عِـشْقٌ سَرْمَـدِيٌّ -هُـوَيْـدَا الـمـاحى-فوهات براكين خطاب البرهان وحوار رامى كمال
استراليا عشق البلد
الملكى الهلال يركع الجمارك ياخد بثأر المريخ ويصعد البرنس
) الدنيا واقفه على حيلها (اى والله) قامت وما قعدت بين جذب وشد واخذ ورد وكيل للاتهامات عقب الحديث الذى ادلى به قائد الجيش فى احدى الملمات
( للقوى السياسية والمجتمعية)..ماثلتها ردود الافعال حول حوار نائب الامين العام للملكى الهلال رامى كمال ..والصيادون فى المياه العكرة كثر..فى المرحلة دى
لا يشغلنا سوى فوزان اثنان (انتصارات الجيش والهلال) وبعد ان تضع الحرب اوزارها ..قرار دمج الحركات المسلحة فى الجيش امر لا مفرمنه ..والغاء الاحزاب مجتمعه ومن ثم صياغة دستور السودان الجديد المبرأ من العيوب لخوض غمار انتخابات حره فى وطن حر
)عاد يا يابا تتبارك ما تتشارك
ما قلت ليكم الجمارك قوى ولكنه سهل المنال من الملكى الهلال والتلاته حلاتها ..عودة الغربال للغربلة ويا الشباك جاك البلاء ..هدفين والغربال فى السكة يمد
مرتفعا باهدافه الى خمسة..والموريتانى القادم الجديد حديد عاد تتبارك يا يا المبارك ود المبارك .. ووتبارك ايامك وايام الجمارك وايام الرصدك وللزعيم الهلال جابك وايام مجلسنا ..احمد المبارك واول الغيث احمد ..رفاق الامس امعنوا فى التشفى منه ضربا وتنكيلا ثقيلا ما لذنب جناه سوى الاحتراف بصفوف الملكى الهلال ..ليثبت انه حمال الاسيه وشيال التقيله لم يجنح الى ركلهم بل صمد وصبر على اذاهم ..الجمارك فريقك وانت شاربه شراب..الغريق قدام فى الابطال
)مارس البروف فلوران عادته القديمة ما عايزه اجيب سيرة ريمة ولكن الشوط الاول كان للنسيان .حتى متى يا فلوران ؟
) تصور روعة المشهد..الصغيرون جوباك وحات الله قلبى حباك و الطرف اليمين بهواك والاهداف جميعن كانن من حداك وخاسر من يتحداك ..والحاج ماديكى كان فى الموعد
) نواذيبو يا رسول الله ..نواذيبو ميشو ح يذيبه ولا البرتقالى جاغم “ميشو” طوالى ..هل يفعلها الصربى اليوم مع متصدر الدورى الموريتانى..
المتعثر فى بدايات المنافسة ومع استمرار اللعب ومؤجلات الملكى الهلال قوى عوده و(قنب) فى الصدارة الى حين استردادها وتركيعها فى بلاط صاحب الجلالة الهلال
) عاد فوفانا لحراسة مرمامنا وحافظ على الشباك نظيفة ولا التكتح
المزيد من المشاركات
)التلفزة كارثية .. مسخت علينا الكورة والله..اللقطات بعيده من سقط لقط ..والصورة ما صورة والضباب الضباب الشاشه اتقول مشاوى كباب والمذيع تاه عديل عن محرز الهدف الهلالى الاول احمد المبارك بسسبب غباش الكاميرات..عليك الله يا القناة الناقلة (انعدلى) ولا اعتذرى من بدرى
