أخبار عاجلة
الرئيسية / ألاخـبـار / رسالة للسيد والي ولاية الخرطوم

رسالة للسيد والي ولاية الخرطوم

رسالة للسيد والي ولاية الخرطوم.
.
.
في البداية عاوزه اقول ليك شكرا لانك انت اعترف بالفشل و بالنسبة لينا دي ثقافة جديدة في انو مسئول يعترف بالفشل وهو في منصبه. وانا عن نفسي قبلت اعتزارك في الملف دا تحديدا
.
.لكن احب اقول ليك حاجة فشلك في ملف النظافة دا للأسف حيتبعوا فشل في ملف الصحة بصوره مباشرة وخصوصا في الفترة الجاية لانو نحن في فصل الخريف زي ما حضرتك عارف. وللأسف في احتمالية ظهور الأمراض الوبائية زي الكوليرا الاسهالات والالتهابات عشان كدا افتح عينك كويس من اسع لانو الاعتراف بالفشل دا صفاره إنذار مبكر. للفشل في ملف الصحة.
.
.
نجي لي أسباب الفشل وهنا في بعض الأسئلة احب اسئلها ودي طبعا محتاجة اجابه منك لو وصلك البوست دا أو مر عليك ساي سهوا في الفيس دا أثناء ما انت بتقلب فيه؟؟!!!!
أو حتى ما ضرورة بس الاجابه عليها في منطوركم العملي مهم أو اعتبروها نقاط نقاس للناس الحتقرا البوست دا

. الخرطوم دي فيها ٧محليات وهي َ كلها تابعة لي حضرتك باعتبارك حكومة الولاية، هل في آلية متابعة مع المحليات دي في الملفات المختلفة وتحديد أولوياتها ؟؟؟؟
.
هل في خطط أسبوعية، شهرية، ربع، شهرية، نصف سنوية، سنوية، وخطط استراتجية تنظم شغل المحليات دي في الملفات المختلفة ؟؟؟؟ ؟
.
.
هل في آلية متابعة وتقيم للخطط دي أن وجدت؟؟؟؟ وهل في نظام محاسبة ومكافاءات على الشغل البتم من فترة متابعة والثانية؟؟؟؟ ؟؟
.
.
هل قعد تتم دراسات ومشاريع لي مشكلة من المشاكل الواضحة في الملفات المختلفة دي ولا بتجي وبتظهر وبيتم إدخالها في الإدراج عشان تتحلا براها؟؟ ؟؟؟؟
.
.
طيب في رسوم نفايات، وعارفا الناس بقت ما بتدفعها لأنو الله ليها حق انها بتدفعها ومافي نتيجة، طيب حاولت ترجعها وتشتغل بيها فعلا على أرض الواقع أن شاء الله في الشوارع الرئيسية بس؟؟؟؟ ؟؟
.
.
هل حاولت تستفيد من مبادرات الشباب والشابات ااكانت الفترة، والحاليا شغالة في انك تصمم معاهم حملات توعية لتغير السلوك لانو الموضوع دا تغير سلوك ومحتاج زمن؟؟؟؟ ؟؟؟.
.
لو افترضنا كل المحاولات دي فشلت مش كان ممكن يتعمل قانون يلزم بالالتزام بالنظافة زي ما يحصل في التزام الناس بالقوانين في أماكن كتيرة؟؟؟
.
.
آخر حاجة احب اقولها ليك هل في حكومة الولاية في جدوله لي أولويات الولاية اللي ممكن يكون موضوع النظافة دا يكون من أهمها؟؟؟؟ ؟؟.
.
.
احب اقول ليك لو ما عندك أجوبة للأسئلة دي طبيعي تفشل في الملف دا، ونفس الأسئلة دي بتنطبق على باقي الملفات الانت ما سكها حضرتك، ما عيب انك تجي متأخر العيب انك ما تجي نهائي، والعيب انك تغلط وتكابر على غلطك دا.
.
وبكرر ليك الشكر في اعترافك بالفشل دا لانو ما متعودين عليه من المسئولين ودي ثقافة جديدة مؤشر لي حاجات كثيره كويسة نحيك عليها.
..
.

.
ملاذ عبد العزيز
#مواطنه_مقهورة_علي_البلد_دي

عن أمانى صالح

أمانى صالح

شاهد أيضاً

سمو وزير خارجية السعودية يستقبل عضو مجلس السيادة الإنتقالي بجمهورية السودان

سمو وزير خارجية السعودية يستقبل عضو مجلس السيادة الإنتقالي بجمهورية السودان استقبل صاحب السمو الأمير …

(مدارات تيارات) ملف ثقافي أسبوعي يصدر كل خميس.. أماني محمد صالح

(مدارات تيارات) ملف ثقافي أسبوعي يصدر كل خميس وشعارها يمكننا ان نتفق بعشق…… ونختلف باحترام …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *