا لـمنـتصـرون..!
لَيْسَ لَهَا مِنْ دُونِ اللَّهِ كَاشِفَةٌ
عشق البلد/ القاهرة
@و يَا وَطَن غيمَة بتَعدّي وتَبقَىَ سيل في السّاحَة وَاقِف مَانِي خَائِف أنَا مَانِي خَائِف.”
@ يَا ذا الهِلالَ اصرع الليتوال ..لتروى ظمأ عشاقك الملايين الميامين ..!..وعبى كؤوس النصر أهديهم ..واسقينى رشفة منك تروينى..تطربنى وتسكرنى وترقصنى وتشجينى ..
-والذى خلق الزعيم الهلال ..ما قادره وما عندى نفس للكتابة ولا لى اى حاجه فيك يا دنيا ..صحى والله دنيا فرندقس..دنيا غدارة خاينة دوارة “آآآه يا وطن ..آآآه يا وجع ..!!بُلِيتُمُ، وبَلاَيا الدَّهرِ إنْ نَزَلتْ فَالصَّبرُ يَكشِفُ مِنها كلَّ مَدفُونِ.
@معليش يا هلالنا ..نار الوطن نارنا وحال الوطن حالنا .. وآآآ شريرى على جهالنا..ياربى بكره بجيبوا تارنا ..!
@للشعب التنزانى (حبنا) الجمهور الاضافى للعشق الخرافى
الليله بالليل فوز يا هلال امدر ..ويا حليل امدر وحليل شارع النيل ..من محاسن تنزانيا.. عندك جمهور “بديل ” (بديل شنو كمان ..؟) لا ورب الهلال ..الهلال هلالنا ونحنا اهلو..لا ببدلونا ولا بغيرونا ولا بحتلونا ..حبابهم جمهور اضافى للعشق الخرافى ..
فوز يا هلالنا واهدى الفوز..لى ارواح الشهداء السكنوا المقابر وكل مضام وبى وجعه صابر.. يَسْأَلُونَ عَنِ هلال السودان قُلْ انه هلال عظيم وهبة من لدن رب رحيم )..سودانا فى محنة الحرب فجعتنا ووجعتنا..فرقتنا وشتتنا وبهدلتنا..وشردتنا..يوم عز فى السودان سلام..والله لو عز انتصارك ماك ملام.!! ..رغم اليأس، وانقطاع أسباب النجاة، واستحالة الفرج يبقى هناكَ خافق أمل بالله..ومن بعده انتصارك يا هلال ..حَسْبُنَا اللّهُ وَنِعْمَ الْوَكِيلُ .. يا وطن عز الحريق..يا وطنى..يا مدنى ..ياالخرطوم يا امدرمااااان ..يا البرهان ضاع السودان..!
يَـا لَـلـرِّجَـالِ لِـنَـازِلٍ لَـمْ يُـحْـتَـسَـبْ..وَلِــحَــادِثٍ مَــا كَــانَ بِــالْــمُـتَـوَقَّـعِ
لَـيْـسَ الْـبُـكَـاءُ وَإِنْ أُطِـيـلَ بِمُقْنِعِي..الْـخَـطْـبُ أَعْـظَـمُ قِـيمَةً مِنْ أَدْمُعِي
تَـالـلـهِ مَـا جَـارَ الـزَّمَـانُ وَلَا اعْـتَدَى..بِأَشَــدَّ مِـنْ هَـذَا الْـمُـصَـابِ وَأَوْجَـعِ
خَـطْـبٌ يُـبَـرِّحُ بِـالْـخُـطُـوبِ وَفَادِحٌ..مَـنْ لَـمْ يَـمُـتْ جَـزَعًـا لَـهُ لَـمْ يَجْزَعِ
@ تأهل” فلومينينسي ” إلى النهائي في أول ظهور له في كأس العالم للأندية. .منهيا حلم الأهلي المصرى القلب دلاقين جده في كأس العالم للأندية..يعنى يا اهلى الهلالاب المستديرة غدارة وما بتخضع للعقل والمنطق بتاتا..اذا كل الاحتمالات وارده يا هلالاب..اللهم اكفنا شرور المستديره واجعل النصر حليفنا..اللهم نجنا من “كهن” التحيكم
@ مجلسنا المبجل ..على اعدائك واعداء الوطن الله اكبر
اجتماع حكومة الوطن الهلال مولع ناااار ..نار يا حبيبى نار..حتى كادت تقنية الفيديو ذاتها ان تحترق.. اجتمع المجلس فى اوقت انفرط فيه عقد الامان فى السودان ..(ويح قلبى عليك يا سودان)..متحديا جبروت مصاب السودان واهله الجلل ..فجاءت القرارات قوية حيث (احال “حادثة شيك الضرائب” التى فاحت مؤخرا ..للنيابة قصدى المراجعة القانونية، والتقرير المالي بواسطة المراجع القانوني”الشيك قديم ماهو جديد من ايام لجنة التطبيع..بصراحه يا مجلسنا الموقر…. لكن ظنيتو خانك التعبير قصدى “التوقيت” يعنى دا ما وكته..(اى والله)..لكن البتجى من السماء بتحملها الواطة..”(ثـمـح) لجنة التطبيع الله يطراها بالخير مضت الى حال سبيلها واعقبتها جمعية عمومية “تأريخية” هل غاب عنها خطاب الميزانية ..؟ ولا خطاب الميزانية اجازوا “كيرى” ساى فوق التأريخية..؟ ولا شنو يا( هناى)..؟(فى الفجة دى كدى خلونى أصنقر-يعنى اقنب “قنوبت”..والله يا اساطين العشاق عارفاكم جنكم شمارات واستخبارات..اها السماء دى كان جات واقعه فوق الواطه ما “بفتليكم ” شمار “هناى دا” نوهائى عشان كدا كلكم جت ..وفروا على نفسكم عناء ومشقة السؤال على الخاص والله العظيم ما “بولدكم” ..وما بكلمكم)..مرقى واحدا مشاتر..قالى :يا هويدا الماحى :(هسع عليكم الله قلوبنا المفجوعه على الوطن وعاقدة بصيص امل بل عاقدة كل الامل على انتصار سيد البلد الهلال على الليتوال..ظنيتوا بتستحمل الانشغال بغيرهما( جرح الوطن الغائر وانتصار الوطن الهلال) ..؟ بعدين هو الاجتماع دا ذاتو خبارهم ما اخروا وعدلوا تاريخه (جاى ولا جاى) ..؟ فاجبته يا اللخو اجتماع المجلس شغلك عن شنو ..وهم قالولك تعال “انتمع معانا” وهى الاشارة ذاتها جاى ولا جاى ..وانت ذاتك ماشى ولا جاى ..؟ فبهت وسكت ظنيتو للابد.!
@لعب الزعيم الهلال مع المهزوم بعون الله وعزيمة رجال الهلال “الليتوال” المباراة القبال دى فى عز الليل عند التاسعه ..وكورة الليلة برضو عند الساعه التاسعه ..وحرب السودان اللعينة فى الشهر التاسع ..يا قلبى لا تحزن ..بالمنطق كدا المفروض كورتنا دى تلعب عصر ..ياربى يكون الكاف حاسدنا ولا القدر قاصدنا..؟ ما همنا ولا فرقت معانا بنخوض الجحيم ونحقق مقاصدنا .
@نبض العشق السرمدى غرام الروح.. يا هلال الروح..يا سلاف الروح..ويبقى العشق ما بقى الوطن الهلال.!!
زرقاء العشق
هويدا الماحى