عِـشْقٌ سَرْمَـدِيٌّ– هُـوَيْـدَا الـمـاحى/لو نمضى حُقُبًا لن نركع
عِـشْقٌ سَرْمَـدِيٌّ– هُـوَيْـدَا الـمـاحى
لو نمضى حُقُبًا لن نركع
عشق البلد
@ هلال الروح سيد البلد ..سيد الناس و سيدى أنا يا سيد الحبايب والله مشتاقين ..!
@السودان لابد من يرجع ..لما الليل يتوشح طيفك..الأطفال الفيك زي شمعه..ونار مدسوسه في خندق وعيك..بكره بتكوى مكان الوجعه..ويطلع منك جيل متعافى..حسن السير والصيت والسمعه
@عظيم انت يا وطنى برغم ضراوة المحن..(تسعه وتسيعه)..الفيفا فوق تصنيفها قالت الفخيم سيد البلد عشق البلد ريد البلد ونبض البلد ..امل البلد رقم 9.. المجد لنا والسؤدد و العز والفخاروالمغسة والعار..لى عدونا والما بشبهونا ولا بلحقونا..
هسع أنا دى هنى دى “شخصنت “اى كيان..؟اااى ..فعلا بالحيل (شترت وفلعت وفلقت وعورت)..لكن من غير اى (أسوم ). ..متل بائع السموم ..والفوق راسه بطحه اديتو(نطحه)🤣
@ديناصورات الاتحاد وصراع الجبابرة فى بلاد المهجر (الحرب الناعمة)
@سمو الهلال فى بطولة كوت دفوار ..عظيم يا هلال ..الرواق اليسار للزعيم الهلال فى القائمة الرئيسة ل(أسود شنقيط)..وقع اختيار مدرب المنتخب الموريتانى الفرنسى” امير الدين عبدو”..على محترف سمو الهلال (خادم دياو 🪔)
@كلف مجلس المريخ السيد (عثمان الشيخ) بتولى شئون كرسى الرئاسة المريخى حتما اهل النجمة ادرى بشعابها ونأمل ان يكون اختيارهم قد صادف اهله للخروج بالمريخ من رحم المعاناة
@(اتشوهد) ياحسن عبدالرحيم ..وحليل موسى يا حليل موسى..غايتو الله قال بى قولك..جاك الموت فى القاهرة يا تارك الصلاة ..مخير الله (العشر قام ليهو شوك)..بدور يغرس مخالبه فوق الزميل الصحفى “حسن عبدالرحيم)وصحفيين غيره بالجرم المشهود وفقا لما أوردته إصدارة (اخبار النجوم)..اى والله..حسن عبدالرحيم كان قاعد فى الحفله..اللت “..عرس كريمة يعنى بت رجل الاعمال “معتز البرير”..الامر الذى أثار حفيظة المخلوع (ابوجيبين) ..وقال كدى ارعد وازبد وتوعد بالويل والثور وعظائم الأمور(وكمان دعك يده فوق واطة الله دى إلا اكان يدق حسن عبدالرحيم وكمان ما حسن براهو..معاهو المعاهو..من الصحفيين الكانوا السبب فى خلع الكومبارس
طبعا التهديد والوعيد دا )..قالوا..( كومبارس ساى)اى والله -تحت تحت للناس ومتل ماكم عارفين السواى مو جعجاع..أنا غايتو متكيفه ..لقد هرمنا ..(هرمنا دى..يعنى أنا دى (هـويدا الماحى)آى والله..وتاالله من سنة حفروا البحر..(جدى ) حسن عبدالرحيم..مبشع بى حالى..اخرها كان من 13سنه فى استاد القاهرة إن لم تخنى الزاكرة البقت (معطوبه)..فوق المقصورة الكانت محضورة بى ضيوف سمو الهلال .. الساعه الجوعر . ليك حسن عبدالرحيم .بى “طووول حسو”لحظة صعودى المقصورة ..(شكيتو على اب ايدا قوية) .. قال ليهم..مقولته الخالده فوقى(هويدا الماحى خالتى (أم خلع لع يا يابا)..انا العملاق حسن عبدالرحيم دا ..زمااااان و”يا زمان الآهة حدك”…لامن كنت في الروضة(اجى يًا الروضه ياخ انت فى زمنك خلاوى القرآن ذاتن ما فتحوهن)..قال ماما (جاتك المو” آ حسن”)..كانت بتلف لى السندوتشات بالجريده(يجرك البعاتى حميدتى)..فى وكت فسحة الفطور..و(الابله) ..يبلوك الجنجويد..قال الابله قال مخير الله (مارقه من لقاليقه زى الدانا)..لامن تفتح الفطور بتلقى مكتوب فوق الجريده كتبت هويدا الماحى (وااااى أنا)..(يكتبك الكتب السودان آ حسن) ..ويدقك (ابوسوطين) ..والله بدور اشمت فيك قبال ما ارجع استراليا..عشان تانى ما تلعب مع الجهال
@كلاسيكو البرهان والهالك ولد حمدان …الكون كله بيدور ..واحنا وإياه بندور السلام فى ربوع السودان.. وكلنا راجيين كلاسيكو الخميس ..كلاسيكو (الارض والعرض ) لوقف نزيف الحرب …لكن كلاسيكو التأجيلات و الزوغان ما ظنيته قايم ..مرات ومرات ومرات حميدتى صيج ..ومرات كتيرات البرهان اباهن والخاسر الأكبر هو السودان
وكل الشهداء الماتوا عزاز..وإنسان السودان أعز عزيز
الأغنية كانت زمان فى زمن السلم والأمن والأمان بتقول ؛(يوم الخميس صفقه ورقيص) والمقولة إياها (الخميس عيد المطاميس) واصبحت قريباتى الخميس دسيس..ولكن هل يجتمع شمل الفرقاء ام سينسحب حميدتى كالعادة ليتم الاعلان عن ممثل ينوب عنه ام. سيهاب البرهان اللقاء ..بحكم يقينه الراسخ بهلاك حميدتى وملاقات البعاعيت منها خوف
غايتو نحيا ونشوف..!
