عِـشْقٌ سَرْمَـدِيٌّ -هُـوَيْـدَا الـمـاحى/الهجوم سيبرانى والتحصين ربانى

عِـشْقٌ سَرْمَـدِيٌّ -هُـوَيْـدَا الـمـاحى

الهجوم سيبرانى والتحصين ربانى

عشق البلد

@ يحيا الكفاح وينتقى فليخرج الباغى الشقى ويرفرف العلم الأبّي..وطنى واللهِ لو وقَفَ الأنامُ جميعُهُم..وتآمروا كي يمنعوكَ مُناكا..وأرادَ ربُّكَ أن تنالَ عطـاءَهُ.. لأتاكَ يعْدو رغْمَ كُلِّ عِداكا.

@هنا امدرمان.. هنا السودان ..هنا الوطن الهلال ..هنا قواتنا المسلحه الباسلة بيان بالعمل ..وما احلاك يا بيان :(الجوهرة الزرقاء حرة شامخة ابية من دنس المليشيا الجنجويدية .. باذن الله سنحرر السودان جنبا الى جنب مع قواتنا المسلحه الباسلة.

@فخامة الوطن الهلال عالم تانى .. الهجوم سيبرانى والتحصين ربانى ..(“اتشوهد”يا  hackers)..تعرض “البروف حسن على عيسى ” امين عام مجلس الوطن الهلال الى هجوم “سيبراني” ..(اى والله)فوق الفيسبوك طبعا الأسلحة السيبرانية انتقائية..والغاية من الهجوم السبرانى التجسس للحصول على معلومات سرية او شخصية مخفية للابتزاز او شن حرب لتخطيم الشخصية المستهدفة ..شوف الهبل ديل بالله ..هو نان قالولكم خزينة اسرار دولة سمو الهلال مزروعه فوق حسابه على الفيس ..ولا “خصوصياته” داسيها فى الفيس..؟خاب سعيكم ..بصراحه نفسى اساعدكم.. عشان انا بكره تلاته جاجات (الكذب والغباء)..! اى والله ..الحل الوحيد هو اللجؤ الى خدعة الذكاء الاصطناعى عشان “نصدقوكم”..ونساعدكم فى خلع الامين العام (المعذبكم) عذاب الله اكبر.. ولا شنو يا الفطاحلة  السويتوها ظااااهرة ..!

@ جلالة سمو الهلال مدجج بالدرر الغوالى..نعق غراب الشؤوم :(سيدنا الزعيم الهلال “سيد البلد”..عايز يسجل “كرشوم” ويمين اكان سجل كرشوم القيامة فوق النجيمة بتقوم ..ونحنا ما بنفرط فى “كرشو” وبالروح والدم ..و برطم ..برطم ونضم فوق عيموده الباير.. يا شيخ “انطم” -“كرشو “..مين وبدور الملكى الهلال ساطعين.

@ دلاقين فشلونا الما بلحقونا حنلاقيهم ويلاقونا بعد باكر الاحد ..وديفيد جارسيا..لاعب “أوساسونا “هاجم حكم مباراة برشلونة قالك ظلمهم ظلم الحسن والحسين ..عاد نسويلكم شنو يا (جارسيا) فشلونا متعوده دايما .

@ فى الحالتين اتحاد معتصم (بردلب)

للهلال رب يحميه ومجلس يسهر عليه ..وشعب بالروح يفديه..خلونا مع لام (هل وبل) حيث يحلو الجغم والبل ..والحصل شيتا اصلو ما شفنا.. هل اتحاد الكره كان على عجل وما استوعب قرار الفيفا  و ما ناقش التكتح .. ولا كان (مبيت النية) لإيقاع الزعيم الهلال فى (الخيه)..؟..تصدقوا وتأمنوا بالله الاتحاد قال للزعيم الهلال مددنا ليك فترة الاحلال والابدال ودا ما حصل ما قلتو انا ..قالته الفيفا..لكن تعجبنى ثقة ومهلة مجلس ادارتنا الموقر .. يمين  ما هببوا للاتحاد نوهائى ..عشان كدى الاتحاد افتكر المجلس صدق الالاعيبه ونام فى العسل .. قالوا سماحة الوطن الهلال شرب المقلب وهاك يا شطب وانهاء عقودات وابرام اخرى ..شكيتهم على الله كانوا عايزين يجففوا منابع الوطن الهلال ويجروا المجلس الى دوامة الديون ولكن هيهات هيهات راحت عليكم يا حلوين 

@ جيبوا لى الفار ..انا قاصده التقنية ..التقنية :(يا حبيبى انحنا اتلاقينا مره وتانى مره ..ياخ مرتين فى خيالى وفى شعورى 70 الف مره..الـفـار وينو ..؟

@نبض العشق السرمدى ..سر البوح يا غرام الروح.. ويبقى العشق ما بقى الهلال  

زرقـاء الـعشق –هُـوَيْـدَا اَلْـمَـاحِى