عِـشْقٌ سَرْمَـدِيٌّ -هُـوَيْـدَا الماحى- عَوَاهِرُ الكاف استبدلوا منسق مباراة الملكى الهلال!
استراليا عشق البلد
-اى هَفْوَةُ أمام الاهلى كفْوة
-ميشو تبت لقاليقك وتب لسانك قال” لم نهرب كما هرب الزعيم الهلال عن مقارعة الشمال يقرعك ابليس”
)سيد ريدى الهلال :”لو عمري شيئـًا في يدي ..لوهبتو ليك يا سيدى..سيدى وسيد البلد ..سيد الريد والهوى فالنهزم الاهلى والكاف سوى
) الكاف الحقير بعد خرمجة تعيين الحكم الموريتانى واستبداله بالحكم الجنجويدى ..وكت لقى الملك الهلال ماضى فى سبيل كسر شوكة الاهلى المصرى قام تانى من تانى غير منسق المباراة .. استبدال الغاني فريدريك أشيمبونغ بمواطنه ألكسندر أسانتي نظراً لعدم تواجد الأول..ياربى يكون الاول ماخدلو “أجازة” وضوع ولا مرضع .؟
)اللخو فلوران الكورة اكان بقت فوقها ضربة جزاء الرسول ما تعيد لينا المغصة الزمان (من هسه وبقيت تنسى دلايل الريد وكت تظهر وحاتك ما بتدسى شفنا عيونا بي عينيك وما عدينا لي مرسى شقى وغرق مشاعرنا بحر أمواجوا ما بترسى)..ومن هسه اختار ومرن ودرب وجهز وحضر واشر على اللاعبين المكلفين بتسديد الركلات بالدور ..المفروض اى ضربه قبل التنفيذ تكون انت القبلة للاعبين وتختار منو البنفذها ولا ما كده.؟
) لم تبارح اخطأ حماة عرين الملكى الهلال مكانها ..اى هفوة أمام الاهلى المصرى كفوة
زمان من داخل ملعب الملكى الهلال كنت عايزه اناضم مدرب الحراس المصرى “السويركى” قام “شبالى” الكوتش مصطفى يونس ..قال لى يا استاذه انا الكوتش اسألينى عايزه ايه”اجى يا الكوتش..”قت لو”:لالا ما دايراك ..دايره مدرب الحراس بالذات بدور اناضمه ..اها ..قاموا نادولى “الميدرب” ومصطفى يونس لم يبارح مكانه عاد ما الشمار كاتله..المهم وجهت نقد حاد للمدرب ..اخطأ الحراس لم تبارح مكانها الحارس “فلان” شماله ضعيف ولم يذل بذات الضعف..و”فلتكان” توقيته “مو ” سليم ..وقرياته للملعب بطالى ولم التمس تحسنا..انت جاى تعمل شنو ..الغريبه و(الغريب كل الحسان منك تغير..شافن الجسم اللطيف زي الحرير) لم يكابر بل اجابنى كلامك مضبوط وبصراحه انا “غلبت” مع الحارس فلان لانه عاجز عن التطبيق ..وعلق الكوتش مصطفى يونس انتى داهية بتفهمى كورة صح ..بالمناسبة الكوتش مصطفى يونس عندما هاتفته بالقاهرة ايام سعى البرير لتسجيل “اوتوبونغ” قال لى بالحرف :استحلفك بالله يا استاذه بلغى ادارة الهلال ما يشتروا” الترماى “..اللاعب مصاب ولن يفيدكم فطلبت منه الاتصال على السيد عبدالرحمن ابومرين نائب الرئيس لتمليكه المعلومة طلب منى ارسال الرقمه لانه كان قد فقد جهات الاتصال ولكن لم يتراجع البرير ليقرر به اثنان من الصبية المصريين شالوا منو القروش بالشنطة وشرب الوطن الهلال المقلب
المزيد من المشاركات
