أخبار عاجلة
الرئيسية / المقالات / بعد رفع صيوان …(شركاء السودان)… هل المال كل شيء؟! /محمد علي فزاري

بعد رفع صيوان …(شركاء السودان)… هل المال كل شيء؟! /محمد علي فزاري

بعد رفع صيوان “شركاء السودان”… هل المال كل شيء؟!

كتب :محمد علي فزاري

 

 

بعد نهاية مؤتمر أصدقاء السودان الذي استضافته العاصمة الألمانية برلين عبر تقنية الفديو كونفيرنس تبيانات الآراء الكيزان قالوا الاتي
*القروش بسيطة ما تسوى حاجة
*البعض قال مؤتمر شخدة السودان
*اليائسون قالوا كشف عريس لم يغطى تكاليف المناسبة
وقلت على قناة سكاي نيوز عربية بعيد انتهاء المؤتمر بلحظات ركزت على بعض منها و البعض لم يسعني وقت الاستضافة قلت اشارككم لها وعارف الكهرباء لم تنستر مع الكثيرين
اولا ليس العبر في من دفع كم ولمن لكن العبرة في الخواتيم المؤتمر تبني موقف الدعم السياسي و المالي و التطلع إلى شراكة حقيقة وتركز في حقيقية كما قال حمدوك يعني شراكة مبنية على الندية.
ثانيا مبلغ ٢ مليار دولار قليل مقارنة بديون السودان البالغة ٦٠ مليار دولار لكن خطوة إعفاء بعض الدول ديونها لا تقل عن تلك التي تبرعت بالدعم.
ثالثا: المؤتمر يمثل خطوة عملاقة لمغادرة العزلة التي وضعنا فيها النظام المباد.
رابعا :قلت المؤتمر جاء في توقيت مهم للحكومة اي قبال ايام قليلة لمليونية ٣٠ يونيو التي يصفها منظموها بالتصحيحية و استبقها حمدوك بخطاب تناول فيها بعض المطالب وقبل قال حق التظاهر مكفول لأي شخص.
#كسرة الناس البتقول الكشف ما غطى المناسبة انتو عارفين مرات في ناس يكونوا واقفين معاك قنا في من تكاليف غير مرئية صيوان دعوات الناس لحدي يشوف إيجار العربية و يزكر دعوة الأصدقاء القريبين منك واي حاجة بسيطة ناقصة في البيت بتمها ليك في صمت ده بكون ما سجل في الكشف جنيه لكن مجهود بكون أكبر من بتاع العربية المظللة البجي قريب نهاية الغداء و بتجه نحو الكشف مباشرة و بدفع ليه ربطة بعتذر من الغداء باعتبار أنه اليوم حضر كم مناسبة و حنك انه مستعجل وكده.
اها في دول بتحفر معاك الصيوان و بتم ليك منصرفات غير مرئية و بتم النواقص و بتقدم ليك دعم معنوي و في دول تجدع ليك الحزمة المالية و انت تتصرف.
تخيلوا معاي لو ده كان في زمن الكيزان و كان مافي كورونا كان نصف المبلغ ده راح نثريات سفر و تزاكر طيران و إقامة فنادق لأنه بكون كل مسؤول ساق معاه ناس بيتهم سياحة في برلين.

عن أمانى صالح

أمانى صالح

شاهد أيضاً

البعد الاخر / صلاح الدين حميدة / نهب وسرقة وتدمير فى وزارة الثورة الشباب والرياضة.

البعد الاخر / صلاح الدين حميدة / نهب وسرقة وتدمير فى وزارة الثورة الشباب والرياضة. …

سقوطنا.. نحن الاسلاميون! على دهب

سقوطنا.. نحن الاسلاميون! على دهب هممت ان اكتب هذا المقال بعنوان: سقوط الاسلاميين. تململ ضميري.. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *