Take a fresh look at your lifestyle.

؏ــڜــڦ ڛۜــڔمۘــدۑْۧ /هويدا الماحى-المى حار ولا لعب قعوى

؏ــڜــڦ ڛۜــڔمۘــدۑْۧ
هويدا الماحى
-المى حار ولا لعب قعوى
-صَحَفِيَّانِ فِىَّ الْمِيزَانَ أَيُمِنُّ كَبُوشٍ وَمُحَمَّدِ العَرَّدَ

Ο ناس السوباط اداوسوا فوق فلوران-النصيحه “العلوان” دا عمل لى “كاروشه ” هو المجلس (انتمع متين) ولا انتماع واتسابى (وا شقاى أنا وا عذابى) ثمممح وكتين (اتوتسبوا)السرب
منو ؟ ولا شنو
المفروض يفرزوا ويفنو.!
نحنا غير التسريبات دى مافى حاجه مضيعه صحتنا ومعذبه ريدتنا ومجهجة محبتنا..هم يسربوا من هنا ونحنا نفور ونغلى من هنا
Οسمو الهلال طلع شيخ وولى قااااطع وسره باتع..مرفوع عنه الحجاب..ولأنه عرف من بدرى انه السهام الحمراء ستتوج بالبطولة
قام طوالى اشترى السهام رغم (خمرتها) الصارخه قصدى حمرتها
الصارخه..وقال ليهم انتوا الأبطال لا محال من شان كدى بيعوا لينا كورتكم وافتحوا لينا فتحا مبيناً بالخمسه 😄😄😄
@ صَحَفِيَّانِ فِىَّ الْمِيزَانَ اِيمَنْ كبوتش وَمُحَمَّدٌ العَرَّدَ.!
أقسم الله سبحانه وتعالى بالقلم :(ن والقلم وما يسطرون)كما
أقسم بما يسطرون
وقيل :عقول الرجال تحت أقلامها”
محمد عبدالماجد ماهو “عارَنَ” ووعَرانينُ القوم: “ساداتُهُم وأَشرافُهم”
وقالت العرب:العَارِنُ : هو الأسَدُ.
ومع اندلاع شرارة الحرب القذرة طلق “أيمن كبوش “عموده الرياضى..وبقى مجاهد (اى والله) جِهَادُ الْقَلَمِ..!
بينما انبرى ودعبدالماجد لضرب قواتنا المسلحه بذات السلاح الا وهو سلاح الكلمة قيل :الكلمة سلاح ذو حدين وعلامة مفترق بين طريقين فيرفع اللَّه بها أقوامًا ويحط بها آخرين وهي فرقان بين الحق والباطل
ليختفى عمود محمد عبدالماجد ..
المسكين عجز عن الصمود فى مواجهة
الهجمة الشرسة من “السودانيين ” ليصبح فى عداد (المفقودين) اتقول انشقت الارض وبلعته عرد عردة المريخاب
@النساء والزجاج دائماً في خطر.
@سطر”النطاس ” البارع أخوى من رحم الوطن الهلال ..(دكتور راشد ) مقالا حوت عناوينه التالى:( الأمور ما جيده منتظرين صحيفة هويدا)..فرغ فيه شحنات من الغضب العارم وثارت ثائرتُه وحق له ان يثور
(وَقَدْ خَابَ مَنْ حَمَلَ ظُلْمًا) ..!
-الدار دارك يا دكتور
وصحيفة (عشق البلد) حقتنا كوووولنا ما حقت هويدا الماحى براه..
ويا سبحان الله ربما مقالك صادف ساعة عاودت(عشق البلد)
الصدور..عمودك كان فى المرتبة الاولى حللت اهلا
@اولمبياد التابا واليابا..هزت فضيحة (الحجاب )فرنسا والعالم اجمع ..وفرنسا تستمرئ اضطهاد المسلمين ..(اى والله)وسو يا سو المنتخب الارجنتينى سرقوا..ومنتخب نيوزلاند ناس كندا “اتجسسوا واتحسسوا “بالطيران كمان..ونام الجميع اسرة من ورق
@ مساعد فلوران من حور الجنان ولا إنسان الكمال أنا دى
عن نفسى
عارضت و(هرجت)هرجى الجن وكت جابوا خالد بخيت مساعد مدرب و(عيمودى)شاهد
لم يكن اضافة ولن يكن خصما على دولة سمو الهلال
ونحن بحاجه إلى مساعد مدرب (معلم)
اى والله لكن مو خالد بخيت
؟هنالك الاسطورة محمد حسين كسلا
وآخرين ..ياخ خالد بخيت دا ما سمعته يوم هشه ولا نشه
ولا الله قال
ولم استغرب (اللوبى)اى والله لوبى عديل
لاستكتاب
الكتبة..كسر رقبه..للضغط على المجلس الإبقاء على خالد لا وكمان عايزين يختوا فوق (بنبر)فلوران ..لا والله..
اهداف (ثنائيات) المعلم في المريخ دخلت التاريخ زمان اما المعلم المدرب ما عنده بصمة تشفع ليهو
@عذرا القوس بابكر فقد طاش سهمك
(وَضَرَبَت لَنَا مَثَلًا وَنَسِيت انه مجلس (المنغلقين)متجنياً على رجالات الوطن الهلال وأقطابه نعم
انت لم تحابى المجلس ولكن عايبت الأقطاب(جت)
وَأَنَّى لَهُم
معرفة ما تخفيه صدور وعقول
رجالات مجلس السوباط.؟
الذى يعمل في طى الكتمان و
ناس زمان (اى الاداريين) كانوا يطلبون من الأقطاب المساهمة فى التسجيلات (ويحكمون الشورى)بينما مجلس السوباط شغال (سكتم بكتم)
وكمان ممنوع الاقتراب والتصوير
@ويبقى العشق ما بقى سمو الوطن الهلال

شاركها على
أكتب تعليقك هنا

لن يتم نشر عنوان بريدك الإلكتروني.