)طول عمرى بسمع :(جنا الفار حفار عـل حكم الفار .. الدولى “البصفع” الاداريين ده ما سمعتبو.. الا البارح فوق الدورى الموريتانى (اى والله)قال ليك والمباراة فى خراج الروح قام حكم الفار ..الدولى “موسى ديو”..احتسبلو هدف لفريق الشمال لتنتهى المباراة بالتعادل بهدفين ..وهاجت وماجت ادارة كنغستون ..ليقدم حكم الفار على توجيه صفعة قوية للادارى “محمد الهيبة” من فريق كنغستون ..ادت الى اقتياده الى قسم الشرطة وظنيتها العقوبة السجن ليوم واحد ..وهى ليست الحادثة الاولى من نوعها فى الدورى الموريتانى غايتو حكامنا فى السودان مساكين يشتموهم ويدقوهم لو كانوا زى الموريتانيين كان زمانه جمهورنا ولا بغم
) شيعت مدينة بورتسودان “عوض حكام” مدافع المنتخب الوطنى فى العصر الذهبى و كابتن فريق الاتحاد بورتسودان تغمده الله بواسع رحمته
)عاد يا الكباشى ..!و لعيبة اركويت الاربعه شافوهن فى “المنتاز” واولهم “كباشى ادم ” مع مريخ نيالا ..وفريق اركويت حالف يجوط ويصوط “المنتاز” يعنى كيفن لعيبة فى كشوفاته يلقاهم فاتوا ..فاتوا.. فاتوا ..مريخ نيالا قال اللاعب وراهم خطاب شطبه ثمح جابه من وين ..واليومين الجايات سنرى الى اى منقلبن سينقلبون او ربما
ينتهى امر النادى نهاية فريق اسد تيه مع المريخ .؟
)فريقان صعدا الى ربع النهائى يثيران اعجابى لحدود الان هما براميدز المصرى وصنداونز
)اصبح اشرف حكيمى الظهير الأيمن الأعلى أجرًا في العالم..جددولو عقده ب14 مليون يورو صافية (28 مليون يورو إجماليًا)
) لم تبرح عقدة اتلتيكو الريال والتعادل بهدف سيد الموقف..والحكم”سوتو ” سواها ظاهرة مع الريال فى الكورة الفاتت ديييك ..عند تدخل تورو على قدم فينيسيوس في مبارة أوساسونا موسم 2021-2022 اللقاء انتهى بالتعادل 0-0 الحكم ما احتسب ركلة جزاء للملكى والبارح من نفس المخالفة اختها بالرضاعة والكربون معا احتسب ركلة جزاء ضد الملكى ..رغم التحكيم الملكى لم يبارح الصدارة
) كان الشيخ الراحل ” عوض الله صالح محمد نور الدين مفتي الديار السودانيه السابق” هلالابى.لكن داسيها بحكم انه شيخ و فى وظيفة عليا و بالتالي لا يليق به أن يفصح عن او يجاهر بذلك.فى إحدى اللقاءات بإذاعة أمدرمان مع الشيخ ..كان مقدم البرنامج جرئ جدا. قال للشيخ سمعنا انك بتحب كرة القدم و بتشجع الهلال.رد عليه الشيخ (و قد عرف عنه بأنه سريع البديهة و ذكى ) :يا ابنى الموضوع مش كدا. انا و بحكم وظيفتى، لازم اتحرى الهلال مرتين كل شهر.
) اضحكوا يا هلالاب اخرها كوم تراب
سوداني متزوج اربعه نسوان مصريه لبنانيه خليجيه سودانيه😗😘 صحي الصباح لقي المصريه صاحيه قال ليها المصحيك بدري شنو ..قالت ليهو عشان اعملك الفطار حبيبي😘😘مشي لي اللبنانيه قال ليها ليش صاحيه بدري قالت ليهو كرمال حضرلك الشاي تئبرني😻😍مشي لي الخليجيه سالها صاحيه بدري ليه قالت ليهو مشان جهزلك الحمام حياتي😻😻💜 مشي لي السودانيه قاليها المصحيك بدري شنو قالت ليهو:” اجي ي اخواني م نبول يعني ولاشنو )😂😂💔
@نبض العشق السرمدى ..سر البوح يا غرام الروح.. ويبقى العشق ما بقى سمو الهلال
زرقـاء الـعشق –هُـوَيْـدَا اَلْـمَـاحِى
