عِـشْقٌ سَرْمَـدِيٌّ -هُـوَيْـدَا الـمـاحى-رفاعه قريبه وجيشنا خطيبها..وهل ازدانتِ الدنيا بغير هلال
استراليا-عشق البلد
الهلال ..الشطارة فى الْغَزَارَةِ..والصدارة بى جدارة
)امدر امان وقد افلح حماة الوطن فى نسف الراجمة التى كانت تدون امدرمان.. الكترابة الجيش فى ام روابه وبرشمو ..”برشم” .. جماعة (سجمى الجيش حررها ..قاصدين سنجة)..تصدقوا حررها وطهرها من دنس الْكَفَرَةُ الْفَجَرَةُ ..وهاكم الخلعه دى رفاعه قريبه وجيشنا خطيبها..جيشنا يا الماشى لى مدنى كان مخزون الذخيرة ما كفاك ..بفديك بى دمى هاك شيل رويحتى فداك
) سجل سجل يا تاريخ..فخامة سمو الهلال فريق عربي يصل لنصف نهائي دوري ابطال أفريقيا عام 1966 مع الجيل الذهبي بقياده” جكسا وقاقرين” وبدور الاربعه فاز ذهابا على استاد ابيدجان العاجي بهدف وخسر الإياب امام الفريق العاجي 4-2 الجدير بالذكر االفريق العاجي احرز لقب البطوله ..ولكن لم تنسب المعلومة التأريخية الى اى مصدر
)خسائر الزعيم الهلال فى الدورى الموريتانى “فرد”اربعه نقاط لعبنا 8مباريات وفى جعبتنا 20نقطة من 24..الاربعه الراحن بالتعادلات الاتنين “بكفن العين”..واهتزت شباكه بثلاثة اهداف فقط ..فى مقابل 17 هدف لرماته ..ومين زينا..شكيتك على الله يا “نواذيبو”..ياخ مالك على تشيل وتسوى لى :(كضابه يا بت الماحى).؟ ياخ اى انت شباكك اهتزت بى هدفين يعنى اقل من الملك الهلال بى هدف لكن..هداف الدورى هلالابى بخمسة اهداف والغربال التالت رغم الغياب مع المنتخب المتأهل لنهائيات الكان..هدافنا الغالى “كوليبالى “ذاتو غاب عن مباراة الدورى اللت قبال يومين وبرضو متحكر فوق صدارى الهدافين ..كما لم نتجرع طعم الهزيمة ولا مرة .. وانت يا “نواذيبو”ماك متربع على الصدارة ..ولم تبلغ شأو سمو الهلال بمحصلة الاهداف ..الشطارة فى الْغَزَارَةِ..والصدارة بى جدارة يا “نواذيبو” اها عجبتك عشان تانى تقول لى كضابه يا بت الماحى..عـل فريق ملوك نواكشوط ..مبارينا ..مرتفعا برصيده الى 18 نقطة “بعدينا”.. بفوزه البارحه على تفرغ زينه
)حل الملك المفدى سمو الهلال تاسعا فى احدث تصنيف للكاف ..ولحدود تصنيف المركز ال20..الجماعه ماهم باينين “اى والله” مافى ممثل للسودان فى تنصنيف العشرين الاوائل للكاف غير الزعيم الهلال
) ايعقل هذا مدرب الزعيم الهلال يدعو الجماهير الموريتانيه لمؤازرة سيد البلد..بينما رئيس رابطة المشجعين المركزيه (سكتم بكتم).!
المزيد من المشاركات