@مورينهو ..شخصيتا..؟اى والله مورينهو الواحد دا
..قالوا(تلفن )لى مدرب سمو الوطن الهلال
السابق الكان قبال..ناس ( موتا والبروف فلوران ) بالأصح هو الجاب “موتا” ومشى خلاهو براهو)المهم مورينهو (تلفلنلو)وقدملو تهانى الوصول للسوبر المصرى لاول مره فى تاريخ فيوتشر..قال ليك:(“فى عز الليل” ..قصدى فى عز المؤتمر الصحفى ..التلفون رن..وفورمنسينهو..جنه..(اى والله)..قطع المؤتمر الصحفى وقالهم :(بلا مؤتمر بلا بدنجان 🍆 مورينهو فى الميدان) هو كان مساعد مورينهو…دا فوق ألمان يونايتد.. وتوتنهام (الانجليزيات ) قبال ما ريكاردو ..يجى للزعيم الهلال..غايتو أنا ما عارفه مورينهو يكون (دق) ليهو
بالصوح ..ولا الكشرى فطمه على حركات المصريين وعايز يكبر كومه..فى الحالتين انت الضايع .. هو نان ماشى يشيل السوبر من الاهلى المصرى ..عشم ابليس فى الجنة
@(لو نمضى حُقُبًا لدولة الشر إمارات زايد لن نركع ) أساطين العشاق اهلى وحبايب قلبى الهلالاب حفظكم الله ..الهلال نادى الحركة الوطنية شعاره الله ..الوطن،،الهلال) ..وهو أول من اكتوى بجحيم (دقلو اخوان) ..وتم ترويع قائد امة الوطن الهلال وتهديده بالتصفية فى عقر داره ..ليهجر داره وهلاله سائحا في بلاد الله..الى يومنا هذا ..كما ودفع الوطن الهلال الثمن باهظا جراء حربهم الآثمة وما اقسى وأوجع ان تزهق ارواح الأبرياء ويروع امنهم وأمانهم داخل اوطانهم بل مساكنهم وان يحرم الزعيم الهلال من الجوهرة المفخرة ارضنا الطاهرة وما أقسى الحرمان من الأوطان ..حرمان امة سمو الوطن الهلال من هلالها محط امالها وهجرت الوطن الهلال بحثا عن ملاذ آمن يأوى الفتية الفارين من جحيم الحرب ..طوبى لمنظومة الادارة عن بكرة أبيها ولجانها المساعدة مجتمعه ولعيبتها ..ومناصريها .. ارق مضاجع الأهلة وأثار حفيظتهم خبر مشاركة سمو الوطن الهلال التبارى فى بطولة ودية تنشيطية بدولة محور الشر..الإمارات ..السواد الأعظم رافض رفض بات لمجرد ذكر اسم دولة الامارات دعكم عن التبارى فيها التى ما كانت لتكون شيئا مذكورا لو لا ابناء السودان فى كافة المجالات والتخصصات إلى يومنا هذا .. (نحنا .خلينا للمعفن تمن)..يا قلبى لا تحزن ..ولا مساس باهل الامارات وشعبها الطيب البته..معركتنا مع (القاعدين فوق راسها .. والساسه الانجاس المناكيد)..وان غدا لناظره قريب ..نادى الوطنية لن يخون الوطن مهما عز وعظم الثمن ..حتى لو كان المقابل الظفر بالأبطال ..تغور الأبطال ..الوطن الهلال في غنى عنها ولن يدنس ارضه وعرضه وتاريخه الوطنى الناصع الابى ابدالدهر عاش الوطن الهلال شامخا حرا أبيا
@نبض العشق السرمدى يا غرام الروح..ويبقى العشق ما بقى الوطن الهلال
زرقاء العشق
هويدا الماحى
المزيد من المشاركات
